arxivdən
Limanda bir gəmi var,
Gedəcək uzaqlara,
Minək hamı yatanda,
Düşməyək tuzaqlara.
Dünya ölüm-itimdi,
Üzüqara eləmə.
Sənə son ümidimdi,
Para-para eləmə..
Gəmiçiyə demişəm,
Yaxşı tədarük görüb.
Deyir nə belə bir eşq,
Nə belə bir yük görüb.
Bir az sahilə baxıb,
Kövrələrsən,dolarsan.
Dəniz oğlu olaram-
Dəniz qızı olarsan..
Adaların birində,
Düşüb məskən salarıq.
Pul-para dərdi çəkmə,
Balıqlardan alarıq.
Gəl, səni gözləyirəm,
Az qalıbdı səhərə.
Bi bir könül işidir..
Gecikmə bu səfərə.
buradan hara?
təzədən başla ↺