təpəbaşı məhəlləsi

ermənilərin hazırda kond adlandırdıqları təpəbaşı məhəlləsi. ermənicə də "kond" təpə deməkdir. irəvan şəhəri qaladan əlavə eynən bakı kimi bayır şəhərdən də ibarət olub. bayır şəhərə üç məhəllə aid idi. bunlar şəhri, təpəbaşı və dəmirbulaq məhəllələri. bilmədiyiniz kimi irəvan sovet dövründə tamamilə dağıdılıb yenidən tikilib.və demək olar ki keçmişə aid bütün binalar məscid və mədrəsələr sökülüb. yerinə yeni yollar, parklar, binalar salınıb. hazırda irəvanda bizdən xatirə fars məscidi adı altında göy məscidi saxlayıblar. lakin bundan başqa təpəbaşı məhəlləsi də müəyyən qədər toxunulmaz qalıb və az da olsa bizdən qalan izləri özündə daşıyır. təpəbaşı məhəlləsi zəngi çayı ilə şəhri məhəlləsinin arasındakı təpəlikdə yerləşir. bu məhəllə şəhərin qərb hissəsini əhatə edirdi. təpəbaşı məhəlləsini şəhri məhəlləsindən irəvanın adlı-sanlı adamlarının çoxsaylı bağları ayırırdı. hüseynqulu xana məxsus məşhur xan bağı da burada yerləşirdi. hazırda isə irəvanın ən geri qalmış rayonu sayılır. burda siz köhnə evlərin məscid və mədrəsələrin qalıqlarına rast gələ bilərsiz. təəssüf ki tezliklə bu məhəllə də tarixə qovuşacaq.

enerji içkiləri

bir müddət olsa da başqa ölkədə yaşadığıma görə rahatlıqla deyə bilərəm ki ancaq azərbaycanda səhərin götü açılmamış acqarına energetik içki içirlər. canının qədrini bilməyən təbii ki kasıbdır. baxırsan ki zalım günü 10 manata işləyən fəhlədir və ya taksi sürücüsüdür səhər duran kimi gözünün poxunu silməmiş əlində hell, ayağında vyetnamka işə gedir. o dəfə də taksi sürücüsünə iradımı bildirdim ki özünü öldürürsən içmə belə. dedi ki günə azı üç dörd dənə içirəm. bu içkiləri gündə maksimum bir dəfə içmək olar o da əgər hər gün davamlı içmirsizsə. gündəlik normanı aşmaqla siz enerji yox ürək xəstəliyi əldə edirsiz. xəstəlik tapanda da müalicəyə pul tapası deyilsiz. tibbi sığortamız da yoxdu. yəni ki onsuzda poxdayıq lap da batırmayın özünüzü.

sulduz qətliamı

31 fərvərdin 1358-ci günəş ili (20 aprel 1979) kürd terrorçuları siyasi partiya adı altında iran da inqilabi şəraitdən istifadə edərək, hərbi bazaları qarət edib və ağır-yüngül silahlarla sulduz şəhərində toplanmağa başladılar. onların məqsədi azərbaycan torpaqlarının içinə daha çox nüfuz etmək, habelə xəyali böyük kürdüstan dövləti qurmaq idi. azərbaycanlıların silahsız olaraq hücuma məruz qalması bir çox itkiyə səbəb olmuşdur. kürd terroristlərinin cinayətkarlığı inanılmaz faciələrə səbəb olmuşdur. kürdlər uşaq-qadın-qoca demədən hamını öldürmüş və cənazələrini doğramışlar. təxminən 10 gün davam edən hücumlara urmu şəhərinin sonradan imam cüməsi olmuş molla həsəninin ordunu sulduza dəvət etməsi ilə son qoyulmuşdur. əlavə olaraq qeyd edək ki, sulduz şəhəri ilə birlikdə ətraf kəndlər də kürd terrorizmindən əziyyət çəkib itkilər veriblər.fars hakimiyyəti sulduz qətliamına bilərəkdən mudaxilə etməmiş və hətta hərbi bazaların kürd siyasi partiyalarına təslim etmək üçün pərdə arxası razılıqları da olmuşdur.

azərbaycan kazakları

azərbaycan kazaklarının qardaşlığı təşkilatı 1992-ci ildə yaradılıb. 1994-cü ildə ədliyyə nazirliyində qeydiyyatdan da keçiblər. 1500-ə qədər üzvü var. deyilənə görə əksəriyyəti əsilli kazakdı. yəni ata babadan kazakdılar. lakin irsən kazak olmayıb kazak qanunlarına uyan və bu təşkilata üzv olanlar da var. rusiya, pravoslav kilsəsi və səfirlik ilə sıx əlaqədədirlər. hər il "ölümsüz alay" yürüşlərinin əsas təşkilatçıları da məhz bunlardır. pravoslavlığı və imperiya dəyərlərini qoruyub təbliğ edirlər. əsrlər boyunca ölkəmizdə qətliamlar törədib quldur yürüşlərinə qədər ediblər. qısaca düşməndilər bunlara şərait yaradıb fəaliyyətlərinə göz yumanlara nə edək necə başa salaq bilmirəm. amma ən azından küçədə bacada görəndə öz etirazımızı bildirə bilərik.

wiki sərbəst iş

bu gün belə bir başlıq altında imzatoplama kompaniyası gördüm. çox gözəl düşünülüb. doğrudan da hər il universitetlərimizdə dəxlisiz sərbəst işlər istənilir. və azərbaycanda oxuyanlar bilər. ki sərbəst işlər çox vaxt internetdən köçürülür. özləri yazssalar belə əhəmiyyət verilmir və bir qırağa tullanılır. ara yerdə boşuna iş görülür kağız məhv olunur və şəxsi büdcəyə ziyan dəyir. amma bu tədbirdə çox gözəl fikir irəli sürüblər ki sərbəst iş yazmaqdansa tələbələr vikipediyada hansısa məqaləni öz dilimizə çevirsinlər. bu öz dilimizdə olan internet resursların inkişafına böyük bir təkan olar. ağaclar qırılmaz kağızlar məhv olmaz pulumuz da cibimizdə qalar. məncə sözlüyün açılmağı da buna xidmət edir və inanıramki sözlük yazarları da bu tədbirə dəstək olarlar.

müharibə başlasa yazarların edəcəkləri

vəziyyət çox qəlizdir. söhbət təbiiki qarabağ müharibəsi ehtimalından gedir. nə bu hökümətə nə səhiyyəyə nədəki bu hərbiçilərə inamım yoxdur. hər gələn əsgər də şikayət edir getməyin deyir. yaralanan, qazi olan, şəhid olanlara dövlətin münasibətini gördükdən sonra heç kimsə bu torpaq uğrunda döyüşmək istəməz. müharibə başlasa bu səhiyyəyə bu sistemə baxmayaraq yəqinki ilk günlərdən döyüşə atılacam. çünki daima yaşlı nəsli haqqlı olaraq ittiham etmişik. ki yaxşı torpaq satılıb satılıb bəs sizə nolmuşdu? 3 milyon yarım kişidən 10 min kişi çıxmadıki dağlara çəkilib partizanlıq etsin? çıxmadı. gələcəkdə tənqid olunmaq istəmirəm deyə vicdan əzabı çəkməyim deyə döyüşə atılacam amma yəqinki bu sistemə tabe olmayacam. salamatı dağlara çəkilib elə mübarizə aparmaqdı.

martın 10-dan 11-nə keçən gecə

azərbaycan silahlı qüvvələri ermənilərin hava hücumundan müdafiə qoşunlarının hərbi hissəsinə zərbə endirib. nəticədə p-18 p-19 radiolokasiya stansiyaları və düşmənin 15-ə qədər əsgəri məhv edilib.


utanmırlar hələ hücum filan edirlər. düşmən mövqelərinə zərbələr endirirlər. hansı günümüzə? lazımdırmı bizə? yenidən düşmən cavab versin qardaşlarımızı şəhid və ya əlil etsin deyə? müharibə olacaqsa olsun. belə ara sıra atışmalarla 18-19 yaşında təcrübəsiz uşaqlar şəhid olmalı deyillər. o uşaqlar 2 min manat pulları yoxdur deyə səngərdə qruşağadək suyun içində ac susuz yuxusuz qalıblar. postlarda əsgər çatışmır. hər dörd saatdan bir o əsgər iki saat olaraq postda durmalıdır. heç bir təcrübəsi olmayan ala yarımçıq hərbi təlimi olan əsgər. hazırda iki qrup yoldaşım evdən xəbərsiz postdadılar. yalandan arxadayıq deyiblər çünki maddi imkanları yüksək deyil və ailəni borca salmaq istəmirlər. heç kim ama heç kim döyüşmək istəmir. hər gələn “ağlın olsun əsgərliyə getmə” deyir. çünki haqqlıdırlar. bu gün əgər postda duran əsgər istismar olunursa canının qiyməti yoxdursa yaralandıqdan sonra şəhid olduqdan sonra sahib duran yoxdursa haqqlıdırlar. şəhidi bayraqla təmtəraqla basdırmaq sahiblənmək deyil. qaziylə şəkil çəkdirib sosial şəbəkələrdə yaymaq sahiblənmək deyil. qarabağ qazisi gömrük rəisinin otağında döyülür. qarabağ qazisinin övladı səhiyyənin və maddi imkanının məhdud olduğuna görə dünyasını dəyişir. son döyüşlərdə iki ayağını itirmiş qardaşımıza yaxın duran yoxdur. hər şey qənirəkimilərlə şəkil çəkdirməkdən ibarət oldu. sonda hansısa deputat sən mənim seçicim deyilsən deyib rədd etdi onu. hələ dünən çatdı bizə. söhbət əsnasında dedimki “müharibə başlasa normal səhiyyəmiz yoxdur nə edəcəyik biz?”.

azərbaycanda rus dilində təhsil

mövzu pulsuz rusca təhsildən gedir. bu ölkədə ləzgi talış avar qardaşlarımız türklər kimi öz ana dillərində pulsuz təhsil ala bilərlər ki ala bilirlər. öz qrup yoldaşım 11 il ləzgicə təhsil almışdı. ilk kursda azərbaycanca danışmağa belə çətinlik çəkirdi. nəysə. rus dilində təhsil isə özəl məktəblər tərəfindən təşkil olunmalıdır. və rusca oxumaq istəyən rahatca gedib oxuyar. day dövlətimiz bizim vergilərimizin hesabına onları rusca oxutdurmalı deyil. ki sonra hansısa soskabaş mənim xalqıma çuşka desin. dövlətimiz ölkəmizdəki tarixi abidələrə laqeyid yanaşıb sökəndə romada vatikanda muzey təmir etməli deyil. dövlətimiz deyirəm amma bizim deyil hələ. gün gələcək bizim olacaq onda bu rus dilində pulsuz təhsil elə bu rusbaşlarla bir yerdə rədd olub gedəcək.

fantaziya hamamı

Müasir dövrdə bizə maraqsız gələ bilər amma əvvəllər ictimai hamamlarda çimmək mədəniyyəti var idi. Bu yalnız çimib çıxmaqdan ibarət deyildi. Bu belə desək əməlli başlı ritual idi. Hamamlarda bərbərxanalar çayxanalar da fəaliyyət göstərirdilər. Hər həftə sonları insanlar hamama gedərdilər. Kişilər burada çoxdan görmədikləri tanışlarını görər onlarla ictimai mövzuları müzakirə edərdilər, saçlarını sahmana salardılar. Çimdikdən sonra isə çayxanada dincələrdilər. Burada isə nərd oynayıb qəlyan çəkmək imkanları da var idi. Amma şərtlər də var idi məsələn puldan oyun oynanmazdı spirtli içki verilməzdi. Xanımların da hamama gəlməyi belə desək bayram idi. Çünki xanımlar o dövrlərdə hər gün çölə çıxmazdılar çıxsalar belə əksəriyyət qapalı geyinərdi burda isə rahatca saçları açıq gəzərdilər. Hamam sandıqlarını götürüb çimməyə gələrdilər. Oğlan anaları burada öz oğullarına qız bəyənərdilər. Qəribəsi isə odurki hamamda kişilərə spirtli içki qadağan olunsa da bəzi qadın hamamlarında içki qadağan deyildi. Fantaziya hamamı da öz dövrünün şah əsəridir. Özündə şərq və avropa mədəniyyətini birləşdirən bu əjdaha tikili haqqında elə açıldığı gündən batacağı ilə bağlı yazılar çıxmağa başladı. Çünki bu hamama çox xərc qoyulmağına baxmayaraq qiymətlər çox ucuz idi. Şamaxinkadan bura təmiz su çəkilmişdi. 1897-ci ilin 13 yanvarında açılan bu hamam elektriklə təchiz olunmuşdu və hətta ilk hamam idiki telefon xətti mövcud idi. Qiymətləri isə çox ucuz idi. Əhalinin orta təbəqəsi də bu hamamdan istifadə edə bilirdilər. Çünki qiymətlər çox ucuz idi. Yunan heykəlləri ilə şərq mozaikalarını bir yerdə düşünün. Adətən hamamlar daxildən gözəl olub xaricdən sadə görünümlü olublar. Lakin Fantaziya belə deyildi o doğrudan da fantaziya idi. Xarici fasadında da şir başlı bulaqlar var idi. Baxın indi bu tarixi sökmək istəyirlər. Biz isə susacağıq kilsələrimizin məscid və hamamlarımızın sökülməyinə dağılıb məhv olmağına susacağıq. Lakin roma katakombalarının vatikan muzeylərinin təmirinə əl çalıb urra deyəcəyik. Pul bizim deyil? Özümüz bilərik.


Bax: https://m.youtube.com/watch?v=0_mZl0nMpc8

iosif ploşko

ploşko 1867-ci ildə polşada doğulub.memardır əksər fəaliyyəti bakıda olub. 1897-ci ildə başqa polşalı memar qoslavskinin dəvəti ilə bakıya gəlir. və tezliklə bakı şəhərinin baş memarına çevrilir. o gözəl ismailiyyə binasını bizə məhz ploşko bəxş edib. bu binanı venesiyadakı məşhur dojlar sarayından ilhamlanıb tikir. daha sonra köhnə tarqovıy və telefonnaya küçələrindəki binaları tikir. murtuza muxtarovun vladikavkazda tikdirdiyi muxtarov məscidini də tikir. kaş o məscid bakıda olardı. şamaxıdakı qədim cümə məscidininin təmirini də o edir. daha sonra polşalı iş adamların maaliyyə dəstəkləri ilə müqəddəs bakirə məryəm ana kilsəsini tikir. bu qotik üslubda olan kilsəni 1938ci ildə bolşevik debilləri sökürlər. hazırda yerində keçmiş milli təhlükəsizlik nazirliyinin mədəniyyət mərkəzi var. səadət sarayını da atlantlı binanı da bu igid tikib. qısaca bakının bu günki halına görə bu insana çox borcluyuq. adını yazdığım tarixi binaları axtarış verib tapıb baxın. barselonanın gaudisi varsa bizim də ploşkomuz var!

1 mart 2016 rus dilində kino təqdimatına etiraz

dünən mədəniyyət və turizm nazirliyinin dəstəyi ilə çəkilmiş "içərişəhər" filminin təqdimatında rejissor təqdimatı rusca edib. tamaşaçılardan biri buna etirazını bildirib və azərbaycanca danışmağını istəyib. rejissor isə buna məhəl qoymayıb danışığına davam edib. daha sonra isə çıxış edən aktirsa da rusca danışmağa başlayıb. və zaldakılara "kimə xoş deyil çıxsın" deyib. etiraz olaraq bir neçə tamaşaçı zalı tərk edib. indi səbəb göstərirlərki bəs içəridə rus qonaqlar olub buna görə rusca danışıblar. zalda kamboca vətəndaşı olsaydı kxmercə danışacaqdılar bunlar? zalda olan xarici varsa tərcüməçisi olmalıdır. yox əgər rejissor və ya aktrisa qonaqlara jest olaraq xarici dildə danışmaq istəyirlərsə zaldan icazə almalıdırlar ilk. daha sonra rejissora etiraz olunub o isə məhəl qoymayıb halbuki üzr istəyib niyə bu dildə danışdığını başa salmalı idi. və sonda aktrisa öz ölkəsində öz dilində danışılmasını istəyən bir vətəndaşa "kimə xoş deyilsə çıxsın" deməsiylə çox böyük qələt eliyib başını daşa döyüb. o etiraz edən vətəndaşların qarşısında baş əyirəm. belə olun! dilinizi haqqınızı tələb edin! bir ovuc küçüyə sizə yuxarıdan aşağı baxmasına imkan verməyin!