franz schubert

yaradıcılığı klassik eranın sonu, romantik eranın əvvəllərinə təsadüf edən bəstəkar. məni şubertlə bağlı təəccübləndirən şey onun məhsuldarlığıdır: 31 illik qısa bir ömrə 1500dən çox əsər, variyasiya sığdırıb. bura daxildir - solo səs və piano üçün 600dən çox (gbax: lieder), bir o qədər piano parçaları, təxminən 150 (gbax: partes mahnı), bir neçəsi (gbax: messa) olmaqla, 40 (gbax: liturgik əsər), (gbax: opera)ları və fon musiqiləri də daxil olmaqla, 20 civarında səhnə əsəri, 7si tamamlanmış 13 (gbax: simfoniya) və bir neçə (gbax: uvertüra), 20dən çox simli alətlər üçün (gbax: kamera musiqisi) və (gbax: kvintet)lər, (gbax: trio)lar, (gbax: duet)lər. şubert 14 uşaqlı ailənin 12cisi kimi dünyaya gəlib. 4-5 yaşlarında atasından skripka, qardaşı ignazdan isə piano dərsləri alıb. bir neçə aydan sonra qardaşına deyib ki, daha sən mənə dərs demə, bunların hamısını bilirəm. 11 yaşı olanda (gbax: haydn), (gbax: mozart), (gbax: beethoven)in orkestr əsərləri ilə tanış olacağı (gbax: stadtkonvikt məktəbi)ndə təhsil almağa başlayır. 5 il sonra atası ilə yaşamaqçün geri qayıdır və məktəb müəllimi kimi işləyir. bundan əlavə, (gbax: antonio salieri) ilə birlikdə bəstəkarlıq təhsilini davam etdirir və yaradıcılığa başlayır. 1828in martında ömründə ilk və son dəfə öz bəstələrindən ibarət konsert verir. bu konsertdən bir neçə ay sonra vəfat edir. ölüm səbəbi rəsmi olaraq (gbax: tif xəstəliyi)dir, lakin bəzi tarixçilər onun (gbax: sifilis)dən öldüyünə inanırlar.