Bakı Fond Birjasının (BFB) İdarə Heyətinin sədri və baş icraçı direktoru Ruslan Xəlilov Trend-ə bildirib ki, yaxın illərdə Azərbaycanda ilkin kütləvi təkliflərin (İPO) daha da genişlənəcəyi gözlənilir. O, Azərbaycanda IPO-ların perspektivləri ilə bağlı gözləntilərini və qiymətləndirmələrini bölüşüb. Telekommunikasiya sektorunun IPO üçün potensial namizəd ola biləcəyini qeyd edən R.
Xəlilov bildirib: "Telekommunikasiya sektorunda maliyyə hesabatları və korporativ idarəetmə göstəriciləri bank və maliyyə sektorlarının göstəriciləri ilə müqayisə edilə bilən səviyyədədir. Ona görə də telekommunikasiya şirkətləri artıq IPO-ya tam hazır ola bilər və ya onların hazırlıqlarını tamamlamaq üçün çox qısa vaxt lazım ola bilər". BFB-nin baş icraçı direktoru cari bazar fəallığından da danışıb: “Açığını deyim ki, hansı şirkətlərin birjaya çıxacağını əvvəlcədən söyləmək mümkün deyil.Lakin elə şirkətlər var ki, artıq müəyyən niyyətlərini ifadə edirlər, danışıqlar zamanı ciddi maraq göstərirlər, bizdən lazımi məlumatları alırlar, broker şirkətləri ilə birgə hazırlıq işləri aparırlar.
Əslində, hələ heç bir şirkət prospektin hazırlanması prosesinə başlamamışdır. Buna baxmayaraq, mən ümumi vəziyyətə müsbət baxıram və ümid edirəm ki, növbəti illərdə ölkəmizdə IPO fəaliyyətinin daha da sürətlənməsinin şahidi olacağıq”. Mənbə: https://www.trend.az/business/4218122.html © 2026 Trend İnformasiya Agentliyi.
Xülasə — davamını mənbədə oxuyun.
