4. müsbət və mənfi tərəfləri var. uzun və stressli gündən sonra bir qədər tək qalmaq yaxşıdır. insanlardan uzaqlaşıb sevdiyin işlə məşğul olmaq, mənəvi olaraq dincəlmək gözəldir. lakin mənfi tərəfindən baxsaq, uzun müddət tək qalmaq içinə qapanıqlığa, asosiallığa gətirib çıxara bilər. bir vaxtlar məndə bu həddindən artıq baş verirdi. insanlarla olan ünsiyyəti kəsərək tək halda, öz içimdə yaratdığım dünyamda yaşayırdım. ilk başda bu haldan məmnun idim. təkliyin mükəmməl bir şey olduğunu düşünürdüm. ən gözəl tərəfi sənətkar ruhumu oyadırdı. özüm özümü sorğuya çəkir və ruhən olaraq inkişaf edirdim. ancaq pis tərəfləri sonradan ortaya çıxmağa başlayanda vəziyyət daha da pisləşirdi. digərləriylə cümlə qurub danışmaqda çətinlik çəkir, cəmiyyət içərisində mənasız düşüncələrə qapılırdım. nə yaxşı ki son anda ayılaraq çıxış yolu axtarmağa başladım. anladım ki insan sosial varlıqdır. digərləriylə əlaqə qurmaq, və düşüncələrini bölüşmək lazımdır. doğrudur bəzən tək qalmaq gözəldir. ancaq həddi aşmamaq şərtiylə. doğru şəkildə istifadə edildiyi halda problem yoxdur)