1. e.ə. xiii əsrdə tarix səhnəsinə çıxan sirli xalqa verilən ad. bu xalq e.ə xiii əsrdə anidən ortaya çıxaraq o vaxtlar yüksək inkişafa malik dövlətləri yer üzündən silir. kim olduqları,hardan gəldikləri və hara getdikləri naməlumdur. bir ehtimala görə bu xalq krit-mikena yunan mədəniyyətinin davamçıları idi,krit-mikena mədəniyyəti dori yunan tayfalarının axınları ilə süqut etdikdən sonra bu tayfalar adalarda məskunlaşaraq "dəniz xalqı" adı ilə 9 tayfadan ibarət tayfa birliyi yaratmışlar. işğal etdikləri hər yeri yer üzündən sildikləri üçün bu tayfalar haqqında məlumatlar əsasən *misir*,qismən *het* dövlətlərinin mənbələrindən alınır.

bu tayfa o dövrün ən böyük dövlətlərindən olan het və *uqarit* dövlətlərinin varlığına son qoyduqdan sonra misirə doğru hərəkətə başlayır. misirə ilk yürüşlərinin qarşısı qismən alına bilsə də misir iqtisadiyyatı heç vaxt olmadığı qədər pis vəziyyətə qalır. onlar misirin qərb ərazilərini tuta bilirlər. onların misirə ikinci yürüşündə onlar *üçüncü ramzes*lə qarşılaşmalı olur. ramzes onların bütün ordu və donanmasını məhv edir. məğlub olan dəniz xalqından olan əsrlər qula çevrilir. bu tayfalar barəsində ən son məlumat ramzesin onları məğlub etdiyi olur. ondan sonra onlar tarixdən qeybə çəkilirlər,bir daha adları heç bir yerdə keçmir. bilinən yeganə şey sonralar ramzes tərəfindən qul edilmiş əsirlərin azad davamçıları özlərini fələstinli adlandıraraq aralıq dənizi ətrafında,fələstin ərazisində məskunlaşır. xalqın hardan gəldiyi,hara getdiyi isə naməlumdur. arxalarında buraxdıqları yeganə şey isə onlarca məhv edilmiş mədəniyyət olur.