turalbaijan


1130   3   0   1
turalbaijan
7.nəsil yazar
reytinq xalı: 2386
karma xalı:1244
entry sayı:1130
izləyənlər:6
sifariş sayı:24



(youtube: )


Sevdiyim tək-tük, ya da elə tək türkiyəli ifaçı. Sertab qalp ben





son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

ekşi sözlükdə 10 noyabr zəfər gününün tarixinin dəyişdirilməsi təklifi Mənim həvəsim və vaxtım yoxdur, amma bir dəfə məhz o başlığa yazan bütün istifadəçilərin digər entrylərinə baxacam. O yanda belə bir tendensiya var ki, götə göt deməyi bacarmırsan. Sənin dəstəklədiyin insan, partiya, millət, ölkə və s. Səhv addım atsa, onu deyə bilmirsən. Erməni azərbaycanlı başı kəsdi başlığında ermənilərin hərəkətini pisləyən radikal solçuları və etnik ermənini, azərbaycanlı erməni əsirə zor tətbiq etdi başlığında isə sağçı və millətçiləri görə bilmərsən.

Deməyim odur ki, bu başlığı açan və Azərbaycanın hərəkətini ədəbsizlik kimi qiymətləndirən istifadəçilər provakasiya etmək istəyə bilərlər, onu tapmaq elə də çətin deyil. Digər bir yandan, Atatürkə və Türkiyəyə xəyanət etdik deyə bizi günahlandıranlar bir dönüb geriyə baxsınlar zəhmət olmasa, 1938-dən bəri ölkə Atatürkün heç bir prinsipinə uyğun idarə edilmir, onun mirasına hamılıqla xəyanət etmisiniz və buna görə əsl siz xəyanətkarsınız. Ona hörmət etsəydiniz, qələbə kimi adlandırılan bu günə sevinərdiniz.
kapital bank Koronalı günlərdə insanların əsəblərini tarıma çəkən kommersiya bankı. Belə ki, bayaq xoş xəbər olub təqaüdümü almaq istəyərkən filialın qarşısında 20-30 nəfərlik növbə gördüm. Açığı, növbə də deyildi, izdiham da deyə bilərik. Səhər saat 8-dən növbə götürən vətəndaşlar saat beşə qədər içəri alınmır. Qapıları da bağlayıb içəridən çıxıb getmələri istənilirdi. Uzun bir çığır-bağırdan sonra şöbə müdiri olduğunu təxmin etdiyim şəxs çıxıb işçilərinin 50%-nin virusa tutulub işə gəlmədiyini, nəticədə işlərin çox ləngidiyini dedi. Yenə də ikili və üçlü atışmalar fonunda saat 17:00 oldu və filialın bugünlük fəaliyyəti bitdi.

Mənim anlamadığım məqam müvəqqəti işçi heyətinin niyə alınmadığıdır. Proseduru bilmirəm, yenə də bu qeyri-sabit vəziyyətdə bir düzəliş etmək olar təbii ki. Onlayn bankinqi hələ o səviyyəyə çatmayan sistemin bu kimi vəziyyətlər üçün alternativ çıxış yolu olmalıdır, yoxsa ora hər gün gəlib içəri girə bilmədiyini deyəni, süpürgəçi işləyib "uşaqlarım evdə acdır, necə gündür o pulu götürə bilmirəm" deyəni, virusun əsas təhdid etdiyi yaş qrupundan olan qocaları orada gözlətmək insafsızlıqdır.

Qeyd: mən də suyum süzülə-süzülə evə gəldim əlbəttə. Əlimdə kart yox, buna görə növbə götürə bilmirəm, üstəgəl də verdikləri təqaüd adi 28.5, əlaçı da 94 manat. Şaka gibi be kamil.
dekabr 2020 kimi bir ilə çıxış qapısı olan ay. Bu il mənim üçün hislərin harmoniyası oldu: xoşbəxtlik və bədbəxtlik, yorğunluq və gümrahlıq, bədbinlik və nikbinlik, demək olar ki, bütün hisləri yaşadıq. Qoy ən azından bu ay rahat otura bilək yerimizdə, 17 ildə hiss etmədiyim və görmədiyim bütün həyəcanı bu bir ildə yaşadım.
respublikaçı alternativ partiyası Seçkilərdə səs verməyi düşündüyüm partiya. Adı üstündə - alternativ. Hökumətin Tək alternativi budur. Mənə yaxın olan yeganə partiya real-dır. Prezidentlik olmayacaq, ən azından bələdiyyə və parlament seçkilərində aktiv olmalıdırlar. Bir də bir ara yürütdükləri seçkili mer layihəsini yenidən gündəmə gətirməlidirlər. Heç olmaya böyük şəhərlərdə seçkilər keçirilməlidir.
ilham əliyev qarabağı azad etsə olacaqlar Qabil bəy deyib ki, Qarabağı azad etsin, bircə rayon azad etsin, qulağımı taykeş kəsəcəm. Deməli, ilham Əliyev Qarabağı azad etsə, qabilin qulağı taykeş kəsiləcək

Əlavə: tərbiyənizi pozmaq kimi çıxmasın, ittihamlara cavab veribmiş:
afro-türklər Anadolu torpaqlarının fərqliliyini saymaqla bitmir, bu fərqliliklərlə biz maraqlı tarixlərə şahid oluruq. Eynilə afrika əsilli türklər - afro-türklər kimi.

Afro-türklər Osmanlı imperiyası dönəmində Niger, Səudiyyə Ərəbistanı, Liviya, keniya, sudan kimi ölkələrdən kölə kimi gəlmiş və bu torpaqlarda məskunlaşmış qaradərililərin sonrakı nəsillərinə deyilir. Bu gün onların sayının 10000-dən artıq olduğu ilə bağlı məlumatlar yayılsa da, dəqiq sayı demək çətindir. Çünki imperiya dövründə əsasən öz köklərindən olanlarla evlənən kölələr cümhuriyyət dönəmində böyük şəhərlərdə yaşayan ağ türklərlə evlənmiş və onların nəsilləri assimilyasiyaya məruz qalmışdılar. Bu da təbii ki afro-türklərin dəqiq sayı ilə bağlı məlumatlara təsir göstərmişdir.

Əcdadları su yolu ilə gəldiyi üçün afro-türklər də sahilboyu ərazilərdə məskunlaşmışdılar. Onların Anadolu torpaqlarında məskunlaşdırılması ilə bağlı bir müqavilə də mövcuddur. 1919-1922-ci illərdə baş verən türk-yunan müharibəsindən sonra Türkiyə ərazisində yaşayan Rumlar kütləvi şəkildə Yunanıstana köçməyə başlayıblar. Yerdə qalan Rumların balkan torpaqlarında yaşayan mühacirlər, o cümlədən afro-türklərlə əvəz edilməsi üçün 1923-cü ildə mübadilə razılaşması imzalanıb. O müqavilə ilə anadoluya köçən şəxslərin dediklərinə görə, onların valideynləri ilk vaxtlar yunan dilində danışmış, sonradan türk dilini öyrənmişlər. Ümumi olaraq isə, ilk afro-türklər özlərini ərəb əsilli adlandırsalar da, sonrakı nəsillər isə özünü türk və müsəlman kimliyi ilə tanıtmışdır.

Afro-türklərin yeni gəldikləri torpaqlarda yaşatdıqları bir ənənələri var - "dana bayramı". Bu bayram afrika torpaqlarında, eləcə də afro-türklər tərəfindən təbiətə nemətlərindən ötrü təşəkkür etmək və onların bir-biri ilə əlaqəsini təmin etmək baxımdan yararlı olmuşdur. 19 və 20-ci əsrin əvvəllərində imperiya türklərin bu ənənəsini yaşatmalarına icazə vermişdi. Bayram 4 həftə davam edirmiş, afro-türklər tərəfindən seçilən bir godyanın başçılığı ilə qapı-qapı gəzərək toplanan ianələr hesabına dana alınırmış. Dananın buynuzu və gövdəsi bəzədilir və bir xalq yığıncağında təbiətə minnətdarlıq əlaməti olaraq qurban edilirdi. Onu əti afro-türklərə və onların qonaqlarına verilmiş, ardınca isə afrika adətləri ilə rəqslərin edildiyi, od üstündə gəzilməsi ilə bağlı məlumatların olduğu bildirilmişdir. Müasir dövrdə isə bu bayram afrikalılar mədəniyyət, yardımlaşma və həmrəylik dərnəyinin təşkilatçılığı ilə hər ilin may ayında izmir şəhərində müəyyən dəyişikliklərlə keçirilir. Tədbir 3 gün davam edir, birinci gün şəhərdə əcdadlarının etdiyi yürüşü rəqslərlə canlandırır, ikinci gün afro-türklərlə bağlı sənədli filmləri nümayiş etdirildiyi və sərgilər keçirildiyu simpozium təşkil edilir, sonuncu gün isə yerli və xarici turistlərin iştirakı ilə müxtəlif çıxışların, rəqslərin olduğu əyləncəli şənlik baş tutur.

Afro-türklərlə bağlı aşağıdakı mənbələr əsasında onlarla bağlı daha çox məlumat əldə edə bilərsiniz:
(youtube: )

(youtube: )

https://listelist.com/yesilcamin-afrikali-oyunculari/
https://perspektif.eu/2018/01/04/anadoluda-bir-afrika-afro-tuerkler/
http://www.afroturc.org/
atv Qaqlinin bir günlük smm işlədiyi telekanalizasıya.

bir başkadır Həmişəkindən fərqli olaraq, məndən əvvəl başlığı açan və zənginləşdirən yazarlarımıza təşəkkür edib serial haqqında yox, öz düşüncələrimi yazacam.
Əvvəla, Melisanın * tez-tez dediyi və @slut-un səsləndirdiyi kimi serial "total iş" deyil, averajın üzərindədir. Son dönəmin reytinq dalğası kanal işləri yox, rəqəmsal layihələr olduğundan bu tipli seriallar çox sevilir, bundan əvvəl baxdığım şahsiyetdə bunun kimi çox bəyənilmişdi. Türklər nəyi bacarmasalar da, dram və dedektivi yaxşı ərsəyə gətirirlər, bir başkadır kimi.

Serialda bu günün türkiyəsi, hətta bir çox ölkənin sosial-iqtisadi təbəqəsi təsvir edilib. Ölkədə yarı-yarıya bölünən mühafizəkar-sekulyar təbəqəni əslində bilinən kimi, yəni sekulyarlar özündənrazı, mühafizəkarlar isə məzlum, təmizqəlbli təsvir edib. Orada yaşamadığımdan bunun nə dərəcədə həqiqətə uyğun gəldiyini şübhə ilə deyərəm, amma molla qızının ani dəyişimini elə qəbul eləməzdi. Ya da dindar bir gənc ilk evliliyində bakirə olmayan bir qadınla evlənməzdi, istənməyən durum olsa da, gördüyümüz mənzərə belədir. Fəqət serialda mühafizəkar təbəqə çox mülayim nümayiş etdirilib, bayaq da yazdığım kimi həqiqətə nə qədər uyğundur, orasını yalan deyərəm.

Serialla bağlı digər qərarsız qaldığım tərəf hekayələrin əlaqəsi oldu. Sanki sonluğa doğru serial yavaşlayır və marağını itirir. Oxuduğuma görə serial nekşfliks işi kimi çəkilişə başlamayıb, bir neçə seriya kadra alındıqdan sonra yayım üçün sənəd imzalanıb, başladığı axıcılıqla puhu TV və ya blutv-də yayımlansaydı, daha yaxşı olardı. Bu halı ilə çatışmazlıq var sanki, 8 seriya olduğundandırmı, ya serialın spesifik xüsusiyyəti elə budur, onu aydınlaşdıra bilmədim. Halbuki məryəmin həyatından çox pərinin, Gülbin-gülan və xüsusi ilə Sinanın obrazı qabardıla bilərdi, amma 4-ü də (bir az pərini çıxmaq şərti ilə) loser tip olaraq nümayiş etdirilib. Serialın məndə qoyduğu yarımçıqlıq hissi buradan qaynaqlanır.

Bir də mollanın qızı ilə yanındakı maskulin qız əslində lezbiyan cütlük olmalı imiş, Allahın cəzası ərdonun xasiyyəti ssenarini dəyişib, bundan heç olmadığım qədər əminəm -*

izlənilərmi? izlənilər. Amma tərəfkeşlik edildiyi üçün o "şedevrədi də dana" deməyəcəm. Bundan daha yaxşısı ola bilərdi. Gözləyək, görək növbəti sezonu gəlirmi?

Əlavə kimi: buna baxanda nə qədər güldüyümü izah edə bilmərəm hahaha
eynək taxmağın mənfi cəhətləri Optik yox, qoruyucu taxsam da, uzun müddət gözümdə qaldığı zaman alnımdan başlayan ağrı bütün başımı əhatə edir. Taxmayanda da, kitab oxuyanda, ya şüaya məruz qalanda gözlərimi qaşınma tutur. iki ucu poxlu dəyənək misalı, heç kim bunlara məruz qalmasın
nürnberq hərbi tribunalı ikinci dünya müharibəsindən sonra qalib dövlətlərin (abş, böyük britaniya, fransassri) almaniyanı hərbi cinayətə cəlb etdikləri mühakimələrin keçirildiyi məhkəmədir. əsas məqsəd nazi rəhbərlərinin cəzalandırılması olsa da, adolf hitler olmaqla nazi rəhbərlərinin və zabitlərinin çoxu məğlubiyyətdən sonra intihar etmişdi. yerdə qalan 24 nazi öncülü isə qalib ölkələrin təyin etdiyi hakimlərin qarşısına çıxdı. mühakimələr zamanı 4 cinayət ələ alınmışdı: sülhə qarşı törədilən cinayətlər, insanlığa qarşı törədilən cinayətlər, müharibə hüququnun pozulması ilə törədilən müharibə cinayətləricinayətlərin ortaq plan və sui-qəsd prosesi vasitəsilə törədilməsi.

təqsirləndirilənlərin çoxu əvvəl əmr qulu olduqlarını ifadə etsələr belə, daha sonra günahlandırmaları qəbul etdilər. mühakimə edilən 24 nəfərdən 12-i edama məhkum edilmiş və 1946-cı ilin 16 oktyabrından nürnberq məhkəməsinin idman zalında edam olunmuşdular :
1. Hermann Göring - hitlerdən sonra ikinci adam nasist almaniyasının ən yüksək rütbəsi olan reyxmarşala sahib hərbçi. edamına az qalmış zəhər içərək intihar etmişdi.
2. hans frank - nasist almaniyasının hüquqşünası
3. Wilhelm Frick - 1933-1945-ci illər ərzində nasist almaniyasının daxili işlər naziri
4. Julius Streicher - almaniyanın media rəhbəri adlandırılırdı və əsas qəzet nəşriyyatlarından birinin sahibi
5. Alfred Rosenberg - aryanizm teoreminin araşdıran və almaniyada tətbiq edən şəxs
6. Ernst Kaltenbrunner - təhlükəsizlik baş idarəsinin rəhbəri və hərəkat qoşunlarında yəhudi və kommunistlərin ölüm əmrini verən şəxs
7. Joachim von Ribbentrop - xarici işlər naziri
8. Fritz Saucker - nasistlərin qul işçi proqramının səlahiyyətli rəhbəri
9. Alfred Jodl - nasist ordusunun marşal rütbəli üzvü. edamından sonra alman məhkəmələri tərəfindən bəraət almışdır.
10. Wilhelm Keitel - nasist ordusunun general-feldmarşalı və hitlerin ən yaxın adamlarından biri.
11. Arthur Seyss-Inquart - işğal altındakı polşa avstriya və niderlandın baş idarəsində çalışan şəxs
12. Martin Bormann - hitlerdən sonra ən vacib adamlardan biri olan rudolf hess-in sağ qolu. edam qərarına qədər 1945-ci ilin mayında öldü və buna görə qiyabi olaraq edama məhkum edilmişdi.

edam olunmayan digər təqsirkarlar:
ömürlük həbsə məhkum edilənlər
- Rudolf Hess - hitlerin səfiri
- Walther Funk - iqtisadiyyat naziri
- Erich Raeder - nasist almaniyasının donanma komandiri

10-20 illik həbsə məhkum edilənlər:
- Karl Dönitz - alman donanmasının rəhbəri və hitlerdən sonra ölkənin müvəqqəti rəhbəri
- Baldur von Schirach - viyananın idarəçisi
- Albert Speer - hitlerin ən yaxın dostlarından biri olan memar və ölkənin silahlandırma naziri
- Baron Konstantin von Neurath - hitlerlə yolunu ayıran azsaylı şəxslərdən biri. 1943-cü ildə vəzifəsindən istefa vermişdi.

bəraət alanlar:
- Hjalmar Schacht - nasistlərin önəmli iqtisadçılarından biri
- Franz von Papen - dövrün avstriya və türkiyə səfiri. nürnberq məhkəməsindən xilas olsa da daha sonra almaniya müharibə məhkəməsində 8 illik cəza almışdı.
- Hans Fritzsche - təbliğat nazirliyinin şöbə müdiri.

bu tribunalın əks-sədası uzun illər davam etmiş və filmlərə mövzu olmuşdu. 1961-ci ildə çəkilən judgement at nuremberg filmi 2 oskar mükafatı almışdır. bunun ardınca 2000-ci ildə 3 golden globes mükafatlı "nuremberg" və 2006-cı ildə "Nuremberg: Goering's Last Stand" filmləri çəkilmişdir.

əlavə kimi: (bax: nürnberq qanunları)
selahattin demirtaş Boş yerə həbsdə yatan siyasətçi. Onun elədikləri Ərdoğanın elədiyini heç 1/10-u da deyil, amma aponun heykelini dikeceğiz dediyi üçün daşlanır. Bərzani ilə Kürdistan bayrağını diyarbəkirdə qaldıran, pkk ilə də osloda görüşən, aponun qardaşını ölkənin birinci televiziyasına çıxarıb səs dilənən, 40%-lik müxalif vətəndaşına terrorist bənzətməsini edən, fətullahın dalını yalıyıb əksər müxalifi və aydın insanı fetöçü damğası ilə dama basdıran kim idi bəs?

Selo günahkar belə olsa, ondan əvvəl edama qədər gedəcək günahlar işləmiş xainləri ortadan çıxarmaq lazımdır.
treska müharibələri Qlobal Sülh indeksinə əsasən, islandiya 2008-ci ildən bəri dünya birincisidir. Bu ada ölkəsinin ordusu yoxdur, NATOABŞ-ın hərbi qoruması altındadır. Buna baxmayaraq, XX əsrdə islandiya 3 dəfə müharibə edib və üçündə də qələbə qazanıb. 1 island mühəndisin və 1 ingilis balıqçının həyatını itirdiyi deyilən bu müharibələr tarixdə Treska müharibələri (ingilis dilində "Cod wars”) adlanır.

1944-cü ildə özünü müstəqil respublika elan edən islandiyanın bir əsas problem var idi: ada resurslar cəhətdən kasıb idi. Ancaq islandiya sularında balıq, xüsusilə də treska bol idi. 60-cı illərdə islandiya ixracının demək olar ki, 90%-i bu balıq növündən asılı idi.

Britaniya balıqçıları isə islandiya sahillərindəki çoxsaylı treskaları ovladığından islandiyaya rəqib kimi çıxış edirdi. Faktiki olaraq Böyük Britaniyanın bu sularda balıq ovlamaq hüququ var idi, çünki islandiyanın nəzarətindəki sular sahildən cəmi 3 dəniz mili (1 dəniz mili=1,8 km) uzağa qədər olan sahəni əhatə edirdi.

1952-ci ildə islandiya öz ərazi sularını 4 dəniz milinədək artırdığını bildirdi və bu ərazidə kənar balıqçılığı qadağan etdi. Britaniya bu qərarı qəbul etmədi və islandiyadan treska idxalını boykot etdi. Qərar əvvəlcə islandiyaya zərbə vursa da, Soyuq müharibədə Qərbin düşməni olan SSRi balığın böyük bir hissəsini idxal etməyə başladı. Bunu görən ABŞ da islandiyadan balıq idxalına başladı. Britaniya isə boykotun nəticəsiz qaldığını görüb islandiyanın qərarını qəbul etməli oldu.

1958-ci il sentyabrın 1-də islandiya ərazi sularını 12 dəniz milinə qədər genişləndirdi və sahil mühafizəsi bu qaydanı pozan traulerləri saxlamağa başladı. Cavab olaraq Britaniya ingilis traulerlərini qorumaq üçün Kral Donanmasının 43 hərb gəmisini əraziyə göndərdi. Britaniyaya güc yolu ilə qalib gələ bilməyəcəyini anlayan islandlar hiylə işlətməyə başladı: traulerlərin torlarını kəsən alətlər düzəldib ingilislərin uzun və bahalı torlarını ucdantutma kəsmək kimi. Lakin Birinci Treska müharibəsini qan tökmədən həll etmək mümkün oldu. 1961-ci ildə Britaniya və islandiya kompromisə getdi: Böyük Britaniya islandiyanın 12 millik zonasını tanıdı, islandlar isə ingilis balıqçılarına 3 illik balıq tutmaq icazəsi verdi. Bununla yanaşı birinci treska müharibəsinin sonunda qarşıdurma ilə bağlı gələcək münaqişələrin beynəlxalq ədalət məhkəməsində həll ediləcəyi ilə bağlı razılaşma əldə edildi.

ikinci Treska müharibəsi 1972-ci ildə başladı: islandiya yenidən balıqçılıq zonasını genişləndirdi, bu dəfə 50 mil, yəni 92 kilometrə qədər. Britaniya isə yenidən islandiyalıların oyunun qaydalarını dəyişdirməsini tanımaqdan imtina etdi, əlavə olaraq bu dəfə Qərbi Almaniya balıqçıları da qərara riayət etmədi. Bu müharibədə islandlar ingilis traulerlərinin torunu kəsməyə və ingilis gəmilərini sıxışdırmağa davam edirdilər. 1973-cü ildə isə NATO-dan ayrılmaq təhdidləri nəticəsində islandiya 50 millik zonada hüquqlarını təyin etdi. Birləşmiş Krallıq isə yenidən bu ərazidə balıq ovu hüququ əldə etdi, lakin məhdud ərazilərdə və ildə 130 min tondan çox olmamaqla.

Noyabr 1975-ci ildə başlayan Üçüncü Treska müharibəsi isə müharibələrin ən çətini oldu. islandiya yenidən 1975-ci ildə balıqçılıq zonasını hazırkı müstəsna iqtisadi zona genişliyinə qədər artıraraq vəziyyəti ağırlaşdırdı: yeni zona sahildən 200 milə qədər uzanırdı. Burada ada hökumətinin icazəsi olmadan balıq ovu brakonyerlik elan edildi.

Böyük Britaniya mübahisəli sulara 22 freqat, 7 təchizat gəmisi, 9 qayıq və 3 köməkçi gəmi göndərdi. Bu donanma 40 trauleri müdafiə edirdi. Hərbi cəhətdən islandiya ingilislərə qarşı çıxa bilməzdi. Sahil mühafizəsi adi atıcı silahla silahlanmış 100 nəfərlik heyətdən ibarət idi. Buna görə də islandiyalılar ingilis balıqçıları ilə kustar vasitələrlə vuruşurdu: torlarını kəsir və vintləri əymək üçün ora kabellər atırdılar.

19 fevral 1976-cı ildə islandiya Böyük Britaniya ilə diplomatik münasibətləri kəsdi. islandiya limanları Birləşmiş Krallığın hərbi və mülki gəmiləri üçün bağlandı. Ölkə tərəfdaşlarını NATO-dan çıxmaq və ABŞ üçün strateji əhəmiyyətli hərbi obyekt olan Keflavik şəhərindəki hərbi bazanı bağlamaqla hədələdi. islandiya Sahil Mühafizəsinin direktoru SSRi-dən hərbi gəmi almaq planlarını açıqladı.

Təbii ki, islandiyanın belə ciddi bir alış üçün maliyyəsi yox idi. Lakin SSRi "düz yol tutan və təcavüzkar NATO blokundan ayrılan" islandlara pulsuz yardım etməkdən çəkinməzdi. ABŞ isə Sovetlərin "dünya imperializminə qarşı mübarizədə islandiya işçilərinə" kömək etməyə nə qədər hazır olduğunu yoxlamamaq qərarına gəldi və Birləşmiş Krallığa təzyiq göstərməyə üstünlük verdi.

NATO vasitəçiliyi ilə 2 iyun 1976-cı ildə yeni bir müqavilə bağlandı. Bu, islandiyanın 200 millik iqtisadi zonada hüquqlarını müəyyənləşdirdi. ingilis balıqçıları da MiZ daxilində ildə 50 min tona qədər balıq tuta bildilər. Amma eyni vaxtda zonada 24-dən çox nəqliyyat vasitəsi ola bilməzdi. Balıqların kürü qoyduğu yerlər isə balıqçılıq üçün tamamilə bağlandı.

mənbə: "binokl" səhifəsi
wuhan koronavirus Cuppulum mənlə eyni gündə doğulub bayaq öyrəndiyimə görə, sevdim lan səni koğona *
the queen's gambit 23 oktyabr 2020-ci ildə netflix platformasında yayımlanan Amerikan serialıdır. Layihə amerikan yazıçı Walter tevisin eyniadlı romanı əsasında səhnələşdirilib və serial çəkilməzdən əvvəl Romanın mövzusu 3 fərqli film ssenarisi kimi hazırlanıb, lakin üçü də çəkilişlər başlamadan təxirə salınıb. Serial bir sezon və 7 seriyadan ibarətdir, başlanılan andan tez bir zamanda bitirə bilərsiniz.

--spoiler--

Serial psixi problemlər yaşayan Alice harmonun son çarə kimi qəza edib intiharı və 8 yaşındakı elizabet (beth) harmonun yetimxanaya düşməsi ilə başlayır. ilk baxışdan soyuq xarakter kimi nəzərə çarpan beth bir gün zirzəmidəki təmizlik xadiminin şahmat oynadığını görür və onda buna qarşı maraq oyanır. Əvvəl xadim shaibel qızların oyun oynamamalı olduğunu söyləsə də, betdə olan fitri istedadı görür və onunla mütəmadi olaraq şahmat oynayır. Fitri istedadı ilə birlikdə yetimxanada onlara verilən sakitləşdirici dərmanlar sayəsində şahmat taxtası və şahmat addımlarını xəyal edən elizabet kiçik yaşına rəğmən çox böyük yol qət edir. 15 yaşına çatanda bir ailə bethi övladlığa götürür və bununla da qızın həyatı dəyişir. Atalığı onları istəmədiyi üçün atır və müxtəlif bəhanələrlə evi tərk edir. Maddi çətinlik çəkdiklərində elizabet mükafat qazanmaq üçün şahmat turnirlərində yarışır və çox böyük səviyyəyə və məşhurluğa çatır. Serialda şahmat üzrə SSRi-nin qüdrəti də vurğulanır, elizabetin dünya şahmat çempionu Vasili borqova qarşı qələbə qazanma istəyini təsvir edir. Analığının şahmat səfərində olarkən ani ölümü, bir dönəm ardıcıl məğlubiyyətlərin gəlməsi və nəticəsində elizabetin narkotika, içkiyə qurşanması onun karyerasını təhlükəyə atsa da, birdən yaxınlarının köməyi ilə ayılır və sonuncu bölümdə artıq SSRi-də keçirilən çempionatda ağıllı həmlələri və iti bacarığı ilə çempion borqova qarşı çox böyük qələbə əldə edir.

--spoiler--
Mini seriallar çərçivəsində izlənilməli nümunələrindən biridir. Sizə xoş seyirlər -*
ilk stipendiya ilə alınacaq şeylər Ağlımda olan bir neçə kitab var, onları almağı düşünürəm. Bir də qəribə əşyalara həvəsim oyanıb axır zamanlar, gündəlik mənə lazım olmasa da, hər-hansı xüsusiyyəti məni özünə çəkir. Yəqin o tipdə bir şey alaram.
Əsas məsələ stipendiyanı almaqdır. Alandan sonra istəklər bir-birinə qarışacaq onda -*
ikinci qarabağ müharibəsi Azərbaycana hərbçi göndərilməsi ilə əlaqədar qanun layihəsi Türkiyə böyük millət məclisə təqdim edilib.

Mənbə: tipik iqtisadçı-ekspert
dilimizin ən böyük problemləri Dilçilik institutu operativ iş görmədiyindən dolayı dilimizin leksikonunda çatışmazlıq tez nəzərə çarpır. Azərbaycan dili Deyildiyi qədər kasad deyil, ədəbi nümunələri diqqətdən keçirəndə nə qədər yeni sözlər öyrənirəm, bunların arasında ərəb mənşəli, fars mənşəli, rus-avropa mənşəli nümunələrə də rast gəlmək olar. Fikrimcə, dilin alınma sözlər hesabına inkişafı pis yol deyil, əlbəttə, hər kəs istəyər ki, türk mənşəli sözlər üstünlük əldə etsin, amma yaşadığımız regionda türklərin üstünlüyü rus və ərəb-farslardan dəfələrlə az olub, bu da dilimizə təsir göstərib.
Bu gün məsələni həll etmək institutun boynuna düşür, onların irəli sürdüyü təkliflər isə məsxərə obyektinə çevrilib. Məsələn, elə geyçim sözü. ilk eşidəndən qulağa xoş gəlmişdi, amma cəmiyyət bunu qəbul eləmədi. inkişaf üçün çalışmalıyıqsa, buna görə də məsələyə ciddi yanaşmaq lazımdır.
1 2 3 4 5 6 7 8 9 10 11 12 13 14 15 16 17 18 19 20