APA xəbər verir ki, panel sessiyada Livan, Lamboca, Bosniya və Hersoqovina, eləcə də Serbiyadan olan nümayəndələr çıxış ediblər. Livan Mina Fəaliyyəti Mərkəzinin Logistika və İnzibati Bölməsinin rəhbəri Vajdi Jaber Hyder Livanda mina və partlayıcı qalıqlar problemi təkcə ərazilərin təmizlənməsi məsələsi deyil. Əsas məqsəd insanların təhlükəsiz şəkildə evlərinə qayıtması, dağıdılmış şəhərlərin bərpası, infrastrukturun yenidən qurulması və insanların yaşayışının bərpasıdır.
O vurğulayıb ki, yeni münaqişələr nəticəsində dağıntıların altında partlayıcı qurğuların qalması vəziyyəti daha da çətinləşdirib. Buna görə də hər əraziyə eyni yanaşmaq olmaz — risk və humanitar ehtiyac qiymətləndirilməli, daha təhlükəli ərazilərdə əlavə təhlükəsizlik tədbirləri görülməlidir. Kamboca Mina Fəaliyyəti Mərkəzinin Beynəlxalq Əməkdaşlıq və Hüquq Məsələləri üzrə baş direktoru Suonpraset Prum isə bildirib ki, Kamboca uzun illərdir mina və partlayıcı qalıqlarla mübarizə aparır və bu sahədə böyük təcrübə əldə edib.
O qeyd edib ki, 30 ildən artıq müddətdə 3 600 kvadratkilometrdən çox ərazi təmizlənib və 4,5 milyondan çox mina və partlayıcı qurğu məhv edilib. Lakin ölkədə hələ də böyük həcmdə çirklənmiş ərazi qalır. Onun sözlərinə görə, yeni sərhəd münaqişələri vəziyyəti daha da çətinləşdirib, yeni kasetli sursat çirklənməsi yaranıb və yüz minlərlə insan məcburi köçkün vəziyyətinə düşüb.
Buna görə Kamboca mina təmizləmə işlərini sürətləndirməyi və ölkəni 2030–2035-ci illərdə mina təhlükəsinin təsirindən azad etməyi hədəfləyir. Bosniya və Herseqovina Mina Fəaliyyəti Mərkəzinin Mina Fəaliyyəti Departamentinin rəhbəri Tarik Serak Bosniya və Herseqovinada mina probleminin miqyası, son 30 ildə əldə olunan nəticələr və qarşıda duran hədəflər barədə danışıb. O bildirib ki, 1996-cı ildə ölkədə təxminən 4 200 km² ərazi minalarla bağlı şübhəli hesab olunurdu və bu ərazinin 80%-dən çoxu artıq təmizlənib.
Hazırda isə 750 km²-dən çox şübhəli ərazi qalır. Serbiya Respublikasının Mina Fəaliyyəti Mərkəzinin direktoru Bojan Glamoclija ölkəsində hələ də 50 milyon kvadratmetrdən çox ərazinin müharibədən qalmış partlayıcı sursatlarla çirkləndiyini, 150-dən çox bölgədə isə aviasiya bombaları və raketlərin qaldığını deyib. Onun sözlərinə görə, təmizlənmiş ərazilər sonradan kənd təsərrüfatı, tikinti, yollar, sənaye və digər infrastruktur layihələri üçün istifadə olunur.
Panel müzakirəsi sual-cavab hissəsi ilə başa çatıb.
Extract — continue reading at the source.
