Cüdoçularımız Avropa çempionatının finalında

Monteneqronun paytaxtı Podqoritsada cüdo üzrə gənclər arasında U-21 Avropa çempionatı start götürüb.

Modern.az xəbər verir ki, yarışın ilk günündə Azərbaycan millisinin 7 üzvü üzərinə çıxıb.

Onlardan Ayxan Mirzəzadə (60 kq) və Məhəmməd Musayev (66 kq) finalda yüksəliblər. Xədicə Qadaşova (57 kq) bürünc medal uğrunda təsəlliverici görüşə vəsiqə qazanıb.

Nərgiz Əhmədova, Gülyaz Musayeva (hər ikisi 48 kiloqram), Aysun Məmmədova (52 kiloqram) və Aytən Verdiyeva (57 kiloqram) ilk görüşdə məğlub olublar.

Qeyd edək ki, sentyabrın 5-dək davam edəcək çempionatda 44 ölkədən 400 nəfər (222 oğlan, 178 qız) iştirak edib. Azərbaycan yarışında 10 çəki dərəcəsində 14 cüdoçu (9 oğlan, 5 qız) ilə təmsil olunur.