bir araşdırmaya görə insan beyninin yaşadığı ən möhkəm duyğulardan biri nostalgiya, keçmişdə yaşanan xatirələrə həsrət duyğusudur. bu gün səhərə yaxın yuxumda görüb oyanan kimi əlimin getdiyi ilk adres oldu sözlük
hardasa 5 il qabaq idi, sözlükdən uşaqlarla görüşmüşdük, fevral ayının 4-ü. deyəsən gördüyüm yuxu həmin görüşdən yadımda qalan hadisələr idi. ya da qarmaqarışıq. xatırladığım, yaddaşımda curiosus, fripp, feronia, ubermensch, aç o lanet olası şakalad karopkasını, bakir və s. yazarlar qalıb həmin günlərdən
ilk dəfə görüşüb içdiyim, o vaxtlar introvert olduğum üçün görüşməyə əsə əsə getdiyim, sözlüyə qədər heç vaxt bir "ortamın" parçası olmadığım üçün ilk dəfə görüşlərdə bir yerə aid hiss etdiyim yer idi sözlük. xüsusilə ailədə tək olan, tək böyüyən uşaqlar başa düşər, məktəbdə də darıxırsan çünki ora aid hiss etmirsən, evə gedəndə də darıxırsan çünki evdə də səni gözləyən yaşıdın, danışa biləcəyin heç kəs yoxdur. laptopu açanda sözlüyün orda olduğunu bilmək çox rahatladırdı illər illər əvvəl .ortaq maraqları, ortaq xarakterləri paylaşdığımız insanlar tanımışdım bu saytdan.
heç bir sayt bir də oxşar hiss etdirməyib təəssüf ki. nə instaqramdakı o "mən də bahalı restoranlara gedirəm, mənim də sosial həyatım, görüşdüyüm qızlar var, kitab oxuyuram və s." göstərişi var idi sözlükdə, nə də tvitterda təqib etdiyin, hətta harvardda fizika professoru olub yenə də kiminsə xətrinə dəyməsin, politically correct olsun deyə (nə şiş yansın,nə kabab) kütlə nə deyirsə onu yazan, öz fikrini yazmağa çəkinən insanlar.
o vaxt heç bir sosial şəbəkədən istifadə etmirdim, burda yarışdırdığımız tək şey zehni fəaliyyətin nəticəsi olan entrylərimiz idi uzağı. hər gün təzə nəsə öyrənirdin çünki bu saytdakı tək vacib şey nə qədər bildiyin idi, bilgi idi, necə göründüyün və s. yox. buna görə də heç vaxt görünüşümlə bağlı, sosial statusumla bağlı düşünmürdüm belə
sosial şəbəkələrdə aktiv olandan sonra fərqinə varırsan ki, artıq içində olduğun yarışda bilgi yox nə qədər yaxşı göründüyün, haralara getdiyin, kimlərlə olduğun vacibdir. ya da hamının bəyənəcəyi şeyləri deməyin. sən də hamı kimi olmağa başlayırsan artıq.
eyni zamanda doğum günü imiş sözlüyün. hardasa 6 il əvvəl burdan bir dost ilə əcəmidə, yeganə ilə üzbəüz parkda içkilərimizlə qeyd etmişdik doğum gününü, uzun zamandır içkini də tərgitmişəm, yoxsa içərdim bu gün. nə isə, köhnə dostlara salam, gözəl günlər üçün təşəkkürlər, muğayat-*
(youtube: 
)
)