256. Azərbaycan – neftin üstündə yoxsulluqla nəfəs alan ölkə.
sən demə tək sərvət torpağın altında imiş… üstü isə səbr, dözüm və “bəlkə sabah düzələr” ümidilə örtülüdür.

neft ölkəsi deyirik, amma gənc həkim maaşı ilə dolanmağa çalışır.
şəhər Avropa görkəmində, kənd isə hələ də 90-lardan qalan yollarla mübarizə aparır.
televiziyada “inkişaf var” deyirlər, amma gənclər inkişafı xaricdə axtarır.
xalqı qonaqpərvər, ürəyi təmiz – amma illərlə ədalət, şəffaflıq, azadlıq deyib susdurulan.
seçki gəlir, namizədlər dəyişir, amma nəticələr dəyişmir.
diplomun olsa da iş tapmaq üçün tanışın olmalıdır.
təhsil alan çoxdur, amma biliklə yox, testlə keçən nəsil formalaşır.

amma yenə də bu xalq:
onsuz da heç nə dəyişməyəcək” deyib gülümsəyir,
“inşallah” deyib hər gün sabaha ümid bəsləyir,
və hər şəraitdə bir tikə çörəyini qonaqla bölməyə hazırdır.

bu ölkə həm seviləsi, həm də adamı içdən içə yandıran yerdi.
burda vətəni sevmək, bəzən dözmək deməkdir.