İspaniyanın "Barselona" klubu "Atletiko"nun futbolçusu Xulian Alvaresın transferinin baş tutması halında ehtiyat planlar hazırlayıb. "Report" xəbər verir ki, bu barədə "Marca" nəşri məlumat yayıb. Kataloniya təmsilçisinin siyahısında əlavə dörd hücumçu var.
Bunlar Lautaro Martines ("İnter"), Mikel Oyarzabal ("Real Sosyedad"), Luis Suares ("Sportinq") və Viktor Dyökereşdir ("Arsenal"). Kataloniya təmsilçisinin yeni mərkəz hücumçusu almaqdan imtina etməsi də mümkündür. Bu halda baş məşqçi Hans-Diter Flik "saxta 9 nömrə" sxemindən istifadə edə bilər.
Bu mövqedə isə Lamin Yamal, Dani Olmo, Rafinya, Kərim Adeyemi və Entoni Qordon oynaya bilir. Hazırkı ölkə çempionu Alvaresin kluba keçməsi üçün "Atletiko" rəhbərliyi ilə danışıqlar aparmasını gözləyir. Xatırladaq ki, 2024-cü ildə "Mançester Siti"dən "Atletiko"ya keçən 26 yaşlı forvard ötən mövsüm 49 matçda 20 qol və 9 məhsuldar ötürmə ilə yadda qalıb.
Extract — continue reading at the source.
