Azərbaycan milli mətbuatının yaranmasından 151 il ötür Media 22 iyul, 2026 00:00 Bu gün Azərbaycan milli mətbuatının yaranması günüdür."Report" xatırladır ki, 151 il öncə - 1875-ci il iyulun 22-də dövrünün maarifçilik hərəkatının görkəmli nümayəndələrindən olan Həsən bəy Zərdabinin "Əkinçi" qəzetini nəşrə başlaması ilə Azərbaycan milli mətbuatının əsası qoyulub."Əkinçi" Azərbaycan dilində əsl milli demokratik və xalq mətbuatının ilk təməl daşını qoyub. Cəmi 56 nömrəsi çıxan qəzet xalqın aynası olub, Azərbaycan jurnalistikasının bayraqdarına çevrilib.Sonrakı illərdə görkəmli ziyalılar tərəfindən nəşr edilən "Ziya", "Kəşkül", "Şərqi-rus", "İrşad", "Molla Nəsrəddin" kimi qəzet və jurnallar "Əkinçi"nin ənənələrini davam etdirib. Bu mətbuat orqanlarının əsas hədəfi cəhalətə, haqsızlığa qarşı mübarizə, maarifləndirmə idi.
Zəngin və şərəfli yolla addımlayan Azərbaycan mətbuatı bir neçə mərhələdən keçib. Azərbaycan Xalq Cümhuriyyəti (AXC) dövründə azad mətbuatın, eləcə də hadisələrə yeni baxışın təməli qoyulub.Növbəti mərhələ isə AXC-nin bolşeviklər tərəfindən işğalından sonrakı dövrü əhatə edir. 151 yaşlı mətbuatın 70 ili bu kommunist dikaturası dövrü ilə bağlıdır. Həmin dövrdə Azərbaycan mətbuatı mövcud problemləri daha çox sətiraltı mənada yazırdı.
Çünki mətbuat SSRİ-nin yürütdüyü siyasətin, ideologiyanın ruporu idi. Həmin dövrdə fərqli düşünmək, yazmaq qadağan idi.1990-cı illərin II yarısından başlayaraq Azərbaycan mətbuatı yeni inkişaf mərhələsinə qədəm qoyub. Bu mərhələ həm də Azərbaycan dövlətçiliyi, demokratik dövlət quruculuğu dövrüdür.
Bu yeni inkişaf dövrünün təməlini qoyan Ulu Öndər Heydər Əliyev hər zaman mətbuatın cəmiyyətə təsir gücünü yüksək qiymətləndirib, mətbuat və söz azadlığı, kütləvi informasiya vasitələrinin maddi-texniki bazasının möhkəmləndirilməsi istiqamətində ardıcıl tədbirlər həyata keçirib. Müstəqillik dövründə Azərbaycan mətbuatı ilə bağlı ilk fərmanı da Heydər Əliyev imzalayıb.Ümumilikdə, Ulu Öndər mətbuatın problemlərinin həlli ilə bağlı 10-dan çox sərəncam və fərman imzalayıb. 1999-cu ildə "Kütləvi İnformasiya Vasitələri haqqında" beynəlxalq tələblərə cavab verən qanun qəbul edilib. Heydər Əliyevin 1998-ci il 6 avqust tarixli sərəncamı ilə Azərbaycanda senzura ləğv olunub.Ölkədə söz və mətbuat azadlığına, KİV-lərə ən yüksək səviyyədə diqqət və qayğı var.
Prezident İlham Əliyev azad medianı inkişaf etdirmək, mətbuatın maddi-texniki bazasını möhkəmləndirmək, jurnalistlərin sosial-iqtisadi vəziyyətini yaxşılaşdırmaq məqsədilə mühüm sərəncamlar imzalayıb.2020-ci ilin sentyabrın 27-də başladılan 44 günlük Vətən müharibəsində Azərbaycan döyüş meydanında olduğu kimi, informasiya savaşında da qələbə qazanıb. Mütəmadi olaraq ölkəyə qarşı qara kampaniya aparan dairələr bu müddət ərzində də öz çirkin əməllərindən əl çəkməyiblər. Amma buna baxmayaraq, informasiya müharibəsində də üstünlük öz tarixi torpaqlarını işğaldan azad edən, haqq və ədalət uğrunda mübarizə aparan Azərbaycan tərəfində olub.Bununla belə Azərbaycan mətbuatının iki nümayəndəsi erməni terrorunun qurbanı olub.
Vətən müharibəsi başa çatdıqdan sonra işğaldan azad olunmuş ərazilərdə çəkiliş aparan jurnalistlərin olduğu nəqliyyat vasitəsi 2021-ci il iyunun 4-də Kəlbəcər rayonunun Susuzluq kəndi ərazisində tank əleyhinə minaya düşüb. Nəticədə AZƏRTAC-ın müxbiri Məhərrəm İbrahimov, AzTV-nin operatoru Sirac Abışov və Kəlbəcər Rayon İcra Hakimiyyəti başçısının Susuzluq kənd inzibati dairəsi üzrə nümayəndəsinin müavini Arif Əliyev həlak olub, dörd nəfər isə yaralanıb."Report" İnformasiya Agentliyi olaraq bütün həmkarlarımızı bayram münasibətilə təbrik edirik!!! Milli Mətbuat Günü Kəlbəcər Həsən bəy Zərdabi Ən son xəbərləri bizim "WhatsApp" kanalımızda izləyin Müəllif Sevil Seymur Sosial şəbəkələrdə paylaşın Скопировано В Азербайджане отмечается 151-летие национальной прессы Azerbaijan celebrates 151st anniversary of national press (function () {var rand = Math.floor(Math.random() * 1e9);var adv_1164_iad_div = document.createElement("div");adv_1164_iad_div.setAttribute("id", "adviad-zoneid-1164" +rand);adv_1164_iad_div.style.cssText = "display: flex !important; justify-content: center !important;";document.currentScript.parentElement.appendChild(adv_1164_iad_div);var adv_1164_iad = document.createElement("script");adv_1164_iad.setAttribute("zoneid", 1164);adv_1164_iad.src = "https://newmedia.az/nativebanner/get_ads.js?v=" + new Date().toJSON().slice(0,10).replace(/-/g,'.');adv_1164_iad.async = true;document.currentScript.parentNode.appendChild(adv_1164_iad);})(); USD - 1.700 EUR - 1.959 TRY - 0.036 GEL - 0.649 RUB - 0.021 UAH - 0.038 Bakı 27° C Son xəbərlər 02:42 ABŞ-da faydalı qazıntıların hasilatına 3 milyard dollar investisiya qoyulacaq Digər ölkələr 02:08 Bessent yaxın günlərdə İranla yeni sazişin imzalana biləcəyini istisna etməyib Digər ölkələr 01:32 İspaniya İtaliyadan gələnlər üçün daxili sərhədlərdə nəzarət tətbiq edəcək Digər ölkələr 01:01 Pentaqon dronlara qarşı lazer qurğularının tədarükü üçün ilk müqaviləni imzalayıb Digər ölkələr 00:37 Akın Gürlek: Terror probleminin sona çatmasına az qalıb Region 00:00 Azərbaycan, Ermənistan və ABŞ liderlərinin tarixi Vaşinqton görüşündən bir il ötür Daxili siyasət 23:43 Foto Komitə rəsmisindən valideynlərə müraciət: Erkən evlilik uşağın gələcəyinin əlindən alınması deməkdir Daxili siyasət 23:29 Tramp Ali Məhkəməyə apellyasiya şikayəti verəcək Digər ölkələr 23:15 ABŞ SEPAH-a yardım edən iki kriptobirjaya qarşı sanksiyalar tətbiq edib Digər ölkələr Bütün Xəbər Lenti
Extract — continue reading at the source.
