alejandro jodorowsky

(gbax: mistisizm), (gbax: janr dekonstruksiyası)yla kult filmlərin markasına çevrilmiş; azsaylı filmlərində, özünəxas unudulmaz sınaqlarla izləyicilərin səbrini tarıma çəkən və zənnimcə, latın amerikasının gəlmiş-keçmiş ən iddialı, dahi rejissoru. (gbax: the dance of reality) çalışması ilə, izləyiciyə sınaqdan vaxtında uzaqlaşması üçün çıxış qapılarını göstərirdi. filmlərindəki digər elementlər kimi, özündən daha güclü kişiyə qarşı boyun əymək, ya da məğlubiyyətin simvolu olaraq göstərilən (kalin: xədim edilmə) səhnələri də simvolik dərinliyə malikdir. (gbax: el topo)da yüksək rütbəli hərbiçinin, filmin əsas qəhrəmanına məğlub olmasının ardından, öz cinsiyyət orqanını itirməsi, (gbax: santa sangre)də el gringonun nikahdan kənar münasibətinə görə arvadı tərəfindən öldürülməsi və ən çox üzərində beyin yorulan filmlərindən olan (gbax: the holy mountain)də əsgərə bənzər bir qrup dəstənin, liderləri tərəfindən, dəstənin bütün üzvlərinə qarşı tətbiq edilən ritual səhnələri vasitəsilə, freydin (gbax: kastrasiya kompleksinə) ironik göndərmə edilir.