mesaj @85661 ♡
01:33
@85661 məni sadəcə, dəhşətə gətirir son yarım ay ərzində baş verənlər... bayaq chatgtp ilə yazılmış bir entry'ni burada görəndə anladım ki, daha get-gedə bizim burada yazar olmağımız, "bilgi" paylaşmağımız öz əhəmiyyətini tamamilə itirir, artıq... doğrudan da, böyüklüyünə görə miqyası ancaq, yazının və çap maşının ixtirası ilə müqayisə oluna biləcək çox nəhəng bir inqilabın astanasındayıq. bir halda ki, bizdən daha mükəmməl, daha orijinal, oxuyub qurtarmaq nəinki bir insan, hətta yüzlərlə insan ömrümünə sığdırıla bilinməyəcək nəhənglikdə və sayda müxtəlif mənbələrdən qidalanan bu texnologiyanın bizə təqdim etdiyi məhsul artıq nəinki yazarlıq, yəqin ki, lap gələcəkdə nəzəri fizika kimi — dərrakə və fantaziyanın ən ucqar sərhədlərində digər canlılardan fərqli olaraq sadəcə insanın at oynadaraq bütün mövcud varlıqlara meydan oxuduğu bir sahədə belə bizi çox və daha çox geridə qoyacağı, görünür. insan bütün əhəmiyyətini itirəcək... sən demə, insan bir heç imiş. insanın o günə kimi yaratdıqları onun [quranda yazılan ton ilə oxuyun :)] o gündən sonra yaradacaqlarının yanında böyük bir sıfır kimi görünəcək.
