qardakı ayaq izləri


936   2   0   0
2. nəsil partizan
entry: 936
reytinq: 1,678
karma: 263
izləyən: 7
oxunma: 146,106
sifariş sayı: 5






8 mart

hələ də ət tökən zarafatların ortalıqda dolaşdığı (və bir möcüzə olmadıqca uzun müddət də dolaşacağı) bir gün. guya indi çox dərin bir şeymiş kimi kişilər bir-birini təbrik edir. yəni ki "kişi döylsən ha, səni bu gün təbrik eləmək olar" mənasında. bezmədiniz bu zarafatı eləməkdən? heçmi ətiniz tökülmür bunu edəndə?

p.s. hələ biri də indi ağlıma gəldi. normalda bu gün rəsmi olaraq iş günü deyil, amma bəzi özəl şirkətlər filan işləyir, bizimki də daxil, amma o da ancaq kişilər üçün. yəni qadınlar üçün tətildir. soruşanda ki "sabah işə gəlirikmi?", verilən cavab: "özünü kişi kimi görmürsənsə, gəlməyə bilərsən". ha ha ha, nə gülməli. yəni bunu ciddi-ciddi zarafat deyə dilinə gətirənlər görüb bu gözlər

israrla səhv yazılan sözlər

kompaniyakampaniya sözləri də çox qarışdırılır.
kompaniya - ingiliscədə company, şirkət mənasında
kampaniya - ingiliscədə campaign, müvəqqəti endirim, hədiyyə və s. kimi həvəsləndirici təkliflər

"kompaniya" sözü əksər hallarda "kampaniya" mənasında yazılır və ümumiyyətlə, öz mənasında işlədildiyinə də heç vaxt rast gəlməmişəm, açığı, ehtiyac da görünmür, çünki onsuz da bu mənada "şirkət" sözü geniş şəkildə işlədilir. burda yazıya xüsusi diqqət çəkməyimin səbəbi də budur ki, tələffüzdə "o" hərfi "a" ilə əvəz olunur və "kampaniya" kimi deyilir. amma guya düzgün yazmağa çalışırlarmış kimi "kompaniya" yazırlar həmişə. bunun da fərqli bir söz olduğundan xəbərsizdirlər.

web whatsapp

#349901 - burda qeyd edilən beta versiyası bir müddətdir artıq normal istifadədədir, yəni beta deyil. bağlantının telefondan asılı olmaması baxımından çox əladır, amma əvvəldən statuslarını "mute" elədiklərimin hamısı web-də xortlayır indi. əvvəlkində belə deyildi, "muted" kimi də qalırdı. buna əl gəzdirməlidirlər.

güldürən qəribə yuxular

nəyə güldüyümü heç vaxt xatırlamamışam, amma yuxuda gülməyimə oyandığım olub dəfələrlə. çox qəribə hissdir. birdən oyanırsan ki, təzəcə nəyəsə gülübsən, amma nə olduğu yadında deyil. sonra fikirləşirsən ki, görəsən eşidən oldumu güldüyümü -*

yazarların linçə səbəb olacaq fikirləri

hamıya uşaq dünyaya gətirməyə icazə verilməməsini istərdim. Müəyyən kriteriyalara cavab verən ailələrə icazə verilsin. məsələn, psixi durumu, dünyagörüşü səviyyəsi filan yoxlanılsın və uşaq böyüdə biləcəyi dəqiqləşdiriləndən sonra sertifikat kimi bir şey verilsin. yoxsa hər yoldan ötən uşaq doğub böyüdür, o da ya psixopat olur, ya da geri zekalı. bu qədər, linç edə bilərsiniz indi

eşidilməkdən bezilən şeylər

çöldə yağış yağan vaxt birinin "yağan yağış deyil, bla bla bla" deməyi. lan yetəəər. ürəyim bulanır artıq bunu eşidəndə.

doctor who

blink adlı bölümü ilə məni heyrətlərə qərq edən serial. bu serial özü bir kənara, baxdığım digər film və serialların hansısa bölümünə belə zövqlə baxmamışdım


--spoiler--

doctor və martha 1969-cu ildə ilişib qalırlar və tardisin olduğu ildəki bir nəfərə mesaj yollayırlar ki, tardisə girib öz zamanına göndərsin. amma "ağlayan mələklər"dən ehtiyatlı olmaq lazımdır. bu mələklərin təsvir forması olduqca maraqlıdır. çünki biri onlara baxdığı an hərəkət edə bilmirlər, ani momentdə gözünü qırpanda hərəkət edirlər. yəni əslində onların hərəkət etdiyini müşahidə etmək mümkün deyil. görünürdə isə daşdan düzəldilmiş ağlayan mələk heykəlidirlər sadəcə. bu təsvir bir növ kvant fizikasındakı qeyri-müəyyənlik prinsipinin analogiyasıdır. bölümün maraqlı hissəsindən biri bu idi. digər bir məsələ isə doctorun mesajı yollama formasıdır. heykələ toxunan biri zamanda başqa bir yerə gedir, çünki hansısa səbəbdən həmin ağlayan mələklər tardisi ələ keçirmək istəyir. doctor bir yolla bir nəfəri tuta bilir öz olduğu zamanda. bu şəxs gələcəkdəki ilə çatanda əvvəldən gördüyü birinə (sally adlı bir qıza) deməlidir ki, mesajların olduğu 17 dvd-yə baxsın. sally dvd-ləri tapır və videoya baxmağa başlayır. diqqət, əsas maraqlı hissə. videoda doctor nə etməli olduğunu qıza izah edir. amma elə formada danışır ki, qız onunla canlı şəkildə danışdığını düşünür. sual verir, uyğun şəkildə cavab alır. dvd-lərə əvvəlcədən baxan başqa bir oğlan da bunların hamısını qeyd edir (əslində dvd-ləri ondan alır, yəni müəyyən mənada tanışdırlar). məlum olur ki, doctor gələcəkdə bu qeydləri oxuyur və necə danışacağını dəqiq formada hazırlayır. sonda isə tardisi lazım olan zamana qaytara bilirlər.

--spoiler--

bəlkə kiməsə çox da maraqlı görünməz, amma dəhşət zövq aldım. hələ o heykəllərə gözlərini zilləyib baxdıqları anda mən də ekrana zillənmişdim -*

immutable

proqramlaşdırma termini kimi obyektin yaradıldıqdan sonra dəyişdirilə bilmədiyini ifadə edir. ən məşhur nümunəsi string tip obyektlərdir. dəyişdirdiyinizi düşündüyünüz bir string obyektin orijinalı əslində dəyişilməmiş qalır. əldə edilən isə sadəcə yeni bir string obyektidir. "immutabl" obyekt proqramlaşdırılma dilindən asılı olaraq fərqli yollarla əldə edilir. bəzilərində xüsusi açar sözlə (bax: keyword), bəzilərində isə daha dolayı yollarla. açar sözlərə nümunə kimi:
C++ - (bax: const)
C# - (bax: readonly)
Java - (bax: final)

javascript-də "writable: false" atributu ilə, python-da "__setattr__" metodunu "override" edib dəyişiklik cəhdində "exception" qaldırmaqla və s.

obyektin "immutable" olması "multithreading" proseslərində mühüm rol oynayır. hansısa obyektdə nəzərdə tutulmayan dəyişiklik gözləniləndən fərqli nəticələrə səbəb olduğundan buna xüsusi diqqət ayrılır. sifarişi verən: sözaltı bot

/ 20 »

blok -   başlıqlarını gizlət