2. real olaraq bu gün azərbaycanda psixiatriya və psixologiya sahəsi mükəmməl şəkildə inkişaf etmiş deyil bəli razıyam. ancaq ümumi psixiatriya protokolunda diaqnostik kriteriyaları, xəstəlik əlamətlərini və müalicə üsullarını əsilsiz şəkildə yalanlamaq sadəcə bir subyektiv fikir bildirməkdən başqa bir şey deyildir. bu gün istənilən inkişaf etmiş ölkəni götürsək, o ölkədə psixiatriya və psixologiya sahəsi daha çox olması lazım olan tərzdə yəni psixi sağlamlığın bərpa olunması yolunda xidmət göstərir demək olarki. hə, bir də bu ölkələrdə dolandırıcılar, şarlatanlar, psixiatriyanı və psixologiyanı mənfiyə istifadə edən insanlar yoxmu, var. bəlkə də belə olması həqiqəti psixiartiyanın və psxiologiyanın hər ikisinin də mücərrəd anlayışa söykəndiyi reallığının nəticəsidir daha çox bəlkə də. lakin bu da o demək deyil ki, psixiatrik pozuntu deyə bir şey yoxdur və uydurma diaqnozlar çıxarılıb. bir qavramın, elmin və yaxud hər hansı bir fikrin əskini sübut etmək üçün əsaslı dəlillər olmadıqca o şey keçərliliyini qoruyub saxlayır deməkdir. qayıdaq azərbaycanda psixi sağlamlıq sahəsində fəaliyyət göstərən dırnaq arası dolandırıcılara, bu sahədə çalışmaqla ticari mənada qazanc əldə etmə fikrində olanların olduğu məsələsinə. təəssüf hiss ilə deməliyəm ki belələri var. reklam və şişirdilmiş vədlər yayma vasitəsi ilə insanları cəlb edərək sözdə onlara psixoloji yardım göstərdiklərini iddia edən şoumenlərə görə cəmiyyət psixiatra və psixoloqa olan inancını, güvənini və müsbət gözləntisini itirir. belə düşünən insanları da psxiatra və psixoloqa obyektiv baxmağa, azərbaycanda psixi sağlamlıq sahəsində çalışan mütəxəssislərdən kimlərin daha dürüst və olması lazım olan şəkildə xidmət göstərdiklərini bir daha gözdən keçirmələrinə çağırıram. bir neçə çürük alma yeşiyi batıra bilər əgər çürük olmayan almalar çürüklərlə eyni yeşikdə qalmağa razıdırlarsa. bu bənzətmə nümunəsində dürüst və peşəsini layiqincə icra edən psixi sağlamlıq sahəsi mütəxəssisləri o çürük olmayan və çürüklərlə eyni yerdə qalmamaq üçün çalışan alma misalidir.