shogun

Shōgun (2024) son dövrlərin ən çox danışılan tarixi seriallarından biridir və doğrudan da baxmağa dəyər işlərdəndir. Serial Shōgun romanı əsasında hazırlanıb və hadisələri 1600-cü illərin Yaponiyasında göstərir. Əsas mövzu bir az siyasi oyunlar, bir az da mədəniyyət toqquşması üzərində qurulub. Hekayənin mərkəzində Yoshii Toranaga dayanır – o, hakimiyyət uğrunda mübarizə aparan ağıllı və strateji bir liderdir. Digər tərəfdən isə John Blackthorne adlı ingilis dənizçi var ki, təsadüfən Yaponiyaya düşür və tamam fərqli bir dünyaya adaptasiya olmağa çalışır. Bu iki fərqli baxış serialı daha maraqlı edir. Aktyor oyunları da kifayət qədər güclüdür. Xüsusilə Hiroyuki Sanada və Cosmo Jarvis rollarını çox real canlandırıblar. Ümumiyyətlə, serialın dili, kostyumları və atmosferi o qədər yaxşı qurulub ki, özünü sanki həmin dövrdə hiss edirsən. serial ağır gedə bilər, yəni hər kəsə uyğun deyil. Amma səbir etsən, çox keyfiyyətli bir hekayə izləyirsən. həm baxımlı, həm də düşündürücü serialdır. Əgər tarixi dram və siyasi intriqalar xoşuna gəlirsə, bunu qaçırmaq olmaz. ordan sevdiyim bir alıntı: "Knowledge is learning something every day. Wisdom is letting go of something every day." – Narrator