2. Çin şirkətidir. deyilənə görə məhsulları çox keyfiyyətlidir. Azərbaycanda 2000 neçəncisə ildən fəaliyyət göstərirlər, amma piramida sistemidi (baxma: çiftlik bankası)

Sıxıntıların ağuşunda, problemlərlə baş-başa qalıb ora bura cv atmaqdan, iş dəyişməkdən yorulmuş, çarəsiz azərbaycanlı gənc kimi hellojob.azdan girib jobsearch.azdan çıxırdım. tap.aza pasatka eliyəndə gözümə bir elan sataşdı. Ofis meneceri və 750 manat əmək haqqı (tək m).
Tələblərə də baxdım, elə də çox şey istəmirlər. Sadəcə ünsiyyətcil olmaq və komandada işləmə bacarığı.

Soxdum e komandaya. 750 manat maaş deyir. Tez yığdım buları. Dedi 28 may metrosu yaxınlığı, grandmarketin 3-cü mərtəbəsi. Nəysə getdim, içəri girəndə ortam xoşuma gəlmişdi. Üzü makiyajlı fiquralı qızlar, qalstuklu gədələr. Nəsə ciddi və mehriban abu-hava var idi. Məni yönləndirdilər x otağa. orda müsahibə oldu. Standart şeylər – özünüzü təqdim edin, iş təcrübəniz olubmu zad. Gözlədiyiniz əmək haqqı soruşdu mən də günümüz yaşam şərtlərinə görə kiçik, lakin mənim üçün normal, hətta normaldan biraz üst səviyyə sayılacaq rəqəm dedim. Heç nə demədi, üzündə heç bir mimika dəyişikliyi olmadı. Eləcə buraxılış kağızını verdi ki, get sabah filan vaxtı bu vərəqlə burda olarsınız. Ulan be, bu sefer oldu be, gırdık garibanlığın ağzını burnunu! Sevinə sevinə gəldim evə. Səhər deyilən vaxtda orda oldum. Bu səfər məni başqaları – iki cavan qız qarşıladı. Biri deyəsən praktikant idi mənimlə yaş ya da məndən balaca. Təkrar eyni sualları verdi. Sonra ailə tərkibini soruşdu, kim işləyir, maddi vəziyyət necədir zad. Sonra dedi bizim işimiz filan filan şeylərdi. Əməkdaşlarımız standart 300-500 manat əmək haqqı ilə yetinmir, böyük məbləğlər vəd edirik zad. işlə bağlı heç nə başa düşmədiyimi dedikdə, qız, təlimdə hər şeyi ətraflı izah edəcəklər dedi.

Nəysə, nastreniya bombadı da, sevinə sevinə gedirəm. içəri girdim, ortam ana baba günü. Mənim kimi gənclərdən tutmuş pensiya yaşına gəlib çatmış hər yaş kateqoriyasından hardasa 50-60 nəfər var idi. Təlimçi gəldi, 10-15 dəqiqədir danışır. Hələ temanı tutmamışam. Və nəhayət bildik ki, tiens şirkətinə konuk olmuşuq. Təlimçi yarım saat danışdıqdan sonra bir gözəl qardaş hamının vermək istədiyi, amma verə bilmədiyi sualı təlimçiyə ünvanladı: biz konkret olaraq nə iş görəcəyik? Təlimçi dedi ki, səbrli olsan öyrənəcəksən. Qardaş, 1 saat təlim oldu bitdi hələ heç kim bilmir ki, bura nə üçün gəlib və nə iş görəcək. Sonda da dedi ki, təlimdən sonra mütləq "himayədarlarınızla" görüşün, müzakirə edin. Ki nə işlər görəcəksiniz.

Getdim girdim içəri. Himayədar başladı təlimlə bağlı təəssüratlarımı soruşmağa və suallar verməyə. Bu arada demişdiləri ki, dəftər qələm gətirin, təlimdə qeydlər apararsız. Mən sonradan aldım onları, amma heç nə qeyd etməmişdim. Gördüm bu çox sual verir, axırda dedim bir sual da mən verim. Sadə sualdı. Mən nə iş görəcəm? Dedi ki, təlimə diqqətlə qulaq asmamısan (uje "siz" "sən" oldu) ona görə bilmirsən. Dedim təlimçi ancaq şirkət haqqında danışdı və təriflədi. Biraz da muzdlu iş, biznes filan. Əvvəl dedi ki, növbəti təlimlərdə (3 gün olacaqmış) hər şey aydın olacaq. Lakin sənin ilk təlimin zəif olub. Yenidən gəlməli olacaqsan. içinə pox, sumqayıtdan 28-ə durub tullana-tullana eyni təlimə ikinci dəfə getmişəm.

Birisi gün getdim. Bu dəfə yanımda bir gözəl qardaş var idi. Dedi ilk dəfədi bura gəlirsən qaqa? Dedim yox, ikinci dəfədi. Deyir google-a tiens yazıram, ancaq fırıldaq çıxır. Nəysə, mən də quqlladım. Həqiqətən elə imiş. Piramida, ponzi sistemi. Niyə mən daha öncə quqlda axtarış etməmişəm ki? Durub getmək istədim ki, dedim yox e, "himayədar"dan soruşum görüm həqiqətən əvvəlcədən 15 manat ödəmək söhbəti var (əvvəllər 10 olub)?

Təlim bitdi, bu səfər "himayədar"ım kişi xeylağı idi. Söhbət edə-edə əvvəllər hərbiçi – polkovnik-leytenant olduğunu dedi. Bunların şirkəti ilə bağlı internetdə yazılanları sual etdim. Qayıtdı ki, gör prezidenti hamı bəyənir? Dedim prezidentlə şirkət niyə müqayisə olunur? Sözündən belə anladım ki, qısaca burda tutuzdura bilməyənlər gedib orda-burda pisləyir. Deyir mənim oğlum, həyat yoldaşım burda işləyir. Fırıldaq olsa heç qoyaram? zad zud. Sonra söhbət siyasətə gedib çıxırdı. Və dirəşməyin heç bir mənası olmadığını anladım. Ödəniş barədə soruşduqda, 19 manat ödəniş olunur, hansı ki, 8 rəqəmli ıd kod verilir, dünyanın 124 (səhv etmirəmsə) ölkəsində tanınan beynəlxalq müqavilə imzalanır. Hə, yaxşı, ok deyib ordan ayrıldım və biraz daha oxudum facebook və google-da. Ödənişdən əlavə kataloq dedikləri kitabları da müəyyən qiymətə satırlar ki, təlimdə də təlimçi həmin kitabları şiddətli şəkildə tövsiyyə edirdi (yəqin yaxşı itələməkçün). Arada gedən 10 manatım (yolpulu) və vaxtım oldu. Bunların teması budur ki, mal alırsan müəyyən məbləğə. Fərasətin varsa, üstünə pul qoy sat daha çox qazan. Adam gətir, həmin adamdan da qazan. Əvvəllər bakının müxtəlif yerlərində olublar indi hal-hazırda 28 mayda, jalə plaza (grandmarket), 3-cü mərtəbədədirlər.

Əslində network marketing dünyada tanınan, perspektivli və sürətli sistemdir. Sadəcə təməl düzgün qoyulmalıdır.

Baxın da indi gözəl insanlar, əminəm ki, mənim kimi məlumatsız xeyli insan var, ora gedir və getməyə də davam edir. Çünki adamlar 2000-lərin əvvəlindən fəaliyyətdədi, amma hələ də çox adam bunları tanımır, kütləvi şəkildə axın edir. Görün əgər tutuzdura biləcəksizsə, tiensin teması budu. Tap.azda bunların 3-4 dənə (mənim rastıma çıxan) elanı var. Heç birində də tiens olduqlarını qeyd etməyiblər. Birində dil biliyi tələb olunur, birində yox, birində kompüter bilikləri və s. Maaşı da 750-950 arası qeyd ediblər. Rastınıza çıxsa, diqqətli olun.