Assosiasiya sədri: "Yeni dövlət proqramı taxılçılıqda daha səmərəli inkişaf modeli formalaşdıracaq" ASK 28 may, 2026 10:37 Azərbaycanda kənd təsərrüfatının inkişafı istiqamətində həyata keçirilən yeni dövlət siyasəti aqrar sektorda mühüm dönüş mərhələsi kimi qiymətləndirilir.Xüsusilə "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı"nın təsdiqlənməsi taxılçılıq sahəsində yeni inkişaf modelinin formalaşdırılmasına zəmin yaradır.Azərbaycan Taxıl İstehsalçıları və Emalçıları Assosiasiyasının sədri Niyazi Əmirbəyov "Report"a bildirib ki, Prezident İlham Əliyev tərəfindən kənd təsərrüfatı məsələlərinə həsr olunmuş müşavirədə səsləndirilən fikirlər və sonradan təsdiqlənən Dövlət Proqramı ölkənin aqrar siyasətində yeni prioritetləri müəyyənləşdirib.Onun sözlərinə görə, proqramın əsas məqsədi kənd təsərrüfatının müasir çağırışlara uyğun inkişafını təmin etmək, rəqabətqabiliyyətliliyi artırmaq və yüksək əlavə dəyər yaradan intensiv təsərrüfatçılıq modelinə keçidi sürətləndirməkdir:"Eyni zamanda, yerli istehsal potensialının genişləndirilməsi vasitəsilə ölkənin ərzaq təhlükəsizliyinin daha da möhkəmləndirilməsi əsas hədəflərdən biri kimi müəyyən olunub. Proqram çərçivəsində bölgələrdə taxılçılıq ənənələrinin yenidən bərpası və sahənin inkişafı üçün bir sıra konkret tədbirlərin həyata keçirilməsi nəzərdə tutulur. Prioritet istiqamətlərdən biri müasir suvarma sistemlərinin tətbiqinin genişləndirilməsi, su resurslarından daha səmərəli istifadə edən innovativ texnologiyaların təşviqi və əkin sahələrinin məhsuldarlığının artırılmasıdır".N.Əmirbəyov vurğulayıb ki, bu addımlar istehsalın dayanıqlığını təmin etməklə yanaşı, məhsul keyfiyyətinin yüksəldilməsi baxımından da mühüm əhəmiyyət daşıyır:"Fermerlərin yeni texnologiyalara çıxış imkanlarının genişləndirilməsi məqsədilə subsidiya, güzəştli kredit və digər maliyyə dəstəyi mexanizmlərinin tətbiqi də nəzərdə tutulur.
Bununla yanaşı, yüksək məhsuldarlığa malik toxum sortlarının istifadəsinin artırılması, aqrotexniki xidmətlərin gücləndirilməsi və müasir kənd təsərrüfatı texnikalarının tətbiqi də əsas istiqamətlər sırasında yer alır. Taxıl silolarının və logistika infrastrukturunun inkişaf etdirilməsi də Dövlət Proqramının mühüm komponentlərindən biridir. Bu tədbirlər məhsul itkilərinin minimuma endirilməsinə, saxlama imkanlarının genişləndirilməsinə və fermerlərin bazarlara daha rahat çıxış əldə etməsinə şərait yaradacaq".O əlavə edib ki, dəqiq əkinçilik texnologiyalarının təşviqi, torpaq becərilməsi, effektiv gübrələmə və su idarəçiliyi ilə bağlı maarifləndirmə tədbirlərinin də genişləndirilməsi planlaşdırılır:"Həyata keçirilən kompleks islahatlar yalnız istehsalın artırılmasına deyil, həm də fermerlərin bilik və bacarıqlarının inkişafına xidmət edəcək.
Bu proses regional taxılçılıqda yeni və daha səmərəli inkişaf modelinin formalaşmasına imkan yaradacaq".2025-ci ildə Azərbaycanda 484 min hektar əkin sahəsindən 1 milyon 609,8 min ton buğda toplanıb. Ötən il ümumilikdə 480,8 min hektar sahədən buğda yığılıb. Məhsuldarlıq hər hektar üçün 33,5 sentner təşkil edib.Xatırladaq ki, dövlət proqramına əsasən, buğda məhsuldarlığının ixtisaslaşmış rayonlarda 50 sentner/ha-ya çatdırılması, buğda istehsalı həcminin ölkə üzrə 20 % artırılması planlaşdırılır.Qeyd edək ki, bu gün Azərbaycanın buğda üzrə özünü təmin etmə əmsalı 55 %-dir.
Ötən il Azərbaycanın xaricdən aldığı 1 milyon 267 min 322 ton buğdanın 662 min 270 tonu (bu məhsulun ümumi idxal həcminin 52,26 %-i) Qazaxıstanın, 604 min 944 tonu (47,74 %) Rusiyanın payına düşüb. Kənd təsərrüfatı Qazax Rusiya Federasiyası Qazaxıstan Dövlət proqramı Azərbaycan Taxıl İstehsalçıları və Emalçıları Assosiasiyası Niyazi Əmirbəyov Ən son xəbərləri bizim Telegram kanalımızda izləyin Müəllif Tuncay Türbəndəzadə Sosial şəbəkələrdə paylaşın Скопировано (function () {var rand = Math.floor(Math.random() * 1e9);var adv_1164_iad_div = document.createElement("div");adv_1164_iad_div.setAttribute("id", "adviad-zoneid-1164" +rand);adv_1164_iad_div.style.cssText = "display: flex !important; justify-content: center !important;";document.currentScript.parentElement.appendChild(adv_1164_iad_div);var adv_1164_iad = document.createElement("script");adv_1164_iad.setAttribute("zoneid", 1164);adv_1164_iad.src = "https://newmedia.az/nativebanner/get_ads.js?v=" + new Date().toJSON().slice(0,10).replace(/-/g,'.');adv_1164_iad.async = true;document.currentScript.parentNode.appendChild(adv_1164_iad);})(); USD - 1.700 EUR - 1.959 TRY - 0.036 GEL - 0.649 RUB - 0.021 UAH - 0.038 Bakı 27° C Son xəbərlər 04:49 Suriyadakı məxfi obyektdən çıxarılan nüvə materialları BAEA-ya təhvil veriləcək Digər ölkələr 04:18 Video Kolumbiyada zəlzələ nəticəsində ölənlərin sayı 132-yə çatıb - YENİLƏNİB-8 Digər ölkələr 03:48 Venesuelada zəlzələ nəticəsində ölənlərin sayı 6300-ü keçib Digər ölkələr 03:16 Liviyada neft emalı zavoduna daha bir zərbə endirilib - YENİLƏNİB Digər ölkələr 02:51 Yaponiya milli kosmik mövqe təyinetmə sisteminin altıncı peykini orbitə uğurla çıxarıb Maraqlı 02:17 Almaniyada məhkəmə AfD tərəfdarlarının silah lisenziyalarından məhrum edilməsini təsdiqləyib Digər ölkələr 01:50 Kolumbiyada zəlzələdən sonra futbol çempionatı dayandırılıb Digər ölkələr 01:14 Tramp: ABŞ Hörmüz boğazını minalardan tamamilə təmizləyib Digər ölkələr 00:56 Todd Blanş rəsmən ABŞ-nin ədliyyə naziri vəzifəsinin icrasına başlayıb Digər ölkələr Bütün Xəbər Lenti
Extract — continue reading at the source.
