Azərbaycan Mərkəzi Bankının təqdim etdiyi göstəricilərə əsasən, 2026-cı ilin may, iyun və iyul aylarında avtonəqliyyat vasitələri ilə bağlı sığorta növləri üzrə ümumilikdə təxminən 49.014 milyon manat sığorta ödənişi həyata keçirilib. Hesablamalara görə, könüllü avtomobil sığortası, yəni KASKO üzrə üç ay ərzində ödənişlərin ümumi məbləği 10.209 milyon manat təşkil edib. Bunun 3.117 milyon manatı mayda, 3.632 milyon manatı iyunda, 3.460 milyon manatı isə iyulda ödənilib.
Avtonəqliyyat vasitəsi sahiblərinin mülki məsuliyyətinin icbari sığortası üzrə isə həmin dövrdə ödənişlərin həcmi daha yüksək olub, təxminən 38.805 milyon manat. Aylıq göstəricilər müvafiq olaraq 11.501 milyon (may), 12.644 milyon (iyun) və 14.660 milyon (iyul) manat təşkil edib. Ödənişlərin böyük hissəsi isə “PAŞA Sığorta”nın üzərinə düşüb.
Təkcə iyul ayı ərzində şirkət avtonəqliyyat hadisələri üzrə 9.035.446 manat ödəniş edib.
Extract — continue reading at the source.
