maladaptive daydreaming

illərdir məni narahat edən, sadəcə məndə olduğunu düşündüyüm problem. axır ki, adını tapdım və yalnız olmadığımı öyrəndim. bəs bundan sonra problemim aradan qalxdımı? yox. hətta başqa ölkələrdə insanların bunu daha ciddi qəbul etməsi, psixoloq, psixiatrları gəzməsi, min cür dərman qəbul etməsi, mənimsə illərdir ağzı açıq havaya baxmağım dərdimi daha da artırdı. bu bildiyiniz xəyal qurmaq deyil. əgər çox xəyal qurduğunuz üçün bu problemi yaşadığınızı düşünürsünüzsə yanılırsınız. bu bizim xəyal dünyamız deyil, yaşadığımız ayrı bir dünyadır. hətta real həyatdan daha çox orada yaşayırıq. min cür ssenarilər yazıb, obrazlar yaradıb illərlə orada yaşayırıq. ən pisi isə bir çoxumuz bunu sadəcə beynimizdə yox, real olaraq canlandırırıq. daimi olaraq öz-özünə gülən, qəribə hərəkətlər edən insanlar gördükdə bilin ki, belə bir problemi ola bilər. bu başlığı açmaqda məqsədim isə, bəlkə mənim kimi uzun müddətdir bunun nə olduğunu bilmək istəyən varsa, az da olsa kömək edə bilməkdir. kömək dediyim isə, sadəcə adını qeyd etdim, necə aradan qaldırılacağını heçkim bilmir.