Modern.az xəbər verir ki, bu sözləri Azərbaycanın sabiq xarici işlər naziri (1998–1999) Tofiq Zülfüqarov bildirib. Eks-nazir 1994-cü ilin mayında Bişkekdə Ermənistan-Azərbaycan arasında atəşkəsin əldə olunduğu barədə yanaşmaları tənqid edib. T.Zülüfüqarov deyib ki, tərəflər arasında sənəd imzalanmadan dəfələrlə razılaşmalar əldə olunub. 1994-cü ilin mayında da vəziyyət belə olub və hər hansı sənəd imzalanmayıb.
O bildirib ki, “Bişkek protokolu” adlandırılan sənədin altında imzanın olmaması tərəflərin bir-birinin legitimliyini qarşılıqlı şəkildə tanımadığını göstərirdi. T.Zülfüqarovun sözlərinə görə, qarşı tərəfin əsas məqsədi “Dağlıq Qarabağ Respublikası” kimi təqdim edilən qurumun, eləcə də digər “qondarma” strukturların legitimləşdirilməsi olub. Onun fikrincə, həmin sənəd saziş deyil, deklarasiya, yəni seçilmiş və digər nümayəndələrə ünvanlanmış siyasi çağırış xarakteri daşıyıb.
Bu, saziş deyil, razılaşma idi. Üstəlik, bu razılaşma birbaşa deyil, vasitəçinin iştirakı ilə əldə edilmişdi. Buna görə də razılaşmaya qoşulan tərəflərin heç biri qarşılıqlı şəkildə legitim tərəf kimi tanınmayıb.
Söhbət yalnız tanınmış dövlətlərlə bərabər tərəf kimi deyil, hətta münaqişə tərəfi kimi də tanınmadan gedirdi. Yoxsa bizdə bəziləri, Saakovun dediyi kimi, “apolitik düşünürlər””, – deyə T.Zülfüqarov açıqlamada bildirib. Eks-nazir bir daha vurğulayıb ki, 1994-cü ildə hər hansı sənəd imzalanması yolu ilə atəşkəs sazişi əldə edilməyib.
Tərəflər atəşkəs rejiminə qoşulmaq niyyətlərini faks mübadiləsi vasitəsilə bildiriblər. T.Zülfüqarov sonda vurğulayıb ki, ötən illər ərzində qarşı tərəfin narrativinin məqsədi marionet rejimi legitimləşdirmək olub.
Extract — continue reading at the source.
