37. prezidentin xarici siyasət müşaviri novruz məmmədov deyib (twitter'ində yazıb) ki, avropa şurası'nın dağlıq qarabağ münaqişəsində tutduğu mövqe (aşpa'nın son qətnaməsini nəzərdə tutur), azərbaycan'ı öz xarici siyasət kursunu dəyişməyə məcbur edə və ölkəmizin avropa şurası'nda üzvlüyünü sual altına qoya bilər.
şərhim:
avropa şurası ərazi münaqişələrini həll etmir. avropa şurası'nın məqsədləri - hüququn üstünlüyü, təməl insan haqq və azadlıqları, demokratiya, mədəni əməkdaşlıq. iqtidar bunu yaxşı bilir.
dağlıq qarabağ'a görə üzvlükdən çıxası qurum varsa, o avropa şurası deyil, atət'in minsk qrupu'dur. minsk qrupu 20 ildən artıq sürən işinin tək bir nəticəsi var -yan təsiri - qarabağ'ı qaytarmaq uğrunda müharibədən azərbaycan'ı çəkindirmək. elə prinsipialsınızsa, minsk qrupu'ndan çıxın, avropa şurası'ndan niyə çıxırsınız?
niyəsi aydındır. minsk qrupu dağlıq qarabağ üçün əməli bir iş görməsə də, iqtidarı insan haqları və demokratiya mövzusunda tənqid etmir. iqtidar da bununla kifayətlənir. amma avropa şurası tənqid edir, qərarlar çıxarır, huqüqun üstünlüyünü təmin etməyi, azad və ədalətli seçki keçirməyi, siyasi məhbusları buraxmağı, müstəqil məhkəmə sistemini qurmağı və s. tələb edir. iqtidarı narahat edən də budur (qarabağ'ı burada yersiz bəhanəyə çevirirlər). əsas problem odur ki, iqtidar insan haqları, hüququn üstünlüyü və demokratiya sahəsində öhdəliklərini yerinə yetirmək istəmir.
əslində, avropa şurası dağlıq qarabağ üçün minsk qrupu'ndan daha çox iş görüb. aşpa'nın iki qətnaməsində ermənistan işğalçi kimi tanınıb və ermənistan'dan işğal etdiyi ərazilərdən çıxmaq tələb olunub. avropa insan haqları məhkəməsi də işğal faktını tanıyıb və "çiraqov və başqaları ermənistan'a qarşı" işdə işğaldan doğan insan haqları pozuntularına görə bütün məsuliyyətin ermənistan'ın üzərində olduğunu müəyyən edib. minsk qrupu'nun ifadələrində belə qətiyyət varmı? yox!
novruz məmmədov yalnız avropa şura'sından çıxmaq ehtimalından yazsaydı, bəlkə bu statusu yazmazdım. amma novruz məmmədov həm də xarici siyasət kursunun dəyişə biləcəyinə eyham vurur. bu, daha böyük bir iddiadır. kursu haraya dəyişəcəklər? aydındır ki, rusiya'dan başqa elə bir yer də yoxdur getməyə. proses çox təhlükəli, müstəqilliyimiz üçün ziyanlı yön almağa başlayıb. bu iqtidar, dedikləri kimi varsa, ölkəni yanlış yerlərə aparır.
p.s. "rusiya yönü" və ondan doğan təhlükələr haqqında ayrıca və geniş yazacağam.