SOCAR və Türk Petrolları Anonim Ortaqlığı (TPAO) Azərbaycan və Türkiyədə, eləcə də üçüncü ölkələrdə yeni birgə neft-qaz layihələrinin həyata keçirilməsi müzakirə olunur.
APA-Economics xəbər verir ki, bunu Türkiyənin energetika və təbii sərvətlər naziri Alparslan Bayraktar Azərbaycan-Türkiyə 5-ci Enerji Forumunun yekunlarına dair çıxışı zamanı bildirib.
Onun sözlərinə görə, SOCAR və TPAO arasında kəşfiyyat və hasilat sahəsində əməkdaşlığın genişləndirilməsi planlaşdırılır.
Ötən il Şəfəq-Asimanda başlayan əməkdaşlığımızın, inşallah, Qarabağla davam etməsini istəyirik. SOCAR-la həm Türkiyədə, həm Azərbaycanda, həm də üçüncü ölkələrdə birgə həyata keçirəcəyimiz kəşfiyyat layihələrini müzakirə edirik və bu istiqamətdə konkret layihələr ortaya qoyacağıq, - Alparslan Bayraktar bildirib.
O əlavə edib ki, TPAO ötən il Xəzərin Azərbaycan sektorundakı Şəfəq-Asiman perspektiv strukturunun birgə kəşfiyyatı və işlənməsi layihəsinə 30%-lik iştirak ödənişi ilə qoşulub.
Nazir, həmçinin mövcud neft-qaz infrastrukturunun maksimum gücünün istifadəsinin prioritet olduğunu bildirib. Onun sözlərinə görə, tərəflər Bakı-Tbilisi-Ceyhan neft kəməri gündəlik 1 milyon barel layihə gücünə çatdırılma imkanlarını müzakirə edirlər.
Xülasə — davamını mənbədə oxuyun.
