azərbaycan mentaliteti

Azərbaycan mentaliteti bünövrəsi "camaat nə deyər sonra" şüarının üzərində qurulmuş, millətimizin qanına yerimiş bir şeydir. Mentalitetimizdə düşüncələrimizin, xoşbəxtliyimizin heç bir önəmi yoxdur. Əsas odur ki, camaat pis heç nə deməsin arxamızca, adımıza heç bir söz yaılmasın. Hər dəfə bu başlığı görəndə bir hadisə yadıma düşür, istədim bura da yazım. Biz məktəbi qurtarandan yarım il keçmişdi. xəbər yayıldı ki, 8ci sinifdə oxuyan qız sinif yoldaşımdan hamilə qalıb. Əlbəttə ki, bir göz qırpımında xəbər bütün kəndə yayıldı. Məhlə xalaları öz fantaziyalarına görə hadisənin necə baş verdiyini quraşdırıb ssenari yazdılar. Bəli, təxmin etdiyiniz kimi uşaq abort olundu və qızı məktəbdən çıxardılar. Qanuna görə, azyaşlıya(u: 18 yaşdan kiçik) təcavüz sayıldığı üçün, oğlan həbs olunmalı idi. Amma valideynlər mentalitet dəyərlərini itirmədilər, axı camaat sonra nə deyərdi? Qıza fahişə, oğlana peysər damğası vurulacaqdı(oldu da). Kim bəkarətini itirmiş, abort etdirmiş qızla evlənərdi? Axı kim qızını elə bir oğlana verərdi? Mentalitetimiz buna icazə verməz axı! Qız tərəf şikayət etmədi, hər iki tərəf razılaşdı və qaçınılmaz son, nişan taxıldı, tez-bazar qızı oğlan evinə köçürtdülər. Ortada məcbur evlilik oldu, məcburi deyirəm, çünki tərəflər arasında sevgi yoxdur. Ehtiras hissinə yenilərək yaşanmış qorunmasız cinsi əlaqə hər ikisi üçün ömürlük peşmançılıq oldu. Təsəvvür etmək belə dəhşətdir ki, gələcəkdə o ailədə böyüyəcək bədbəxt uşağın psixologiyası hansı vəziyyətdə olacaq? Tüpürdüyüm bu mentalitet üzərində bədbəxt bir "ailənin" bünövrəsi qoyuldu. "Camaat nə deyər"lərə görə hər ikisi bədbəxt oldu. Qınayanda deyirlər ki, özünü cool hesab edib mentaliteti bəyənmir. Belə bir zibilə dəyər verməyimizi gözləyirsiz?!