bugün məsləhət təsadüfi
sözaltı sözlük
postlar Yoxlama mesaj

9 yazar | 0 başlıq | 18 entry
yenilə | gündəm

son entrylər 18 yeni entry
#sözaltı wiki (3219)


əsgərlik xoşbəxt və bədbəxt həyat yaşayışı olmayan insanların məşğul olduğu mövzular azərbaycanda dəb halına gələn peşələr dejavu yazarların çəkdikləri pişik şəkilləri yazarların özlərinə belə ləzzət eləyən entryləri ev pythagoras cup sözlük yazarlarının telefon melodiyaları gecəyə bir mahnı paylaş evlilik zamanla geridə qaldığı üçün sevinilən şeylər daşşaq həyatın nə qədər cındır olduğunun anlaşıldığı anlar pişik findagrave.com polymarket.com sırf maaşa işləmək əsəb pozan şeylər llm donald trump 13 iyun 2025 israilin iranı vurması yazarların paylaşmaq istədikləri şeirlər ölüm qorxusu belə belə işlər shor algoritmi cursor azov modern monetary theory carpal tunnel sindromu








...

yazarların paylaşmaq istədikləri şeirlər

əjdahalar   googlla
dünənin ən bəyənilənləri - yazarların sevdiyi şeirlər
    212. Saçlarım güləşir küləklə
    Mən yersiz, yurdsuz avarə
    Nə işim var burda, heç özüm də bilmirəm.
    Hardan gəldim bilmədim,
    Görəsən, hara gedirəm?

    Yaşım da güləşir zamanla
    Mən də qocalıram, elə yazıq anam da.
    Qalır insan iki əqrəbin ortasında
    Neçə keçdi illər, bilmədim
    Görəsən, necə keçir, bilmirəm.

    Yaxadan da sallanır xatirələr
    Unudub keçirəm növbəti şəhərə
    Görəsən, harda iti azıb gözəl günlərin?
    Heç gəlib eləmir biz tərəflərə.

    Zaman elə bərbad bir təxəyyül ki,
    Nə tutmaq olur, nə də yarışmaq.
    Bircə çönüb baxanda görürsən ki,
    Keçib gedənin adını qoymuşuq yaşamaq.

    Yaşamaq da ki, nə yaşamaq e?
    Nə yaşıllıq qalıb, nə də hasarsız dəniz.
    Xəzər də yazıqdı, vallah
    Biri “göl” deyir, biri “dəniz”.
    Bizim kimidi o da, nə gedib çıxa bilir okeana
    Nə də bölünə bilir ətrafındakılar arasında.

    Bakı da yazıqdı vallah,
    Bakı da kimsəsizdi
    Qovub ərəbi Babək,
    indi ərəbimizdi, əzizdi.

    Götürüb telefonu, zəng edəsən göydəkilərə
    Deyəsən – “Alo? Var orda bəyəm kimsə?”
    Deyəsən, “salam, mənim var bir neçə duam
    Bir neçə arzu, ümid, bir neçə istək, bir neçə sözüm”.
    Qayıdıb deyə ki, “deyəsən, səhv düşmüsüz”.

    Hə, biz səhv düşmüşük.
    Alo? Orda kimsə varmı?
    Göydə bulud var,
    Buludun göyüzündə Tanrı varmı?
    Biz onun ruhundan yaranmışıqsa,
    Görəsən, o da bizim kimi üzülüb, ağlarmı?

    Məsələn, ağlarmı bir payız günü atası üçün?
    Hə, onun yoxdur atası.
    Bəs bizə bu ədalətsizlikləri qoyubdur nə üçün?

    Nə üçün məsələn, zəlzələ alır 6 aylıq günahsız canı?
    Ya da niyə öldürmür ki uşaq zorlayıb öldürən day-dayları?
    Niyə fırladır bizi qaranlıq aləm adlı səfehlikdə?
    Əminəm, baxıb gülür bizə.
    Biz bəşər təlxəyik də.
    Məsələn, bütün sevdikləri əzab çəkib ömür billah
    Ya çarmığa çəkilib, ya da qalıb gözdən ıraq
    Ya soyulub dərisi, ya da susuz qalıb körpəsi
    Qurban olaram, oyunun şərti budursa, məni sevmə, Allah!

    Allah ağac, mən üzüm
    Şeirlərim çaxır-mey.
    Səndən gələnə şükür,
    Sən həm solum, həm sağım
    Alo, göydəkilər, gələndə nə alım?

    Nə?
    Bağışlayın, deyəsən, səhv düşmüşəm.
    (youtube: )

əjdaha

okush
#298894


01.07.2020 - 14:49
+80 oxunma

şərhlər:

hələ şərh yoxdur.


hamısını göstər

üzv ol

...