Bu ilin I yarısında Azərbaycanda nəqliyyat dəhlizlərində dəmir yolu nəqliyyatı ilə 7 milyon 587,6 min ton, dəniz nəqliyyatı ilə 3 milyon 365,2 min ton və avtomobil nəqliyyatı ilə 5 milyon 699 min ton yük daşınıb. "Report" bu barədə Dövlət Statistika Komitəsinə istinadən xəbər verir. Məlumata görə, yanvar-iyun aylarında Cənub-Qərb nəqliyyat dəhlizi ilə daşınmış yüklərin həcmi isə 261,8 min ton, Şimal-Qərb nəqliyyat dəhlizi ilə 2 milyon 623,3 min ton, Şimal-Cənub nəqliyyat dəhlizi ilə 4 milyon 559,3 min ton, Şərq-Qərb nəqliyyat dəhlizi ilə 9 milyon 207,4 min ton, o cümlədən Avropa-Qafqaz-Asiya nəqliyyat dəhlizi ilə 4 milyon 595 min ton təşkil edib. 6 ay ərzində dəmir yolu nəqliyyatı ilə daşınmış yüklərin 46,6 %-ni, avtomobil nəqliyyatı ilə daşınmış yüklərin 46,5 %-ni tranzit yüklər təşkil edib.
Extract — continue reading at the source.
