1. əsl adı gabrielle bonheur chanel olan ( 19 avqust 1883-10 yanvar 1971) fransız modelyer, chanel markasının qurucusu.çətin bir uşaqlıq keçirən coco uşaq yaşında anasını itirdikdən sonra atası tərəfindən bacısı ilə katolik monastırına göndərilmiş, 18 yaşına qədər orada qalmışdı.daha sonra bacısı ilə birlikdə gecələr barlarda mahnı oxuyub, səhərlər dərzi yanında işləyərək pul qazanmışdı.həmin dövrdə qadınların sırf gözəl görsənmək üçün dar korsetlər geyinməsi, böyük tüklü papaqlar taxması coco`nu narahat edirdi.ona görə də çalışan qadınlar üçün rahat, eyni zamanda gözəl görünüşü olan paltarlar hazırlayır, qadınlara ilk dəfə şalvar geyindirir.1910cu ildə qadın şlyapaları hazırlayan ilk mağazasını, 1912ci ildə isə chanel moda evini açır.həmin dövrdə heç bir modelyerin ətir hazırlamamasından istifadə edərək ernest beaux`dan chanel markası üçün ətir hazırlamasını istəyir və chanel no:5 belə meydana çıxır.ilk qısa ətək, qırmızı dodaq boyasından istifadə (cocoya qədər bu boyanı ancaq fahişələrin istifadə etdiyi hesab edilirdi), qaralmış dəri rənginə rəğbətin yaranması, qısa qara don və s. coco`nun adı ilə bağlı olmuşdur. the times jurnalının "20.əsrin ən önəmli 100 şəxsi" sıralamasına daxil olan yeganə modelyer ünvanını qazanmışdı. daim qadınların işləməsinin tərəfdarı olan coco elə bir bazar günü vəfat etmişdi.