Nellie Crain


560   26   3   0
http://i.imgur.com/zhAqIDs.jpg
9.nəsil moderator
reytinq xalı: 3840
entry sayı:560
karma xalı: 13681
izləyənlər: 57
sifariş sayı: 54



i am escapist...


Biz hər şeydən - camaatın evlərinin önündən, yaşca böyüklərin bizi götürən gözlərindən, mental dəyərlərini əzdiyimiz insanların mərhəmətindən, bizdən iyrənənlərin empatiyasından və ən əsası isə ardan və namusdan məhrumuq. Dərd çəkməyi sevənlər bizim üçün bir siqaret yandırsın, biz çəkəni deyilik. Siz tez ölməlisiniz, biz isə çox yaşamalıyıq!






son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

sözaltı günlük indiyə qədər bu başlıq altında ağlaşma qurmuşam ancaq, ya da nəyəsə üsyan eləmişəm. azacıq da pozitiv yazım deyirəm.

yaxşıyam, günlük. gülümsəyə bilirəm, gülümsəyəndə yanaqlarım ağrımır daha. günüm yaxşı keçir, gün sonunda "hər şey yaxşıdır, görəsən zibili çıxmaz ki?" deyə düşünmürəm. çünki, yaxşı olmaq da ən az depressiya qədər normallaşdı mənim üçün. son 2-3 ayda 2018-ci il dekabrdan bəri içində olduğum depressiya batağından uzağam. o gün yuxuda gördüm ki, qışqırıb ağlayırdım, "tək qalmaq istəyirəm, hamınız əl çəkin məndən" deyib hamının üstünə düşmüşdüm. yuxudan ayılanda nə qədər yol qət etdiyimin fərqinə çox yaxşı vardım. o dəhşətli yuxu depressiv vaxtlarımın eynisi idi, oyanıb gözümü açdıqda isə 180° fərqli nellie idim. çünki depressiyadan çıxmağı bacardım. təbii ki, tək deyildim, dəstəkçilərim çox oldu. yekun olaraq, ayaqdayam və savaşıram.
antidepressantlar sayəsində sakit və soyuqqanlı olmuşam. hər şeyə sakitcə reaksiya bildirirəm. valideynlərim də görür artıq ağıllı qərarlar veridyimi. 2 ay bundan əvvəl iş müraciətimə "bizdə deyibmi müraciət etdin?" deyən anam, bu yaxınlarda o iş alınmayanda "pozma kefini, canın sağ olsun. taparsan yenisini, daha yaxşısını" dedi. fərqinə varıram, valideynin insana dəstək olması gözəl duyğudur. həmçinin, övladın da valideynin gözləntilərini doğrultması onlar üçün gözəl duyğudur.

əvvəlkindən çox daha dik, soyuqqanlı, sakit, məntiqyönümlü insan olmuşam. konkret olaraq savaşıram blət. yenə də, içimdə emosionallıq qalıb. xarakterimdə olan kövrəklik var hələ də. balaca uşaq kimi incik olueam hərdən. amma məntiqim ortaya düşür və ayağa qalxıram.

daha səbrli və məntiqliyəm, məsafələri dərk edirəm, zamanın keçdiyini də dərk edirəm. zaman keçir, uzaqlar yaxınlaşır. nə olacaq bu gedişatın axırı, heç bilmirəm. düşünmürəm də. vecimə də deyil, olmalı olan olacaq çünki. əsas odur ki, indi ayaqdayam, yaşayıram və xoşbəxtəm. bəli, bu qədər.
cage the elephant - come a little closer
(youtube: )


əvvəlki ağlaşmalarım üçün (bax: sözaltı günlük/@nellie crain)
still corners tessa murraygreğ hughes ikilisindən ibarət dream pop, indie janrında musiqi qrupu. ikili 2009-cu ildə londonda qatar dayanacağında təsadüfən rastlaşır, daha sonra tezliklə qrup qurmaq qərarına gəlirlər.
gözəl mahnıları var. xüsusən yay axşamları, gün batımında dinləmək üçün idealdır. birazca mazzy star vibe alıram sanki. vokalist qadının səsi də çox yumuşaq və gözəldir.
still corners - the trip:
(youtube: )

still corners - sad movies:
(youtube: )

still corners - the message:
(youtube: )


tərzi bəyənsəz diskoqrafiyalarına göz atın, dəyər dinləməyə.
antidepressant depressiya və digər psixoloji xəstəliklərin müalicəsində istifadə edilən dərmanlara verilən ad.
antidepressantların müxtəlif qrupları var ki, təsiredici maddəyə görə fərqlənir. amma bu entrydə artıq 4 aydan çox olan antidepressant qəbulumdan öz şəxsi təcrübələrimi bölüşəcəm. effektlər hər kəsdə fərqli ola bilər, bunlar mənim təcrübələrimdir.

məndəki dərmanlar selective serotonine reuptake inhibitorketiapin tərkibli idi. ssri tərkibli dərmanlar öz təsirini təxminən 2 həftə sonra göstərir. bu müddət ərzində özümdə placebo effekti yaradaraq yaxşı olduğuma inanırdım. ilk ay ərzində mood swings çox yaşadım. stabilliyim yox idi.

antidepressant içməyə qərar versəz bəzi şeyləri gözə alasız. əsas da yaddaşın zəifləməyi, halsızlıq, libidonun düşməsi, daim yuxulu olmaq, kilonun dəyişməsi və s.
məni tək narahat edən yaddaşımın çox zəifləməsidir. neçə dəfə grtdiyim yolu unuduram, eləcə də edəcəyim işlər, tarixlər və s.
kilo məsələsi hərəyə bir cür təsir edir, bu 4 ay ərzində 5 kilodan çox kilo itirmişəm, amma bəzi insanlar kökəlir. bədənə bağlıdır.
hansısa münasibətəsinizsə, yaxud başlayacaqsızsa çalışın partnyorunuza xəstəliyiniz və antidepressantlar haqda məlumat verin. sonra halsız və kefsiz görünmək, libidosuzluq*, mood swings uzaqlaşdırmasın onu sizdən. bu barədə çox şanslı oldum mən. -*
hormonal tarazlığınız dəyişəcəyi üçün əhvalda və bədəndə dəyişikliklər normaldır. qadınlarda mensturasiya, kişilərdə də ereksiya problemləri normaldır. narahat olsaz həkimə bildirin.
susqunluğum və ifadəsiz üz ətrafımdakıları çox vaxt qıcıqlandırır, çoxlarında eqoist olduğum üçün heç kimi sayıb danışmadığım təəssüratı yaradır. onsuz da introvert tip olmuşam, dərmanlar səsimi çox kəsdi. amma şikayətçi deyiləm bundan.

yekun olaraq, durumum əladır, antidepressant içdiyimə görə peşman deyiləm. ən azından, yuxu rejimimi qaydasına salmışam ketilept sayəsində. ətrafa qarşı daha az reaksiya verirəm, soyuqqanlı olmuşam sanki. əhvalım pozulmur hər xırda şeyə görə. dərmanı atandan 15 dəq sonra yuxuya gedirəm, vaxt qalmır overthinking, yaxud intihar planları üçün. intihar istəsəm belə ərindiyimdən etmərəm. amma həyatımda çox şeyi qaydasına salmışam. əldə etmək üçün sağlamlığımı və vaxtımı itirsəm də, nələrisə qaydasına salmışam, həyata tutunmağa səbəblərim var. daha sakit halda yaşamağa davam edirəm. və yaşayacağam, yaxşı hiss edirəm özümü çünki.

not: dərmanlar psixiatr müayinəsindən sonra təyin olunub mənə, həkim nəzarəti ilə qəbul edirəm.
sözaltı səhnəcik Hekayə üçün animasiya hazırlamağı düşündüm, amma sonra həm həvəsim qaçdı, həm də gördüm götüm üçün deyil. part ı olan obrazların tanıtım videosunu hazırladım.
not: qrafiklərin heç biri reallığı əks etdirmir, hamısı xəyal məhsuludur və əyləncə məqsədlidir.
(youtube: )


iştirakçıların siyahısı:
(bax: kafkanın playboy jurnalları)
(bax: fantamaz)
(bax: haillucifer)
(bax: omnia mutantur nihil interit)
(bax: kəllə-paça)
(bax: nellie crain)
(bax: Reyn)
(bax: eva zaynn 13)
(bax: mariya kürüsü)
(bax: sarayfüqərası)
(bax: apollo)
(bax: exlaqsızexlaqlı)
(bax: Hərtərəfli insan)
(bax: aygun_news)
(bax: itsmesabi)
(bax: burdan qubadlıya qədər gedən adam)
(bax: bakirfikir)
(bax: albert einstein)
(bax: timidus)
qəbirstanlıq ölən şəxslərin dəfn edildiyi müəyyən bir ərazi.

zamanın necə tez keçdiyinin və yaşamlarımızın nə qədər önəmsiz olduğunun hiss edildiyi yerdir. o qəbrin altında yatan insanlar doğularkən valideynləri sevinib, vaxtilə onlar da əylənib, kədərlənib, sevib, sevdiklərini itirib, ölqb, ölümünə kimlərsə təəssüflənib. amma ölümdən bir müddət sonra önəmsizləşirlər, istər-istəməz. vaxt keçdikcə də tamam unudulurlar. ona görə, qəbirstanlıq gəzmək və yaşamı sorğulamaq üçün gözəl yerdir. parkda gəzməkdən daha yaxşıdır, çünki ətrafında dirilər yox, ölülər olur ancaq. parkdakı canlı insanlara baxanda ya kimlərəsə qibtə edirsən, ya da kimlərəsə acıyırsan. amma ölülərin məkanında hamısı bərabərdir. tək fərqləri məzarlarının, baş daşlarının dəbdəbəsidir, o da zatən önəmsizdir.
keçən dəfə 1945-ci ildə şəhid olan rus əsgərlərin məzarlarına baxırdım. çoxunun ölüm yaşını hesabladım, ən gənci 17, ən yaşlısı 43 yaşında idi. hərəsinin öz həyatı olub, amma heç birindən xəbərim yox. bir də lap köhnə qəbirlər var idi, ya baş daşı çöküb, ya da qəbir özü. ən maraqlısı isə yanaşı olan ailə, yaxud cütlük qəbirləridir. ölüm yaşlarını hesablayaraq kimin daha çox yas tutduğunu, özündən əvvəl itirdiyi yaxınlarının sayını bilmək olur. ən axırda hamısı keçir.

ha bir də, rahat öpüşmək üçün əvəzolunmaz yerdir. hansısa cütlüyün məzarı önündə oturub öpüşmək başqa bir maraqlıdır. onlar ölüblər, biz isə yaşayırıq, sevirik, xoşbəxtik! insan yaşadığını dərk edir. dorian grayin portretində deyilsiyi kimi:
"tarixin ölmüş aşiqləri bizim gülüşlərimizi eşidib hüzünlənsinlər istəyirəm. bizim alovumuzdan bir nəfəs onların soyuq torpağına can versin, küllərini oyandırıb əzab çəkdirsin istəyirəm".
Təbii ki, mən belə olsun istəmirəm. amma insanın yaşadığını hiss etməsi gözəl duyğudur.
qəbirstanlığın qapısından çıxanda isə yenə maşınlar şütüyən, insanlar tələsən küçəyə atılırsan. anlayıırsan ki, mübarizə aparmaq və yaşamaq lazımdır! son nə olur olsun, ayaq üstə duracağıq blət!
məhəbbət oscar wildeın “dorian grayin portreti” adlı əsərinində sevgi, məhəbbət mövzusuna çox toxunulub. o vaxt kitabı oxuyarkən bəzi qeydlər etmişdim:
"aşiq olmaq insanın özü-özünü dərk etməsi deməkdir".

"Sonra sən gəldin, mənim gözəl sevgilim...
Ruhumu zindandan xilas etdin sən. Əsl gerçəyi öyrətdin mənə!
"

görünür, lord henry sevgiyə daha realist, sərt yanaşır. Dorian isə romantika və həvəs dolu.
qəribə yuxular bu səhər ayılana yaxın gördüyüm yuxu qəribə sayılmaz əslində. mənə qəribə təsir etdi sadəcə. yuxunun əvvəli tamam başqa idi, sonra belə oldu.
görürəm ki, uzun, asfalt bir yoldur. hündür, parlaq şüşəli binalar var ətrafda. bu yolu realda görməmişəm heç vaxt, amma əvvəllər də yuxumda görmüşəm.
hə, mən də evdən çıxıram, hansı evdir bilmirəm heç. biraz uzaqlaşanda yadıma düşür ki, qulaqlığım qalıb evdə. "zibiiillll" deyə reaksiya verib əsəbiləşirəm. sonra başlayıram qaçmağa, sürətlə qaçıram. qaçdıqca beynimdə bir səs deyir ki, qaç uzaqlaş buralardan. eləcə qaçıram sürətlə... arxadan kimsə qışqırır: "hə, qaç, nellie. problemlərlə üzləşməkdən qaçırsan həmişə, qaç... reallığı qəbullana bilmirsən, özünü aldadırsan. qaçmaq çıxış yolun deyil, özün bilirsən. yenə də qaç. aldat özünü, qaç uzaqlaş". bu səs də öz səsim idi, amma başqası olaraq qəbul edirəm. mən də başımı yelləyərək qaçıram küçə boyu. ətrafda da heç kim yox, bom-boş yollar...
burada da budilnikin səsinə ayıldım yuxudan.

deyəsən, şüuraltımdakı savaşın yuxuma yansıması idi bu. çünki bu iki səs daim savaşır beynimdə.
the philosophy of composition edgar allan poenun 1846-cı ildə graham's jurnalı üçün yazdığı məqalə.
yazının fəlsəfəsi adlı bu məqalədə yazıçı "yaxşı yazıçılar necə yaxşı yazır?" Sualına aydınlıq gətirməyə çalışır. məqalədə öz şeiri "the raven"i incələyərək şeir yazarkən diqqət ediləcək məqamlar, düzgün cümlə uzunluğu, toxunulacaq əsas məsələləri qeyd edir. kitabı oxuyacaqsızsa əvvəlcə mütləq "the raven"i oxuyun. həm daha yaxşı başa düşərsiz, həm də spoiler olmaz sizə. üstəlik, fəlsəfik mövzulara yeni başlayanlar üçün də çox ağır kitab deyil. 60 səhifə civarıdır.

--spoiler--

Poe deyir ki, əsərin uğurlu olması üçün bir oturumda oxunulmalıdır. Uzun şeir sadəcə olaraq, qısa və öz olanın şişirdilmiş versiyasıdır.
şeir yazarkən başlanğıc və sonluq gərək əvvəlcədən düşünülsün. həmçinin, əsər kütləyə və tənqidi zövqə uyğun olsun gərək.

--spoiler--

kitabda ən diqqət çəkən şey bu oldu mənim üçün:
"şübhəsiz ki, gözəl bir qadının ölümü ən şeirsəl mövzudur. və eyni zamanda, belə bir mövzu üçün ən uyğun ifadə vasitəsi yaslı bir sevgilinin dodaqlarıdır".

və əsərdən bir neçə not:
"-insanlar gözəllikdən danışarkən keyfiyyətdən, ağıl və qəlbdən deyil, daha çox bir təsirdən danışarlar. qısacası ruhun o ankı yüksəlişindən...
və gözəlliyin hər növü, üstün bir inkişafdır; həssas ruhu gözyaşları ilə hərəkətə keçirər".


- özümdən bunu soruşdum: "bütün melanxolik mövzularda, insanoğlu üçün ən melanxolik olan nədir?" Açıq cavab "ölümdür"!

(bax: edgar allan poe)
(bax: the raven/-303475)
mamoru hosada 1967-ci il təvəllüdlü yaponiyalı rejissor, animator.
hayao miyazakinin The Castle of Cagliostro adlı animesindən ilhamlanaraq rejissor olmağa qərar verib. Rəssamlıq məktəbini bitirdikdən sonra toei animation studiosunda işə başlayır. Hətta studio ghibliyə iş üçün müraciət edir, amma rədd məktubu alır. 2005-ci ildə də madhouse animasiya studiyasında işə başlayır.
2011-ci ildə Yuichiro Saito ilə birgə studio chizu adlı öz studiosunu yaradır.

Son anime filmi olan belle bu ilki kann festivalında nümayiş olundu, bitdikdən sonra hətta izləyicilər 14 dəqiqə ayaqüstü alqışlayıb.
(bax: Belle)
(bax: Mirai)
(bax: Wolf Children)
(bax: Summer Wars)
(bax: The Boy And The Beast)
(bax: The Girl Who Leapt Through Time)
oh hiroshima bir ay bundan əvvəl mail yazaraq qrup adlarının çox xoşuma gəldiyini, nəyə əsasən seçdiklərini soruşmuşdum. bu gün cavab maili yazaraq belə açıqlayıblar:
"Bu ad uzun zaman öncə gitaristimiz Leif tərəfindən seçilib. Əlbəttə ki, ikinci dünya müharibəsi dövründə xirosimonun bombalanmasına əsaslanır. Amma ümumilikdə insan əzablarına görə yas kimi də görülə bilər".

original mətn:
"Thank you so much for your kind words about our music. We're glad you found out about us. The name was chosen by our former guitarist, Leif, a long time ago. It of course refers to the bombing of Hiroshima during WW2, but can be seen as a lamentation over human suffering in general.

Kind regards,
Oh Hiroshima"
liliput balaca, cırtdan mənasında işlədilən söz. əsasən balacaboylu, xırda adamlara deyirlər.
sözün kökü jonathan swiftin gulliver's travels əsərinə dayanır. əsərdə qulliver liliputlar ölkəsinə düşür. hansı ki, boyları 6 inch qədər idi.
əksi olan nəhənglər üçün (bax: brobdingnag)
uşaq sahibi olmaq üçün vəsiqə fikrimcə, artıq zəruri hala gəlməlidir. ən azından daha sağlam, tutarlı cəmiyyət üçün. hər çoxalma qabiliyyəti olan fərd valideyn ola bilər demək deyil. doğub törəməklə olmur bu iş.

vəsiqə olarsa, gərək əvvəlcə fərdlərin fiziki sağlamlığı yoxlanılsın və övladlarında görülə biləcək xəstəliklər müəyyən olunsun. beləcə fiziki və əqli qüsurlu uşaqların doğulma şansı minimuma endirilə bilər, həm uşaq, həm də valideynləri əziyyət çəkməz.
və ikinci olaraq, hər iki fərdin psixoloji durumu ekspertlər tərəfindən qiymətləndirilsin. belə #332120 şəxslərin psixoloji durumu əlbəttə yerində deyil, heç olmasa valideyn olmasınlar. belə "yararsız" şəxslərin necə olacağı sual doğurur, yəqin ki, müalicə ilə nələrsə etmək olar.

bütün bu müayinə, dəyərləndirmə işlər uzun müddət və xeyli maliyyə tələb edir. ona görə, şübhəsiz xəyal olaraq qalacaq. amma reallaşmasını çox istəyərdim. biz onsuz da zibil kimi cəmiyyətdə böyüyüb yaşlanırıq, sonrakılar belə zülm çəkməsin barı.
cyberworld xəyallarımdı, çox da ciddiyə almayın.
uncle tom's cabin (bax: tom dayının daxması)
Amerikalı yazıçı harriet beecher stowe'nun 1852-ci ildə köləliyə qarşı yazdığı roman.
Kitab çap olunduğu vaxtdan insanlar üzərində təsiri çox böyük oldu, çoxları qul haqlarını müdafiə etməyə başladı.
1854-cü ildə artıq kitab 60-dan çox dilə çevrilmişdi. elə həmin ildə də köləliyə qarşı üsyanlar başladı və cümhuriyyətçi partiya quruldu. 1860-cı ildə abraham lincolnun dövründə köləlik tamamilə ləğv edildi.
daha sonra a.lincoln harriet ilə görüşündə "demək o böyük savaşı başladan kitabın yazıçısı sizsiniz" deyə müraciət etmişdi.
"Fahrenheit 451" romanında kitab haqda "ağ dərililərin sevmədiyi kitab" deyə adı çəkilir.
Sözü gedən tom sayı yaşlı bir zəncidir, ailəsi ilə birgə sahiblərinin malikanəsində xidmət edirlər. Lakin borclardan dolayı sahibi onu satmağa məcbur olur, beləcə heç də xoş olmayan hadisələr bir-birini izləyir.

Kitabın dili çox sadədir, axıb gedir. 11-ci sinifdə qəbul imtahanına az qalmış kitabxanadan görürüb oxumuşdum 570+ səhifəlik kitabı. indiyə qədər oxuduqlarım arasında mənə ən çox təsir edən romanlardan biridir.

Kitab zənci kölələrin çəkdiyi iztirab və çətinliyi göz önündə tutur. necə yaşamaqlarından asılı olmayaraq bütün kölələrin ortaq cəhəti budur - azadlıqları və gələcəkləri yoxdur. mal olaraq alınıb-satılır, sahiblərinə tabe olmağa məcbur olurlar.

Uşaq ədəbiyyatına daxil olsa da, böyüklərin də mütləq oxumalı olduğu kitablardan biridir. Yazıçı o vaxtdan deyib black lives matter.

(bax: harriet beecher stowe)
belladonna of sadness 1973-cü ildə Eiichi Yamamoto rejissorluğu ilə çəkilmiş fantastik, psychedelic, qəribə, fərqli bir art-house anime. o qədər fərqli tərzdə və dərindir ki, ifadə edə bilmirəm. Fransız yazıçı Jules Micheletin La Sorciere adlı romanı əsasında çəkilib.
film şiddət və seksuallıq dolu səhnələrdən dolayı uzun müddət yayımlanmayıb. tabuları yıxan və narahat edici görüntüləri heç də xoş qarşılanmayıb çoxları tərəfindən.

Filmdəki hadisələr XIV əsrdə keçir, yenii evlənən Jean və Jeanne evlilik vergisini verə bilmirlər. buna görə qəsəbə baronu Jeanne'yə vəhşicə təcavüz edir. intiqam almaq istəyən Jeanny şeytan ilə müqaviilə qurur.

ilk onu deyim ki, filmin musiqiləri çox gözəldir. şirin və seksi yaponca musiqiləri var ki, adam aşiq olur.
(youtube: )

(youtube: )

vizuallıq da olduqca fərqlidir. sanki anime sulu boya ilə işlənib. araya qəfil psychedelic görüntülər və brutal sex səhnələri girir, adam qəribə olur.
(youtube: )

həmçinin seiyuu seçimləri də möhtəşəmdir. izləmək istəsəz qulaqlıqla izləyin, gözlənilməz ahlayıb-uflamalar eşidə bilərsiz.


--spoiler--

indi keçim şəxsi rəyimə.
şeytan Jeanne ilə ilk görüşdə ona "mən sənəm, həmişə qəlbindəydim, məni sən çağırdın" deyir. çox kiçikdi ilk görüşdə, forma olaraq penisə oxşaması da gözümdən qaçmadı. Jeanne onu rədd edərkən qızı seksual olaraq məmnun edib onu güldürür, əhvalını yüksəldir. ona görə Jeanne onunla anlaşmaya girir. fikrimcə, şeytan həmçinin qadının şəhvətini, ehtirasını simvolik olaraq göstərir. çünki orta əsrlərdə qadınların seksual istəkləri şeytani olaraq dəyərləndirilirdi.
həmçinin, təcavüz travması sonra Jeanne'nin masturbasiya və seksual aktivlikdən utandığı, narahat olduğu görünür. amma zamanla bunu aşır, ruhunu şeytana təslim etdikdən sonra orgy təşkil edir hətta. -*
zamanla Jeanne'yə qarşı ətrafda nifrət böyüyür, onda qızın da içindəki intiqam və qorxu hissi böyüyür. beləcə şeytanın da ölçüsü böyüyür. yavaş-yavaş qızın bədınini, sonra ruhunu və qəlbini ələ keçirir.

filmdə feminizmə, qadınların manipulyasiyasına və fransız çevrilişinə referans var.

"Bütün çağlarda kişilər savaşmağı sevirlər. Əsgərlər, ovçular və əkinçilər birlikdə uzaqlara gedirlər. Geridə qadınlar kədərli xatirələrlə qalır".

heyvancasına spoiler:
Jeanne yandırılan zaman sonda bütün qadınların üzü onun üzünün şəklini alır. burada mübarizə aparan qadınlara referans olaraq feminizm jesti var deyə düşünürəm.
Filmin sonunda da fransız çevrilişi və qadınların idarəçiliyi haqda danışılır.

Düşünürəm ki, Jeanne güc yox, sevgi və qayğı axtarırdı. bir də təcavüz sonrası özündən utanırdı və özünü ərinə layiq bilmirdi. növbəti mərhələlərdə Jan ona xəyanət edir, pis vəziyyətə düşürür. amma Jeanne hər dəfə onu bağışlayır, onun üçün ən yaxşısını etməyə çalışır.

--spoiler--

Filmdə Jeannenin istifadə etdiyi belladonna çiçəyi təhlükə, qorxunun simvoludur. orta əsrlərdə çiçək anesteziya üçün, yaxud ağrıkəsici kimi istifadə edilib.

çox çılğın animedir, özündə çox şey saxlayır. kiməsə tövsiyyə ediləcək tərzdə deyil. normalda anime izləməyən və belə səhnələrə öyrəşik olmayan adamlar üçün narahat edici ola bilər.
pantural

bu çıxışı ilə bir daha sübut etmişdir ki, elmlə hər şey olmur, gərək adamın qabında olsun düşüncə. 3d max-ı super bilsə də, tipik mentalitetçi qaqa qəlibindən çıxa bilməyib hələ.
əclaf, sənə girib-çıxanı yoxdur kim nə geyinir. təhrik olursansa, nəfsini tərbiyə eləməyi öyrən. "təbiətim gərəyi" deyib heyvani instiktlərini əlində bayraq etməklə deyil, adamın gərək düşüncəsi olsun. təbiəti ortaya soxursansa onda açıq geyinənlər də təbiəti gərəyi özünü göstərmək istəyir. əlinə, sikinə, nəfsinə yiyə dura bilməyən belə potensial qatillər var.
potensial təcavüzcü olduğunu konkret göstərmişdir, psixoloji müalicəyə ehtiyacı var əclafın:


şübhəsiz, mentalitet keşikçiləri adama arxa-dayaq durur. hamısının qanına sinib cahillik.

sırf geyiminə görə hansısa gijdıllağın səni əlləməyi, zorlamağı özünə haqq görməsi adamı hər şeydən diksindirir.
yazarların sevmədiyi xüsusiyyətləri bəzən 5 yaşlı uşaq kimi düşüncəsizcə addımlar atıram. içimdəki bir səs deyir ki, "düz eləmirsən, nellie". onu susdurmuram da heç, dinləyərək o səhvi edirəm. səhvimi düzəltmək şansım olur, amma durub baxıram. sanki şüurum itir. ən pisi isə, eyni səhvləri təkrar-təkrar edirəm, laqeydliklə. hər dəfə də özümə əsəbiləşirəm, nifrət edirəm, danlayıram, sonra sakitləşib belə olduğumu qəbullanıram.
bəzən kimlərsə səhvimi üzümə deyir, bu məni çox sevindirir. çünki bir şillə kimi ayıldır məni. onda səhvimi düzəltmək üçün hərəkətə keçirəm.
normalda addım atarkən hərtərəfli düşünüb məntiqli qərar verirəm. amma bəzən də belə olur, sanki əsl mən yox, başqa bir nell edir o səhvləri. artıq yorulmuşam bu xüsusiyyətimdən.
hə, indi bəziləriniz deyəcək ki, bizə nə sən beləsən? heç, sadəcə durumu bir daha üzümə çırpım deyə ürəyimdəkiləri bura tökdüm.
1 2 3 4 5 6 7 8 9 10 11 12 13 14 15 16 17 18 19 20