2.part 1(təkamül, beyin və nozick.) fikrimcə təkamülə və ilkel beynimizə əsaslanan bir mövzudur bu. həyat insan oğlu üçün bir oyundur, bir həyatda qalma oyunu. genlərimizi bir sonraki nəslə transfer etməli olduğumuz və geriyə qalan digər hər şeyin bunun bir yan məhsulu(byproduct) olduğu bir oyun. sistemlərimizi idarə edən şey isə beynimizdir və bu beyin təkamül prosesində idarə ettiyi və bir parçası olduğu bu canlının həyatda qalması üçün bir çox araçdan istifadə edib, proses müddətində özü də dəyişimlərə məruz qalıb. bu beynin işləmə prosesi ucbatından (və ya sayəsində) zehinlərimiz əslində hazıra qonmağa heç də əlverişli deyil. bu entrynin son halı mənə verilsə və oradan alınan həzz bir şəkildə beynimə əlavə edilə bilsə böyük ehtimalla bunu qəbul etməz və entryni yazmağa davam edərdim. çünkü yazarkən yaşadığlarım, beynimdəki bilgiləri çağırarkən yaşadığım çətinliklər əslində beynimin tam olarağ istədiyi şeydir. 10 il sonrası üçün gözəl bir həyat xəyal edirsinizsə və biri gəlib bu gün onu sizə versə böyük ehtimalla qəbul etməzdiniz çünkü onu əldə edərkən yaşayacaqlarınız, o çətinliklərin toplamı, yolda qarşılaşacaqlarınız- hamısı beynimizin istədiyi və bizim anlamlı dediyimiz bir həyat yaradır. robert nozick 1974də anarchy, utopia and the state adlı əsərində "experience machine"(təcrübə maşını?) adlı bir düşüncə atır ortaya. bu düşüncəyə görə sizin bədəniniz bir otaqda qalmağa davam edəcək və beyninizlə əlaqə yaradan kabeller və müəyyən texnologiyalar vasitəsi ilə siz, istədiyiniz bütün həzzləri yaşaya biləcəyiniz xəyal dünyasında, bir matrixdə olduğunuzu görəcəysiniz. nozick, bir çox insanın bunu qəbul etməyəcəyini çünkü insanların sadəcə əldə edilən son həzzə yox, o həzzi alma, ona ulaşma prosesini də sevdiklərini müdafiə edir. part 2 (alan watts və idarənin itirilməsi). "bütün idarənin səndə olduğu və istədiyin hərşeyi edə biləcəyin bir yuxuda olduğunu xəyal et. əlbəttə ilk edəcəyin şey istədiyin bütün həzzləri yaşamağ olardı. bir müddət bütün idarənin səndə olduğu və istədiyin bütün həzzləri yaşadığın bir zaman keçirdiydən sonra 'artıq idarə məndə olmasın və biraz həyacanlı bir həyat yaşayım' deyəcəksən və macəralar yaşayacağsan. daha sonra 'artıq idarəni tamami ilə əldən çıxarım və nə olacağına dair fikrimin olmadığı bir həyat yaşayım. içərisində sürprizlərin olacağı bir həyat ' deyəcəksən. və ən sonunda gəlib çıxacağın yer, halhazırda yaşadığına bənzər bir həyat olacaq. ". alanın da dediyi kimi bütün idarənin əlimizdə olmadığı və bu başlıqda yazıldığı kimi mübarizələrin aparılacağı bir həyat, beynimizə anlamlı bir yaşamla əlaqəli güclü siqnallar verəcəkdir. part 3(anlam və xoşbəxtlik ilə bağlı olduqca şəxsi və oxumasanız heç bir şey itirməyəcəyiniz hissə). bəzi mövzular, üzərində uzun müddət düşündükdən sonra içinizdə əriyib yox olmağa başlayır. tanrı və anlam/xoşbəxtlik mövzuları da mənim üçün o hala gəliblər. artıq bunların üzərinə düşünmək üçün uzun zaman ayırmağ yerinə, bunların varlıq və yoxluğuna laqeyd qalmağı seçmişəm. az biraz "budistcə" gələ bilər, lakin xoşbəxtliyə, anlama ehtiyacın duyulmadığı və bunların aşıldığı bir yaşam, davam etməyə və yaşanmağa dəyər bir yaşam olacaqdır deyə düşünürəm.. ən azından mənim üçün.
(bax: alan watts)
(baxma: experience machine) (baxma: philosophy of good life)
