Azərbaycan və Özbəkistanın mərkəzi bankları maliyyə texnologiyalarının inkişafı ilə bağlı müzakirələr aparıblar. Bu barədə Azərbaycan Mərkəzi Bankının (AMB) mətbuat xidmətindən məlumat verilib. Məlumata görə, Mərkəzi Bankın sədr müavini Vüsal Xəlilov Özbəkistan Respublikasına işgüzar səfəri çərçivəsində Özbəkistan Mərkəzi Bankı sədrinin birinci müavini Nodirbek Saydullayev ilə görüşüb.
Görüş zamanı tərəflər innovativ maliyyə ekosisteminin yaradılması və maliyyə texnologiyalarının inkişafı, eləcə də bu sahədə ixtisaslaşmış təşkilatların maliyyə mənbələrinə çıxış imkanlarının genişləndirilməsi üzrə cari yanaşmalar və perspektivləri müzakirə ediblər. Tərəflər, həmçinin institusional əməkdaşlıq imkanlarının dərinləşdirilməsi ilə bağlı fikir mübadiləsi aparıblar. Azərbaycan və Özbəkistan arasında maliyyə sektorunda əlaqələrin genişləndirilməsi biznes və bank institutları səviyyəsində də davam etdirilir.
“Hamkorbank”ın məhsul marketinq meneceri Əzizə Normurodova “Silk Road Finance & Technology” forumunda Trend-ə bildirib ki, iki ölkənin maliyyə sektorunun nümayəndələri beynəlxalq platformalar vasitəsilə təcrübə mübadiləsi aparır və gələcək əməkdaşlıq sahələrini müzakirə edirlər. Bu cür platformalarda görüşmək, maliyyə sektorunun inkişafı üçün çağırışlar və imkanları müzakirə etmək çox vacibdir”, - deyən Normurodovanın sözlərinə görə, Azərbaycan nümayəndələrinin Özbəkistanın maliyyə sektoruna həsr olunmuş tədbirlərdə iştirakı aktual məsələlərin müzakirəsi və peşəkar əlaqələrin qurulması üçün əlavə imkanlar yaradır.
Normurodova maliyyə sektorunun ölkələrin iqtisadi inkişafında mühüm rol oynadığını vurğulayıb. Avrasiya ölkələri arasında ikitərəfli münasibətlərin qurulması vacibdir ki, biz hara getməli olduğumuzu və bu ikitərəfli münasibətləri necə inkişaf etdirə biləcəyimizi anlaya bilək”, - deyə o, həmçinin Mərkəzi Asiya və Avrasiya ölkələrindən olan nümayəndələrin bir araya gətirdiyi beynəlxalq tədbirlərin yeni peşəkar və işgüzar əlaqələrin qurulması baxımından əhəmiyyətini qeyd edib.
Nəticədə, bu cür əlaqələr ölkələr arasında maliyyə əməkdaşlığının daha da inkişafına töhfə verir”, - Normurodova əlavə edib. Mənbə: https://www.trend.az/business/4218553.html © 2026 Trend İnformasiya Agentliyi.
Xülasə — davamını mənbədə oxuyun.
