ABŞ Silahlı Qüvvələrinin Mərkəzi Komandanlığının (CENTCOM) rəhbəri admiral Bredli Kuper "USS Abraham Lincoln" təyyarə daşıyan gəmini ziyarət etdikdən ekipajın yorulduğunu etiraf edib. Uzun müddət xidmətdə olan aviadaşıyıcı may ayında ABŞ-yə qayıtmalı idi. Bu barədə "Report "The Wall Street Journal"a istinadən xəbər verir.
Admiralın sözlərinə görə, aviadaşıyıcıda əvvəllər mediada işıqlandırılan problemlər artıq həll olunub. Xüsusilə qida, isti su və digər məişət şəraiti ilə bağlı məsələlər rəhbərlik tərəfindən nəzərdən keçirilib və aradan qaldırılıb. Xatırladaq ki, avqustun 14-də ABŞ Prezidenti Donald Tramp "USS Abraham Lincoln"un Yaxın Şərqdən planlaşdırılan güc rotasiyası çərçivəsində qayıtmasını təsdiqləyib.
Bununla belə, təyyarə daşıyıcısının missiyasının həddindən artıq uzun olması iddialarını rədd edib. Bundan əvvəl "Military Times" "USS Abraham Lincoln" gəmisindəki bir neçə hərbçinin intihara cəhd etdiyini bildirib. Nəşr dənizçilərin emosional qeyri-sabitliyinin səbəbləri kimi həddindən artıq yüklənməni, əldən düşmələrini və depressiyanı açıqlayıb.
Qəzetin məlumatına görə, təxminən 5 min nəfərlik heyəti olan təyyarə gəmisi 2025-ci ilin noyabrın ikinci yarısında yerləşdirilməyə başlayıb. Onun vəzifəsi ABŞ-nin Yaxın Şərqdəki hərbi əməliyyatlarını təmin etmək idi. Ekipaj 260 gündən çoxdur dənizdədir, onlardan təxminən 150-si döyüş bölgəsində qalıb.
Extract — continue reading at the source.
