Hörmüz boğazı vasitəsilə gündəlik təxminən 8-9 milyon barel neft nəql edilir. "Report" xəbər verir ki, bu barədə ABŞ-nin energetika naziri Kris Rayt "Fox News" telekanalının efirində bildirib. Onun sözlərinə görə, boğazdan gəmilərin hərəkətinin əhəmiyyətli dərəcədə azalması barədə məlumat həqiqətəuyğun deyil.
Daha əvvəl "The Wall Street Journal" peyk məlumatlarına istinadən xəbər vermişdi ki, iyul ayında oradan sutkada orta hesabla 26 gəmi keçib - bu, münaqişədən əvvəlkindən təxminən beş dəfə azdır. Bununla belə, qəzetin məlumatına görə, avqustun 11-də boğazı cəmi 14 gəmi keçib. Rayt bildirib ki, peyk şirkətləri münaqişə zonasındakı vəziyyəti tam şəkildə qiymətləndirə bilmir.
"Hazırda bura münaqişə zonasıdır və nələrin baş verdiyini məhz bizim gördüyümüz kimi görmək çətindir", - nazir qeyd edib. ABŞ Energetika Nazirliyinin rəhbərinin sözlərinə görə, gəmilərin hərəkətinin azalması barədə xəbərlərə baxmayaraq, Hörmüz boğazından əhəmiyyətli həcmdə neft keçməkdə davam edir - sutkada 9 milyon barelə qədər.
Extract — continue reading at the source.
