“Sabah” futbol klubu komandasının UEFA Çempionlar Liqasının qrup mərhələsinə vəsiqə qazanması münasibətilə Azərbaycan Respublikasının Prezidenti İlham Əliyevə təbrikinə görə minnətdarlığını bildirib. Bakı klubu turnirin pley-off mərhələsində İsrailin “Hapoel Beer Şeva” klubu üzərində qələbədən sonra dövlətimizin başçısına müraciət edib. “Sabah” Futbol Klubunun ilk dəfə UEFA Çempionlar Liqasına tarixi vəsiqə qazanmasına göstərdiyiniz diqqətə görə dərin minnətdarlığımızı bildirmək istərdik.
Təbrikləriniz komandamız üçün bu qələbəni daha da sevindirdi. Sizin Azərbaycan idmanına, o cümlədən futbolun inkişafına göstərdiyiniz daimi diqqət və dəstəyiniz, eləcə də idman klublarının böyüməsi üçün yaratdığınız imkanlar belə tarixi uğurların qazanılmasında böyük stimul rolunu oynayır, məsuliyyət hissimizi daha da gücləndirir. Biz Avropanın ən nüfuzlu futbol turnirində ölkəmizi layiqincə təmsil etmək və Azərbaycan futbolunun nüfuzunu daha da yüksəltmək üçün bundan sonra da fədakarlıqla mübarizə aparacağıq.
Nəhayət, biz sona qədər mübarizə aparmaq əzmini sizdən öyrənirik və qələbəyə inanırıq. Azərbaycan xalqının böyük qələbələrinin mənbəyi kimi biz sizdən güc və ilham alırıq. Bizə göstərdiyiniz yüksək ehtirama görə “Sabah” Futbol Klubu adından Sizə bir daha dərin minnətdarlığımızı bildiririk”, - deyə məlumatda bildirilir.
Bu arada “Sabah” ilk oyunda “Hapoel”ə 1:2 hesabı ilə uduzsa da, Bakıda keçirilən cavab oyununda 5:2 hesabı ilə qalib gələrək tarixində ilk dəfə UEFA Çempionlar Liqasının qrup mərhələsinə yüksəlib. Mənbə: https://www.trend.az/azerbaijan/politics/4218212.html © 2026 Trend İnformasiya Agentliyi.
Xülasə — davamını mənbədə oxuyun.
