almaz

yunancadan "adamas" - yenilməz sözündən götürülmüşdür. fərqləndirici xüsusiyyəti təbii və süni materiallar arasında ən yüksək sərtliyə malik olmasıdır.(moos şkalasına görə 10). 99% karbondan təşkil olunmuşdur. işıq effekti verməsinə görə qiymətli daşlar arasında tayı-bərabəri yoxdur. daşın işıqlanması zamanı parlaq mavidən alovu-qırmızıya qədər rəng çaları alınır. cilalanmamış almaz göz oxşamır, xiii əsrdə farslar yaqutu, zümrüdü, hətta xrizotili almazdan qiymətli sayırdılar. orta əsrlərdə avropada da almaz zümrüd və yaqutdan ucuz qiymətləndirilirdi. yalnız xvi əsrdə almaz daşlarını taraşlayaraq, ondan heyranedici gözəlliyə malik brilyant aldılar.

katyuşa

1938-ci ildə matvey blanterin bəstəsi, mixail isakovskinin sözləri ilə ərsəyə gəlmiş rus mahnısı. ilk dəfə 1941-ci ildə moskvanın qızlar üçün olan peşə məktəbinin tələbələri tərəfindən nazi almaiyası ilə vuruşmağa gedən əsgərlərə “yaxşı yol” (və yaxud “əlvida”) marşı olaraq oxunub. bu hadisədən sonra böyük məşhurluq qazanıb və ilk dəfə valentina batişyova tərəfindən moskvanın tarixi binası “дом союзов”da səslənib.

mahnının sözləri isə çay kənarında oturan cavan qızın uzaqlarda əsgərlik edən sevgilisinə onu nə qədər sevdiyini və bütün qəlbi ilə gələnədək gözlədiyindən ibarətdir (şişirdilmiş bəddiiləşmə ola bilər, üz vurmayın).

mahnının müharibə dönəminə təsadüf etməyi və əsgərlər tərəfindən çox sevilməyi səbəbindən, reaktiv artilleriya maşınlarına katyuşa adı verilib.