Amerikanın "Apple" şirkəti Avropa Komissiyasının (AK) bəzi qaydalarının Rəqəmsal Bazarlar Qanununa uyğun gəlməməsi ilə bağlı şərhlərindən sonra Avropa İttifaqındakı tətbiq tərtibatçıları üçün şərtlərini dəyişdirməyə razılıq verib. "Report"un Avropa bürosunun AK-yə istinadən məlumatına görə, "Apple" tətbiqlərini "App Store", digər mağazalar və ya birbaşa onlayn yaymaq istəyən tərtibatçılar üçün vahid şərtlər və qaydalar tətbiq edəcək. Bundan əlavə, şirkətlər daha çox azadlıq və "App Store" istifadəçilərini alternativ mağazalara və ödəniş sistemlərinə yönləndirmək imkanı qazanacaqlar.
"Apple"ın daxili ödəniş sistemi də əlçatan olaraq qalacaq. "Apple" həmçinin "App Store"un komissiyalarını əhəmiyyətli dərəcədə azaldacaq və əvvəllər bəzi tərtibatçılardan yığılan "Core Technology Fee" tutulan haqlarını ləğv edəcək. Öz tətbiq mağazalarını yaratmaq və ya tətbiqləri birbaşa onlayn yaymaq hüququna malik şirkətlərin əhatə dairəsi də genişləndiriləcək.
"Apple" yeni şərtləri 2026-cı ilin oktyabrına qədər Aİ-də tətbiq etməlidir.
Extract — continue reading at the source.
