378. təzəlikcə bunu bir dəfə yazmışdım, amma sonra siləsi oldum, səbəb isə fikrimi izah etmək istəyərkən, yazıda buraxdığım boşluqlar idi , hərfləri yemişdim. Nəysə , deməli məndə lap uşaqlıqdan, az qala özümü şizofren kimi hiss etdirəcək bir vərdiş formalaşıb. Gördüyüm hər maşının nömrələrini cəmləyib, 3-ə bölürdüm. Böldükdən sonra qismət tam rəqəm olmayanda isə gic olurdum. Məsələn, 10 LM 459. 4 5 9=18/3=6 . Fso, beynim rahatladı. Amma vay o gündən ki, qismət 3.2 , 5.1 belə kəsr olardı da , bütün nastrenyam pozulurdu.

Hələ biri də var, məsələn metroda bir reklam görürdüm, üstünə də məsələn belə bir şey yazılıb: " Möhtəşəm endirimlərə tələsin!" Mən bu cümlədəki hərfləri görən kimi öz beynimdə samit-sait-samit analogiyası qururdum, sözlərdəki hərfləri 3 hərf kimi beynimdə qurub ardıcıllıq yaradırdım. Bax belə - Möh təş mən der mil rit ləs nəəəi . Yəni gördüyünüz kimi, sözləri dediyim analogiya ilə düzürdüm, analogiyanı quracaq qədər samit olmadıqda və sait artıq qaldıqda isə son sözü "nəəəi" kimi düz-qoş edib "missiya"nı tamamlayırdım. Bilmirəm, şizofrenlikdi ya nədi, valla ağlım üstümdə, işimdə gücümdə bir insanam. Məncə belə şey hər kəsin şüuraltında var,sadəcə ifadə eləmək problemi var, ya da mənfi qarşılanmaq. Mən belə hətta bunu izah edərkən xeyli çətinlik çəkdim