Suriya keçmiş prezident Bəşər Əsədin hakimiyyəti dövründən qalan kimyəvi maddələrin məhv edilməsi prosesinə başlayıb. Modern.az xəbər verir ki, bu barədə Dəməşq BMT Təhlükəsizlik Şurasını məlumatlandırıb. Suriyanın BMT-dəki daimi nümayəndəsi İbrahim Olabi bildirib ki, ölkə ərazisində on ildən artıq fasilədən sonra ilk dəfə belə əməliyyat həyata keçirilir.
Onun sözlərinə görə, prosesin əsas məqsədi qadağan olunmuş maddələrin üçüncü tərəflərin əlinə keçməsinin qarşısını almaq, Suriya və bütövlükdə region üçün təhlükəni azaltmaqdır. BMT və Kimyəvi Silahların Qadağan Edilməsi Təşkilatı indiyədək 42 aviabombanın, eləcə də kimyəvi silahların istehsalı və saxlanılması üçün istifadə edilən bir sıra obyektlərin məhvini təsdiqləyib. Suriyanın yeni hakimiyyəti Əsəd dövründən qalan bütün kimyəvi silah ehtiyatlarının müəyyənləşdirilməsi və zərərsizləşdirilməsi üçün beynəlxalq təşkilatla əməkdaşlığa hazır olduğunu açıqlayıb.
Extract — continue reading at the source.
