Bu lin I yarısında Azərbaycanda satınalma müsabiqələri zamanı qanunvericiliyin tələblərinin pozulması halları aşkarlanmış 1 144 yekun protokol ləğv edilib. "Report"un Şamaxıya ezam olunmuş müxbiri xəbər verir ki, bunu Prezident yanında Antiinhisar və İstehlak Bazarına Nəzarət Dövlət Agentliyi sədrinin müavini Mirzə Mirzəyev media nümayəndələri üçün keçirilən təlimdə bildirib. O xatırladıb ki, Agentlik dövlət satınalmaları sisteminin tənzimlənməsi, metodoloji dəstəyin göstərilməsi, monitorinq və nəzarət funksiyalarını həyata keçirir: "Bu çərçivədə dövlət satınalmaları ilə bağlı müraciətlərin çevik emalı və qanunvericiliyin tələblərinə əməl olunmasına nəzarətin gücləndirilməsi istiqamətində tədbirlər görülüb.
Cari ilin ilk altı ayında açılışı keçirilmiş satınalmalar üzrə orta iştirakçı sayı açıq tender metodunda 3,7, kotirovka sorğusu metodunda 3,4, ümumilikdə isə 3,5 təşkil edib. Dövlət satınalmalarında çoxiştirakçılığın təmin edilməsi iqtisadi fəallığı stimullaşdırmağa xidmət edir. Rəqabət mühitinin genişləndirilməsi daha çox sahibkarın dövlət sifarişlərinə çıxış imkanlarını artırmaqla yanaşı, satınalma nəticələrinin daha səmərəli formalaşmasına şərait yaradır.
Sədr müavini əlavə edib ki, dövlət satınalmalarının vahid internet portalının funksional imkanları da genişləndirilib: "Artıq satınalma prosesinin başlanğıc mərhələsində elektron müqavilənin şərtləri birbaşa portal üzərindən formalaşdırılır. Bundan başqa, "etender.gov.az" portalı ilə Rəqəmsal Dövlət Maliyyəsi İnformasiya Sisteminin "e-müqavilə" altsistemi arasında inteqrasiya həyata keçirilib. İnteqrasiya yekunlaşmış satınalmalar üzrə müqavilə və təklif məlumatlarının "e-müqavilə" altsisteminə ötürülməsini və müqavilələrin həmin sistem üzərindən imzalanmasını əhatə edir.
İmzalanmış müqavilələr barədə məlumatlar isə yenidən dövlət satınalmalarının vahid internet portalına göndərilir".
Extract — continue reading at the source.
