Bulvar İdarəsində mənimsəmə ilə bağlı məhkəmə: İfadələr istintaqa söylənilənlə ziddiyyət təşkil edib Daxili siyasət 01 iyul, 2026 12:08 Dənizkənarı Bulvar İdarəsinin İdarə heyətinin mənimsəmədə təqsirləndirilən sabiq sədri İlqar Mustafayev, köməkçisi Rəşad Bədəlov və "GİRASOL" MMC-nin direktoru Fuad Babayevin məhkəməsində şahidlər ifadə verib."Report"un məlumatına görə, Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçirilən prosesdə hakim tərkibi dəyişdiyi üçün məhkəmə istintaqı yenilənib.Lakin tərəflər prosesin qaldığı yerdən davam etməsinə etiraz etməyiblər. İclas qaldığı yerdən davam edib.Prosesdə şahidlər ifadə veriblər. Şahid Aydın Alxasov təqsirləndirilən şəxsləri tanıdığını deyib:"İstintaqda ifadə vermişəm.
Dənizkənarı Bulvar İdarəsinə işə düzəlmişdim. İlqar müəllimlə tanışlığım var idi. Xahiş etmişdim, işə götürmüşdü.
Velosiped təmirçisi işləyirdim, sonra işləyə bilmədim. İşlənmiş velosipedləri yeniləmək lazım idi, bunu edə bilmədim, ona görə çıxdım. Sonra qarajda mexanik işləməyə başladım.
Maaşımın 600-700 manatını kartla, 300 manatı isə əldən alırdım".Şahid suallara cavab verərkən deyib ki, qarajda işləyərkən maaş alıb, velosipedlərin yenilənməsinə kömək etdiyi üçün də sahibkar ona pul verib.Şahidin ifadələri arasında ziddiyyət olduğu üçün ibtidai istintaqda verdiyi ifadəsi elan olunub. Aydın Alxasov ibtidai istintaqı verdiyi ifadəsində söyləyib ki, iki nəfəri idarəyə gətirib, onlara VÖEN açmağı tələb edib ki, adlarına maaş yazılsın. O və digər iki nəfər formal işləyib və maaşı alaraq idarəyə təhvil veriblər.Şahid məhkəmədə bildirib ki, sözügedən şəxslər əvvəldən də idarədə işləyib.
Onun sözlərinə görə, qarajda işlədiyi müddətdə veloparka da nəzarət edib, əlavə iş kimi orada da işləyib. O deyib ki, işdən çıxandan sonra veloparkı yeni sahibkarlara təhvil verib. Onlara idarə ilə əlaqə saxlamalarını bildirib.Prosesdə ifadə verən şahid Tohid Abbasov təqsirləndirilən şəxsləri tanıdığını söyləyib.
O bildirib ki, bulvarda "popcorn" aparatlarını işlədib:"Aparatları özüm almışdım. İcarəhaqqı vermirdim, pulu onlara verirdim. İlqar Mustafayevə hər hansı bir pul verməmişəm.
Extract — continue reading at the source.
