Son yazılanlar
sry geni
sözaltı meme
bretagne
bretagne
bretagne
primitivist
primitivist
new yorklu vintage jukebox jazz qrupu. 2007-də elizabeth bougerol tərəfindən qurulub. möhtəşəm çalmaqlarına baxmayaraq bu qədər az tanınmaqlarına təəccüblənirəm həmişə, amma həqiqətən mükəmməldirlər. 5 albomları çıxıb indiyə qədər. https://spotify.link/4WcwbeGCiBb
xüsusən də bu 2 performansları dinlənməlidir:
))
gözlənmədən yüksələn:
kreator- united in hate
)))))
şərabçılıq elmi. şərabın bütün emal mərhələlərində iştirak edir və sonuncu dequstasiya, yəni, dadma işini həyata keçirirlər. sözün mənşəyi qədim yunanıstanda bir kralın adından gəlir.
deməli, yunanıstanda zevs ilə semele adlı qadının izdivacından bir uşaq doğulur. bu uşaq dionysosdur. ancaq dionysos hələ doğulmazdan zevs semeleni ildırımla yandırır. və sonra dionysosu alıb öz bədəninə yerləşdirir. dionysos zevsin bədənindən ikinci dəfə doğulur. böyüyəndə teatr, əyləncə, şəhvət, xaos, anarxizm və əsasən də şərab tanırısı olur. insanlar şərab içəndə dionysosa dualar oxuyurlar. hətta ona bir hədiyə kimi hər dəfə içəndə şərablarının bir hissəsini yerə tökürlər. dionysos’un oineus adında sadiq bir kralı da var. calydonia kralıdır. dionysos da xidmətlərinə görə üzüm suyuna, dolayı yolla da şəraba oienus’un adını verir. şərabçılıq da calydonia’ya oienusla birgə gəlmiş olur. elmin yunanca adı da oenologie qalır və günümüzə çatır.
sifarişi verən: onafilankəsdeyirlər
isaac asimov un “robot-empire-foundation” toplusundakı humanoid robot qəhrəmandır. han falstolfe tərəfindən düzəldilmiş iki insansı robotdan biridir. digəri r.giskard reventlov. ilk dəfə the caves of steel, yəni seriyanın birinci kitabında qarşımıza çıxır. o qədər insana bənzəyir ki araşdırma partneri elijah baleyi insan oldmadığına inandırmaq üçün panelini açmalı olur. pozitronik beyin lə işləyir, yəni hisləri yoxdur. orta məktəbdə oxuyanda “kaş daneel mənim robotum olardı” dediyim robotdur. elijah baley ilə qurduğu münasibət də oxunmağa dəyərdir. bir də:
———spoiler———
normal halda robotlar mütləq şəkildə 3 robot qaydasına tabe olmalıdırlar. ancaq daneel birinci kitabda insanları qorumaq üçün insan öldürərək 1-ci qaydanı pozur və #372662 burada qeyd olunan sıfırıncı robot qaydasının yaranmasına səbəb olur.
toxuma və ya orqan transplantasiyası zamanı resipient,yəni, orqanı alan orqanizmin köçürülən toxumanı patogen yəni yad, zərərli cisim olaraq qəbul etməsi halıdır. orqanizm mhc və hla genlərinin allellərinin uyğunsuzluğu nəticəsində reaksiya göstərir. prosesdə b limfositlər, makrofaqlar, t killerlər və helperlər iştirak edirlər.
əsas göstəriciləri isə 1-sarılıq ;2- anemia olur. xəstələrin gözlərinin ağı saralır və rəngləri ağarır. bəs bunun necə qarşısını almaq olar?
hazırda əməliyyatlardan qabaq qan qrupları vasitəsilə ilk növbədə orqanlar yoxlanır. ancaq hələ də gen səviyyəsində tam uyğunlaşma müəyyən edilmir. edilsə belə bu uyğunluğu müxtəlif insanlarda tapmaq çox çətindir. ona görə də orqan donoru olaraq qardaş-bacıya daha çox üstünlük verilir. çünki bu mhc və hla anadan və atadan alınan genlərdir. uyğunluq olduqdan sonra, immun sistemi zəiflədilir. ancaq bu da bəzən xəstənin infeksion xəstləikdən ölməsinə səbəb ola bilir. ən son dövrlərdə isə kök hüceyrələr vasitəsilə uyğunlaşma təmin edilməyə çalışılır. hələ ki, tam müvəffəqiyyət yoxdur bu sahədə ancaq olması gözlənilir.
(baxma: kök hüceyrə böyük qüvvədir)
sifarişi verən: Aşmış kamazın şoferi
mən səhv gördüm yoxsa videoda polis həqiqətən qabaqda gedən qadının durduğu yerdə gözünə qaz sıxır? qatığın biri də deyib ki, polisin hərəkəti adekvatdır. silahsız, çoxu da yaşlı və qadın olan kəndlinin üstünə tam təhcizat getmək hansı mənada adekvat ola bilər? ölkədə çox bol iş var imiş kimi camaatın əsas gəlir mənbəyini zəhərləyirlər, etiraza qalxanda da polis ordusu xalqın üstünə gedir, belə ölkənin mk. amma bu vəziyyətdə bircə yaxşı şey orasındadır ki, artıq camaat susmur, öz mənfəətinə çatanda hamı necə mübarizə apara bilir. o xala "yiyəsiz ölkədi, ölkəni satanlar bunlardır" deyəndə eləbil hamının iç səsi oldu.
insanlarda cinsiyyəti müəyyənləşdirən gendir. ən sadə şəkildə izah eləməyə çalışım. bilirik ki, kişilərdə cinsiyyət xrosomları yəni cinsiyyət genlərinin üstündə yerləşdiyi xromosomlar xy olur. bu y xromosomunun da qısa və uzun qolları var. qısa qolunda pseudo rayonlar yerləşir,hansı ki, bu rayonlarda da funksiya göstərən genlər yerləşir. genlərin biri də sry-dır.
sry açılışı olur “sex determining region on the y”.
bu sry tdf adlanan bir determinasiya faktoru sintez eləyir ki, hansı ki, default qadın olmağa proqramlanmış dölün cinsiyyət orqanlarını kişi cinsiyyət orqanlarına çevirir. ancaq genin funksiyası bəzən pozulur ya da uyğun olmayan rayonda yerləşir. belə olanda tdf da sintez olunmur və xy kariotipli uşağın orqanları formasını dəyişmir. yəni testis əmələ gəlmir. onda da kişi kariotipli qadın görünüşündə insan anadan olur. xaricdən baxanda tamamiləq qadın bədənidir amma dölsüzdür. bu halda swyer sindromu baş verir. müəllimimin dili ilə desək: “baxırsan gözəl-göyçək qızdır amma əslində kişidir.”
swyer sindromlu insanlarda da yumurtalıqlar zəif inkişaf edib ovulyasiya getmədiyinə görə uşaq sahibi də ola bilmirlər. amma uşaqlıq olduğuna görə surroqat ola bilərlər. 30% hallarda fsh kimi hormonlar sintez olunmadığından süd vəziləri də inkişafdan qalır amma bunu əlavə hormon qəbulu ilə aradan qaldıra bilirlər. əgər sry geni x xromosomunun üzərinə köçürülübsə, xx xromosomlu ancaq kişi fenotipli qadın doğulur. 20% halda baş verir bu. de la şapel sindromu adlanır. başqa adı ilə xx male syndrome. bu sindroma malik insanlar da həmçinin dölsüz olur.
bir də sonuncu araşdırmalar göstərib ki, sry geni sinir fəaliyyətinə də təsir göstərir. buna görə şizofreniya xəstəliyi kişilərdə qadınlara nisbətən daha çox rast gəlinir.
sifarişi verən: glabella
digər adı ilə van nes rotationplasty daha çox uşaq və ya yeniyetmə yaşlarda olan xəstələrdə ayağın amputasiyası zamanı süni diz oynağı yaratmaq üçün istifadə edilən inanılmaz bir əməliyyat növüdür. ayaqda diz nahiyəsində sarkoma yəni bədxassəli şiş varsa əgər, budun aşağı hissəsi, diz və tibia yəni qamış sümüyü ,qısaca buddan aşağı hissə tamamilə cərrahi olaraq kəsilir. ondan sonra ayaq dediyimiz hissə biləklə birgə ayrılır və 180 dərəcə çevrilərək tərsinə budun qalan kəsilməmiş hissəsinə birləşdirilir. bundan sonra xəstə protez ayaqdan istifadə edir. sağalma müddəti əhəmiyyəti də bundan ibarətdir ki, ayaq bükülə bildiyindən xəstə protezi daha rahatlıqla istifadə edə bilir. ilk dəfə 1927-ci ildə bir ortopedik cərrah tərəfindən aparılıb bu prosedura. o vaxtlar dizli mexaniki protezlər də olmadığından xəstələrə çox komfort imkanı verirdi. hazırda 88% hallarda uğurlu nəticələnir əməliyyatlar. cons and pros nələrdir: xəstə üçün çox daha funksional və rahat olur, ancaq protezsiz qəribə xarici görünüşə görə çox aparılmır bu əməliyyat. bir də qan-damar xəstəliyi olan insanlarda , həmin nahiyədə sirkulyasiyada problem yarada biləcəyinə görə aparılmır. ancaq normal amputasiya pasiyentlərinə nisbətən daha asanlıqla və tezliklə hərəkət edə bilir, hətta qaça bilir bu əməliyyatı keçirmiş pasiyentlər özlərinin bildirdinə görə də. birləşdirilən kvadrat əzələlər qamış və baldır əzələlərini də çəkərək ayağı hərəkət etdirə bilir. ilk dəfə bu əməliyyatı görəndə mind blown idim sözün əsl mənasında.
daha detallı təsviri üçün video:
)
qadın azadlığı mövzusunda yazılmış cəfər cabbarlı pyesi. ilk dəfə 11 yaşında atamın kitabları arasında görüb oxumağa başladığım bu kitabı təzəlikcə yenidən oxuyanda məndə güclü təəssürat yaratdı. əgər sona cabbarlının cəfər cabbarlı haqda yazdığı xatirələrini oxumusunuzsa,orda da qeyd edib ki,cəfər cabbarlı hamlet əsərinin azərbaycan dilinə tərcümə edilməsində uzun müddət işləyib. bu əsərin dialoqlarında da şekspir əsintiləri xeyli hiss olunur. bir də yenə bu memuarda sona xanım yazır ki,cəfər cabbarlı onu çadranı atmağa cəsarətləndirən olub.
biraz əsərin sujet xəttindən danışsaq, əsas obraz sevil əri balaş tərəfindən daim sözlü şəkildə əzilən qadındır. balaş qərbə meyilliliyi də əks etdirir eyni zamanda. daha doğrusu şərq insanının qərbə meyillənməsindəki iki üzlülüyü. balaş işlədiyi yerdən tanıdığı dilbər adlı qərb həyat tərzini mənimsəmiş, öz dili ilə "parisdə manikür kursu keçmiş" qadınla birgə yaşamağa başlayır, yüksək təbəqədən insanlarla oturub durur. ancaq bunları edərkən öz kişiliyini də qırağa qoymur,sevilin çadrasını başında saxlayıb onu,utandığı atasını,qaynatasını və mənim üçün əsərin kilit obrazı olan bacısı gülüşü bu insanlardan gizlədir. sevil isə əsl azərbaycan qadını kimi balaşa sadiqdir. gülüş reallığı görür,qara çadranı başlarının üstündəki bulud adlandırır,özü də çadrasız gəzir,dəli adlandırılır. gözləri bağlı olan sevil isə oğlu gündüz üçün hər şeyə dözür,ancaq dilbər onu istəmədiyinə görə küçəyə atılır. sonradan sevil illər sonra oğlunun ad günündə gəlib çıxır. qayıdanda çadrasını atmış,təhsil almış,gözləri açılmış,görünüşü dəyişmiş qadın kimi qayıdan sevil,balaşa gündüzlər oxuduğunu,gecələr isə kişilərlə "qiymətləşdiyini" deyir. sevilin əslində həqiqət olmayan bu sözləri isə indi belə çoxlarına adi gəlməyəcək,dövrün azərbaycan ədəbiyyatı üçün isə inqilab olan bu möhtəşəm dialoqa gətirib çıxarır:
balaş.axı,sevil,bu əxlaqsızlıqdır,namussuzluqdur. yox ola bilməz. yalvarıram,sevil,söylə ki sən əvvəlki kimi əxlaqlı və namuslusan...
sevil.namus!nədir namus? yalnız qadınların daşıyacağı bir yükdür. sən hər gün bir dəqiqəlik zövqün üçün tuş gəldiyin hər bir qadına göz basırkən,kimsə sənə namussuz demirdi. lakin biz bir lampalıq neft,bir parçacıq çörək,bir doyumluq quru çörək üçün birinə yanaşdıqda,bütün bayquşlar səs-səsə verib,dörd bir yandan: "fahişə,fahişə",-deyə ulaşırlar. halbuki sən mənim gözümün qabağında bir qadının belindən qucmuşdun,mən də qarşında durub titrəyirdim,göz belə qırpmırdın. bilmək istəyirdim ki,sənin adın nə olur? ad birdir. o zaman nə düşünməyə beynim,nə də deməyə dilim yox idi. indi isə üzünə deyirəm: fahişə!
sevil əslində "fahişəlik" etməmişdi. sevil azərbaycanda qadınların azadlıq yolunun simvolu halına gəlməyə layiq olan, dövrünün çox üstündə bir dünyagörüşünə malik yazıçı tərəfindən yazılmış,təəssüf ki,indi belə qadınların heç də azlıq olmayan bir kütləsi tərəfindən başa düşülməyəcək bir obraz idi. bu cəhətdən,hər nə qədər ədəbi cəhətdən mükəmməl olmasa belə “sevil” əsəri daha çox tanınması,oxunması vacib olan əsərdir. çox inanmasam da, bəlkə qadınlar və kişilər sevili oxuyub sədaqətin,fədakarlığın,əxlaqın sadəcə qadınlara məxsus olmadığını, azərbaycanlıların ilişib qaldığı ana-bacı,namus məvhumlarının sadəcə beyinlərdə zəncir olduğunu dərk edə bilərlər.
15 iyunda ilk dəfə olaraq bakıda konsert verəcək əfsanəvi latin pop qrupu. biletlər i-ticketdə satışdadır.
https://www.nicolasreyes.com/
detallar üçün:
https://iticket.az/en/events/concerts/gipsy-kings/90674
yeni bir sosial media tətbiqidir. konsepti çox fərqli bir şeydir. günün random bir saatında "take your bereal" deyə bildiriş göndərir. bildiriş gələndə anlıq ön və arxa kamera ilə şəkil çəkirsən və sadəcə 2 dəqiqə vaxt verir çəkmək üçün. amma məcbur deyil bildiriş gələn kimi,bir neçə saat sonra da çəkmək olur. neçə retake etdiyinizi də göstərir amma. instagram və s. digərlərindən fərqi budur ki, filter istifadə etməyə icazə vermir,birbaşa telefonun default kamerasından çəkməlisiniz. sadəcə ekşidə filan database toplaması kimi komplo teoriləri uyduranlar var bilmirəm bəlkə də edir amma facebook bunu neçə illər edib onsuz so çox da fərqi yoxdur məncə digərlərindən bu cəhətdən. çox səmimi bir yer kimi gəldi mənə, çünki hamının o an olan təbii halını görürük. əsasən xariciləri görürəm mən discoverydə, bizimkilər və türklər hələ çox da kəşf etməyib buraları yaxşı ki. çox da minimalist,sadə interfacei var. foto gündəlik kimi istifadə etmək üçün də idealdır məncə. mənim kontaktımdan cəmi 1 nəfər yaxın dostla followlaşırıq. o sevgilisi ilə bereal paylaşır,mən də anatomiya atlası ilə. burda belə üzümüzə vurulur lol.
nəticə etibarilə hələ ki, çox da kütlə çəkməməsi səbəbilə mən bəyəndim. instagirllərin kəşf edib,kim filtersiz daha gözəldir yarışına girməyəcəklərini ümid edirəm.
edit: bereal çəkmədən başqalarının bereallarını da görmək olmur. bir də çox scrolluq bir kontent olmadığından və follow sayı az olduğundan vaxt aparan deyil.
dünən 83 yaşında həyatını itimiş 80lərin ikonlarından biri,"queen of rock n roll",simply the best. onun ən məşhur dövrlərində hələ dünyada olmasam belə pop-rocku mənə sevdirən idi. bir ulduz da belə söndü. rest in peace,queen.
phallogocentrism fransız psixoanalist jacques lacanın erkək cinsi mərkəzə alan sosial prinsiplərini ifadə etmək üçün jacques derridanın istifadə etdiyi bir termin idi. daha doğrusu logocentrism derrida tərəfindən gətirilmiş bir şey idi. “logos” söz mənasını bildirsə də,əslində burda danışıq/yazı logosu ifadə edir. yəni “mən” anlayışının əsasını söz təşkil edir qərb fəlsəfəsi anlayışına görə. bir növ danışıqla şüuraltı arasındakı əlaqə insanı formalaşdırır. termin ilk dəfə derrida tərəfindən gətirilməyib ancaq derridanın təhlilləri ilə məşhurdur. phallogocentrism isə “kişi cinsini” mərkəzə qoyan fəlsəfi anlayışdır. lacana görə kişi əsasdır və mühim olandır,qadın isə kişinin bir uzantısıdır. qadın kişi cinsi orqanı olmamasına görə qüsurlu sayılır. ümumiyyətlə,lacan qadını freudun təsirində qalaraq bu mövqeyə gətirir. hətta eyni freud kimi deyir ki, qadın cinsi orqanı kəsilmiş kişidən başqa bir şey deyil. hətta qadınların bu cinsi orqan arzusu səbəbilə uşaq sahibi olmaq istədiyini də irəli sürür freud və freudun yalançısı lacan. dinçilərə default yüklənən bir xüsusiyyətdir əslində phallogocentrism. qərb psixoanalitik ünsürü olmasına baxmayaraq şərqdə daha çox mənimsənilmiş bir prinsipdir.
(baxma: fallus )
not:lacanın çox maraqlı psixoanalizləri var “mən” anlayışı ilə,anadan olduqda ananın bir uzantısı kimi hiss etməmizlə bağlı və s. sifarişi verən: sonra dedilər ki alınmadı
bilmirəm bu entrynin başlığı buradır yoxsa yox amma dünən ekşidə zəlzələdə ölən bir adamın entrysini oxudum. ondan əvvəl də zəlzələdə ölən bir qızın sonuncu ad günündə yazdığını oxumuşdum. bu yaşının pis keçdiyini,gələn yaşından ümidli olduğunu yazıb. sonunda da "genciz,çıtırız,hallederiz" kimi bir söz. üzümə çırpmışdı necə bomboş yaşadığımızı. dünən o entryə bir də baxdım. dünəndən bəri fikirləşirəm ki,həyatımız necə sirkə bənzəyir əslində. heç birimiz istəyərək burda deyilik, heç kim istəyərək sirkdə işləmirdir onsuz amma bir şəkildə anadan olmuşuq. sonra hərəmiz bir cür həyatı yaşamağa çalışırıq. amma istisnasız hamının işi çətindir. birinin çətinliyi ipdə gəzən akrobatın çətinliyidir,birininki topları fırladan insanın,birininki aslan təlimçisinin. akrobatın həyatı ipdir, digərinin əlindəki toplar,aslan təlimçisinin isə həqiqətən də həyatı. hamısı da həyatlarını əllərində tutmağa çalışırlar eyni anda daha da yaşamağa çalışarkən. halbuki hamısının həyatı çox adi bir qəzaya bağlıdır zəlzələdə ölən insanlarınkı kimi,bizimki kimi. akrobat ipdən yıxılsa,aslan təlimçisi aslan tərəfindən yeyilsə öləcək. ya da oyundakı playerlar. onların da canları bitə bilər hər an. amma tək fərqimiz odur ki,bunlardan akrobat ipdə olanda aşağıdakı izdihama baxmır,aslan təlimçisi də,jongleur da. hamısı öz həyatlarına baxırlar. izdiham onlar üçün bir çətinlikdir halbuki. ya da bir akrobat heç vaxt paralel ipdə yeriyənin işini çətinləşdirmək istəməz məsələn. amma biz insanlar olaraq həm çətinliklərə baxırıq,həm də gündəlik həyatda daim ya birinin arxasından danışırıq,ya həyatı çətinləşdiririk. məsələ mənim,sənin eləyib eləməməyimiz də deyil. heyvanlar belə nə bilim yemək üstündə,dişi üstündə rəqabət aparırlar,biz isə bomboş egolara görə. heç kim başa düşməyə çalışmır bir-birini. həyat da dünyanın ən asan oyunuymuş kimi oynayırıq. asan deyil, snake kimidir həyat nə qədər irəli getsən o qədər artır bitmə ehtimalı. həmin yazar da çətinlikləri görmüşdü, amma yeridiyi ipə baxmağa ümidi var idi. sonra onu gözləmədən ip qırıldı ya da o yıxıldı ipdən. sabah biz də bilmirik düşüb düşməyəcəyimizi ya da kəndirimizin nə qədər möhkəm olduğunu. bu bomboş samanyolu temalı çıxarımlarımı da nə edirsinizsə edin, sadəcə kəndir getdikcə nazikləşir. çıxarımlarımdan daha boş olan səbəblərə,məsələlərə görə həyatımızı heç kim çətinləşdirməz,çətinləşdirmərik bundan sonra ümid edirəm ki.
bugün yves rocher qablaşdırmasının üzərində görməklə kəşf etdiyim şirin bir şimal-qərbi fransa yarımadasıdır. biraz araşdırdım və bu super yeri hələ də tanış olmayan varsa biraz tanış etmək istərdim.
ingilis dilində “brittany” olaraq keçən bu region özünün eyniadlı “breton” dilinə də malikdir. çox özlərinə məxsus musiqilərə və mədəniyyətə də ev sahibliyi edir eyni zamanda. daha çox britaniyadan köçən celtic xalqlarının məskunlaşdığı bir bölgə olduğundan olduğundan şotland üfləməli alətlərinə yer veriblər xalq musiqilərində. məsələn bu breton xalq mahnısıdır
)))
daha çox ediləcək aktiviteler seçilə bilər. başda qeyd etdiyim yves rocher brendi də ilk dəfə 1965-də bretagne yarımadasında yaranıb. banisi yves rocher 1950lərdə la gacillydə düzəltiyi kremi bölgədə satmağa başlayıb və beləcə brendini yaradıb. görmək ümidilə .
6 oktyabrda vizyona girəcək apple original filmi. martin scorsese rejissorluq edir,leonardo dicaprio və robert de niro oynayır. burdan belə bir oscar görürəm. 1920lərdə oklahomada ərazidə neft tapıldıqdan sonra amerikanın yerli tayfalarından osage tayfasının öldürülməsini araşdıran fbi agentini canlandıracaq leo. bu da trailer:
)
william shakespearein yazdığı pyes. həmçinin cüzeppe verdinin bu əsər əsasında yazılan 4 pərdəli operası var.
baş qəhraman ərəb sərkərdə othello(əslində ataullah amma yazıq şekspir necə desin ataullahı) aka məğribli venesiyada xidmət edən bir əsgərdir. çirkin və qaraşındır amma gopladığı müharibə hekayələri ilə senatorun gözəl,xeyirxah amma şüursuz qızı desdemonanı özünə aşiq edir və qaçırır. bunun bir iago adında çavuşu da var. əməlləri ilə pis adamların bir xülasəsidir iago. əsərin antagonistidir. iago yavəri olaraq özünü yox cassionu seçdiyinə görə othelloya kin bəsləyir və başlayır aranı qatmağa. othellonu inandırır ki,desdemona cassio ilə affair eləyir və buna inanmağa dünəndən hazır olan othello o nöqtəyə gəlir ki,desdemonanı öldürür. iagonun zibillərini başa düşəndə də artıq iş işdən keçmiş olur. ironik şəkildə,kitabda da daim iago “namuslu” adlandırılır. amma əsərin ən dərin mənalı cümlələri də iagonun dilindən verilir,altından xətt çəkdiyim cümlələrin çoxu da iagoya məxsusdur. qısqanclığı ən yaxşı təsvir edən cümlələr isə othello’ya.
əslində 4 robot qaydası;
bunların 3-dən əlavə isaac asimov
robots and empire (1985) kitabıbnda 3 qaydaya bir də 0-cı(sözlə sıfırıncı) robot qaydasını da əlavə edib:
a robot may not harm humanity,or,by inaction, allow humanity to come to harm
tərcüməsi:"robot insanlığa zərər verə bilməz və ya fəaliyyətsiz qalmaqla insanlığın zərər görməsinə imkan verə bilməz.
0-cı qayda bütün əvvəlki qaydaları overrule edir. qaydanı giskard reventlov yoxsa daneel olivaw'ın çıxarması da müqayisəlidir çünki daneel fond toplusundan foundation and earthdə qaydanı giskarda ucundan bucağından deyir amma ilk dəfə "robots and empire"da qaydalaşmış şəkildə oxunur. giskard da 0-cı qaydanın tətbiq olunduğu ilk robotdur amma 0 və 1-ci qaydalar arasında qalaraq yanır təəssüf ki.
memarlıqda bir cərəyan. sosialist modernizm nümunələri müasir ünsürlərlə “boz” sovet memarlığını özündə birləşdirməklə seçilir. kuba sosialist ölkəsində bu cərəyanın nümunələrinə rast gəlinmir. ən çox rast gəlinən nümunələri isə hazırki post-sovet ölkələrindədir bu binaların. azərbaycanda da xeyli görə bilərik nümunələrini hətta
əlavə
instagramda sadəcə bu üsluba aid bir səhifə belə var. məsələn bu .
sifarişi verən: Bertrand Zobrist
miyop,hipermetrop və astiqmatizm olan insanların görmənin müvəqqəti bərpası üçün istifadə etdiyi toric və ya soft ola bilən cute cihazlar. deməli linzalar estetik cəhətdən də üzünüzdə əlavə bir şey varmış kimi görünmədiyindən insanların köməyinə çatır. əslində adı contact lens olaraq keçir. suyu qabı və s. eynəkdən daha cib yandırandır,lakin öyrəşdikdən sonra həqiqətən super bir icad kimi gəlir. həm özgüvən verir,həm də qışda soyuqdan istiyə keçəndə buxarlanmır,çay içəndə buxarlanmır. ilk taxanda da "görüyorum" filan kimi super bir hislə olursunuz lakin sonra bir batma başlayır amma o da keçir. taxmaq başlarda biraz işgəncəyə dönür çünki göz refleksləri yad cismi görən kimi hərəkətə keçir. amma sonra üst göz qapağını qırpmamaq artıq vərdiş halına gəlir bunu taxanda. taxmağın əsas nöqtəsi də linzanı tutduğunuz solüsyonlu barmaqla yox digər əlin şəhadət barmağı ilə taxmaqdır onda bir dəfəyə oturtmaq olur bir-iki dəfədən sonra. bir də siz siz olun bununla yatmayın,mühazirədə qətiyyən yatmayın. gözlər bir-birinə yapışmasa belə dəhşətli bir batma olur sonra. yeni taxmağa başlayanda mən hər şeyi bu və videodan öyrənmişdim. bir də bu və bu .
edit: 5 aylıq linza təcrübəsindən sonra əlavə etmək istədiyim şeylər:
1. gözünüzdə nə qədər az qalsa o qədər yaxşıdır, evə gələn kimi eynəyə keçmək və linza ilə yatmamaq.
2. həftəsonları əgər evdəsinizsə taxmamaq uzun müddətdə sizə xeyir verəcək
3. fuck renu, appreciate biotrue. əgər mənim kimi renu ilə batma, yanma yaşayırsınızsa biotrue çox tövsiyə edərdim
4. linza üçün konteyner deyə bir şey satılır, içində güzgü, solüsyon üçün kiçik bir qab və linza qutusu olan bir qabdır. dəhşət komfort yaradır, əldə edilməsi tövsiyə edilir.
4.linzamı taxmazdan qabaq və çıxardıqdan sonra 10-15 saniyə əldə ovuşdurmaq(ehtiyatla) həm linzanı təmizləyir, həm də görməni daha aydın edir.
5. gözün diametrinə uyğun linza taxmaq mütləqdir, bc 8.6 olan gözə, bc 8.4 taxmaq gözün qan dövranını poza bilər.
Son bəyənilənlər
