gecəyə bir şeir paylaş

Bəlkə zülmət gecələr yaşlı gözümçün darıxıb Bəlkə səssiz küçələr qəmli sözümçün darıxıb İndi tənhalığa tab etməyə yox taqətimiz Qəlbimiz bəlkə də əvvəlki dözümçün darıxıb Hərə bir duyğusunun yansımasın məndə tapır Bir nəfər var bilirəm ancaq özümçün darıxıb Saqi meyxana qədəh badə səadət sevda Bu bizim köhnə tanışlardı,bizimçün darıxıb. Nədi bilməm məni hər gün çağıran siz tərəfə Məbədin yollarımı addım izimçün darıxıb Nola ey xameyi-rəssami-məhəbbət məni çək Ayrılıq lövhəsi həsrətli üzümçün darıxıb Yenə bir "şairi" xatırladı pünhan Pünhan Yenə ruhum deyəsən ruh əkizimçün darıxıb -pünhan azim.