Azərbaycan Dövlət Kukla Teatrında 95 illik yubileyi mövsümünün yeni səhnə əsərlərindən olan Balaca səyyah tamaşasının məşqləri davam edir.
Kulis.az xəbər verir ki, tamaşanın oktyabr ayında balaca tamaşaçıların görüşünə çıxması nəzərdə tutulur.
Belarus dramaturqu, rejissoru və aktyoru Dmitri Boqoslavskinin Mən necə səyyah oldum əsəri əsasında hazırlanan tamaşa uşaqların böyük arzulara gedən yolunun yalnız xəyal və qətiyyətdən deyil, həm də bilik və hazırlıqdan keçdiyini göstərir. Tamaşanın baş qəhrəmanı dünyanı kəşf etmək, yeni ölkələr görmək, üfüqləri aşmaq arzusunda olan balaca bir oğlandır. O, ilk səyahətinə çıxaraq dəniz canlıları və digər maraqlı obrazlarla qarşılaşır, müxtəlif macərar yaşayır və hər qarşılaşmada yeni bir həqiqəti kəşf edir.
Səhnə işinin əsas ideyası uşaqların öyrənmək, məktəb biliklərinin və dünyagörüşünün gələcək arzulara çatmaq mühüm rol oynadığını aşılamaqdır. Qəhrəman səyahət zamanı anlayır ki, coğrafiya ilə yanaşı, riyaziyyat, xarici dil və digər fanallar onun üçün vacibdir. Beləliklə, o, arzularına çatmaq üçün ilk növbədə öz üzərində çalışmalı olduğunu dərk edir.
Balaca səyyahın səhnələşdirmə və quruluş müəllifi Anar Məmmədov, quruluşçu rəssamı İqbal Əliyev, bəstəkarı Əməkdar rəssam Vüqar Camalzadədir.
Birhissəli kukla tamaşasında obrazları teatrın aktyorları - Əməkdar sənətkar Cəmilə Allahverdiyeva, aktyorlar Rəhim Rəhimov, Səriyyə Mansurova, Bayram Ağamalıyev, Araz Həsənli, Könül Nəsibli, Səbinə Məmmədova, Ramiz Qəmbərov, Samirə Nəcəfova, Yusif Baxşəliyev, Firuzə Nəsibli və Yasin Abbasov.
Xülasə — davamını mənbədə oxuyun.
