26. Mikayıl Müşfiqin indiyədək sadəcə bir qəzəlinin əlyazması gəlib çıxmışdır. Onlarla qəzəlinin olmasına baxmayaraq, heç biri çap olunmamışdır, əlyazmaları isə həbs olunduğu zaman evindən müsadirə edilmişdir. Hətta Ədəbiyyatşünas əkrəm cəfərin söylədiyinə görə onun mikayıl müşfiq ilə rus dilində qəzəl yazmağın mümkünsüzlüyü ilə bağlı mübahisəsindən sonra səhəri gün rus dilində münsərih bəhrində qəzəl yazıb ona oxumuşdur. Yeganə əlyazması qalan qəzəlini isə Dostu Əli hüseynzadənin xahişi ilə 1932-ci ildə ona vermişdir.

Mehribanım bağı-eşqin ey müəttər susəni,
Qoyma öpsün gizlicə hər bülbülü bədxu səni.

izah:
Mehribanım, eşq bağımın ətirli süsəni,
Qoyma öpsün yad bağçanın bülbülləri gizlicə səni

bağı-eşq - eşqin bağı (məcazi mənada)
müəttər - ətirli
bədxu - yad, xarici

Mən sənin bir rəhmidil səyyadınam, gəl qoynuma,
Gəl öpüm, gəl oxşayım, ey nazənin mərru səni.

izah:
səyyad - ovçu
nazənin - naz edən, işvəkar, cilvəli

Sızlayan mən, ah edən mən, amma bilməzəm neçün
Həp sığar ağuşuna gah o səni, gah bu səni.

izah:
Sənin üçün ağlayan da mənəm, sızlayan da mənəm
ancaq səni qucağına başqaları alır

ağuş - qucaq

Eşqi-səhrasında sərgərdan gəzən bir təşnəyəm,
Sevgilim, içsəm nə olur şəhdi-zülali busəni.

izah:
eşqin səhrasında yalqız gəzirəm, susuzam
Sevgilim, bal kimi öpüşündən mənə ver

təşnə - susuz
busə-öpüş
şəhdi-zülal - cana faydalı bal

Müşfiqa iqlimi-sevdadan ziyanım yox fəqət
Tiri-müjganınla yıxdı bir kaman əbru səni.

izah:
Ey müşfiq, eşq havasından ziyanın yoxdur, ancaq
kiprik oxları ilə bir qaşı kaman səni yaraladı (yıxdı)

iqlimi-sevda - eşq dumanı, eşq havası
tiri-müjgan - kiprik oxu
kaman əbru - kaman qaşlı

mənbə:
https://www.disput.az/topic/525773-xoşladığınız-şeirlər-2/page/14/
http://www.anl.az/down/meqale/edebiyyat/2018/noyabr/617643.htm