iran

Bu aralar sərhədimizdə şou göstərən cənub qonşumuz. Yaranan gərginliyin səbəbi çox güman ki, İranın 2-ci Qarabağ müharibəsindən sonra Azərbaycandan gözlədiklərini ala bilməməsidir. Müharibə zamanı neytral qalması, rəsmi şəkildə Azərbaycanın ərazi bütövlüyünü dəstəkləməsi və hətta Azərbaycanı qələbə münasibəti ilə təbrik etmələri qarşılığında təbii ki, İranın Azərbaycandan gözləntiləri var idi. İlk öncə rəsmi Bakının İsrail məsələsində geri addım atmasını, bölgədə, əsasən də zəngəzurla bağlı gedən danışıqlarda İranın da fikrini nəzərə almasını, Qarabağda aparılan yenidənqurma işlərində İrana da yer verilməsini və.s. Amma, Azərbaycan nəinki bunların heç birini etmədi :) tam əksinə Türkiyə və İsrailin mövqeyini gücləndirdi və bu da azmış kimi Ermənistanla olan ticarətinə əngəl olaraq İranın reputasiyasını diskretizasiya etməyə başladı. Ondan sonra da olan oldu. İran burda özünü Rusiya kimi aparmağa çalışır. Sözdə Azərbaycanın ərazi bütövlüyünə dəstək verib, əməldə qondarma Qarabağ Respublikası ilə əlaqələr yaratmaq istəyir. Ancaq İran Rusiya deyil :) ona görə də Azərbaycan İranın bu hərəkətlərini görməzdən gəlmir. Yeri gəlmişkən Rusiyanın yaranan bu gərginliyə necə yanaşdığı maraqlıdır. Bir tərəfdən Rusiya İranın Qafqazda çox söz sahibi olmasına icazə vermir, amma digər tərəfdən də türkiyə/Azərbaycana təzyiq üçün İran Rusiya üçün yaxın müttəfiqdi. Necə deyərlər İranın bu hoqqanbazlığına Rusiyanın razılıq verdiyinə yeminedebilirim ama ispatlayamam.