1. *koral bar* - 24 saat qastronomun yanında yerləşir. nizami kino mərkəzinin arxasında yerləşir. əvvəllər çox yaxşı bar idi, amma indi xalalar qaldı. təzə transfer politikası yaxşı olmadığı üçün bu bar moddan düşdü. amma 2002-2005 illərində ən modda olan barlardan biri sayılırdı bakıda.

*black jack* - əvvəllər nizami kinoteatrının altında yerləşən ancaq bu kinoteatrın təmirə girməsindən sonra ordan qovulub yaxınında yerləşən köhnə portofino (indiki mango) ilə üzbəüz olan bar. köhnə vaxtlarından heç nə qalmayan bar. bəzi vaxtlar bar işçiləri barın qabağında gəzinir bekarçılıqdan.

*sherwood* - hamı köhnə adıyla bilir bu barı. bakının əfsanəvi barlarından biridir. qastronomun üst tərəfində yerləşir. həm disko, həm də bar tərəfi olmaq üzrə 2 hissədir. 2004-ə qədər ən yaxşı deyə biləcəyim bar idi. indi isə heç girmək lazım deyil. maraqlanan yenə də girib bir pivə içə bilər. bilyard da oynaya bilərsiniz. pulludu amma.

*gladiator* - sherwoodun aşağı tərəfində, qastronomdan 20 metr yuxarı çıxanda üzbəüz. bura günorta da işləyən bardı. deyə bilərəm ki, azərbaycanda ən erkən saatda açılan bar buradı. saat günorta 12-də xoş gəlmisiz deyirlər. bu barı əvvəldən işlədən kişi çox yaxşı yəni adam kimi adamdı. soxuş zad yoxdu. amma axşam oldu mu barı başqa adamlar alır işlətməyə. gündüz ayrı, gecə ayrı adam işlədir yəni. axşam oldumu bu barda soxuş başlayır. diqqət edin və çalışın axşam vaxtı bu bara girməyin.

*malibu bar* - rəşid behbudov küçəsində yerləşir. asyatürk restoranı ilə üzbəüz. gecə barı. bura əylənmə yeri deyil pul ilə qıza ehtiyac duyan insanların məkanıdır. çalışın qızla bi yerdə oturmadan söhbət eləyin. yoxsa qıza pul vermədən cibinizdəki pullar bara xərclənmiş olaraq itə bilər.

*cimbom bar* - buranın ünvanı lazım deyil təkcə adını yaddaşınıza saxlayın və heç vaxt girməyin buraya. burda qızlar adamı nəsə eliyir. söhbət üçün bir yerdə durduğunuz qız yerindən duranda sizdən 1 aylıq maaşınızı tələb edə bilər. burda içkidən pul qazanılmır, gələn müştəriyə soxuşdan pul yığırlar. diqqətli olun.

*troya bar* - xəqani küçəsində yerləşir. yeni azərbaycan partiyasına çatmamış təxmini 60-70 metr dalda. burda klientə hörmətlə yanaşırlar, amma dava çox olur. çalışın gec saatlarda getməyin.

*piranha bar* - bakının köhnə barlarındandı. bu barı başqa barlardan ayıran xüsusiyyəti içində saunasının olmağıdır. tək və ya dostunuzla gələndə qiymətlər çox normaldı. amma barın qızıyla əyləşəndə qiymətlər qalxacaq, bunu bilin. yanınıza əyləşən heç kim çay ya da pivə içməyəcək onun üçün. söhbət elədiniz və qərara gəlib saunaya girəndə başa düşərsiz ki bu böyük səhvdi. çünkü sifarişlər bardan saunaya girəndə bitmir. o qız mütləq viski kokteyl və meyvə sifariş verməlidi. bir qızla 1 saatlığına saunada dincəlmək istəyirsinizsə, cibinizə 200 manat qoyun əvvəldən deyim. sonra pis vəziyyətdə qalmayın. 28 mayda samsungun yanında yerləşir.

*mars bar* - ruslan vaxtında bu bar yaxşı idi. sonra yüz minlərlə pul xərcləyib elədilər restorant. restorant alınmadı sonra təzədən elədilər bar. indi türklər şərik işlədir. yaxşı bardı. işçiləri yaxşıdı. müştəriyə soxuş zad olmur. kim istəyir sevgilisiylə gəlir, kim istəyir ordan qız aparır pulla. heç kim heç kimin işinə qarışmaz. piranha bar ilə üzbəüzdü.

*infinity* - bakıda bara gedən insanların içində bu barı bilməyən yəqin yoxdu. burada dövlət işçisi kimi hər gün işinə gəlməsi vacib olan ən az 30 qız olur. qız deməyimə baxmayın, pula çıxan işçilərdi. buraya insan sevgilisiylə də gələ bilər. geniş məkandı. istəyən bilyard oynaya bilər. rəqs etmək istəyən disko tərəfində, sakit oturmaq dostuyla söhbət eləmək istəyən insan da o biri zalında əyləşə bilər. gözəl məkandı. giriş pulludu.

indi bir az səviyyəni qaldıraq.

*phoenix pub* - bura bakının ən yaxşı pub barlarındandı. bura istənilən tanış dostla gələ bilərsiz. bura digər barlar kimi qadınlardan məqsəd güdən bir məkan deyil. bura dincəlmə, söhbət və əylənmə məkanıdı. sevgilinizlə bir bara getmək istəyirsinizsə, buranı məsləhət görürəm. bu barda digər barlardan fərqli olaraq işləyən kişi yoxdu. hamısı mədəni insan olan xanımlardı. targovada yerləşir. yusif məmmədəliyev küçəsində.

*finnegans* - əvvəlki kimi deyil. əvvəlkindən çox-çox başqadı. ləzzəti qalmadı. istəyən olsa gedib iki pivə içə bilər. əbdülkərim əlizadə küçəsində. phoenix bara yaxın.

*otto* - buranı da bar həyatı olan insanlar mütləq bilirlər. gözəl və geniş məkan. sevgili və ya dostla gediləsi yer.

*808 pub* - əgər əyləşib içmək istəyirsizsə, bu bardan rahat bar yoxdu. günorta saat 15:00-16:00 kimi açıq olur. mədəni və səviyyəli yerdi. istənilən sevgili ya da dostla gedə bilərsiz. sakit yerdi. bura da targovada yerləşir. romashkadan ara küçəyə girəndə düz gedib sol tərəfə dönəndə görəcəksiz.

*soviet pub* (*aida's pub*) - adı dəyişdi amma işləyən gözəl insanlar dəyişmədi. rahat və səviyyəli məkandı. çox qəribədi ki bura gələn pis insana heç rastlaşmamışam. bura da romashkaya yaxındı. 808 pub-a gedəndə eyni küçədə yerləşir.

*old city bar* - targovada yerləşir. günorta sevgilinizlə gedə bilərsiz, amma axşam tərəfi bunu eləmək çox düz deyil. həm günorta həm də gecə işləyən bardı. sevgilinizlə bərabər gedəndə günorta, yoxsa axşam tərəfi gedin. yaxşı məkandı. targovadan bulvara düşən yolda olan tək bardı.

vaxt olanda başqa barlar haqqında da sizə məlumat verəcəm dostlar. hələlik bu qədər.