Finlandiyanın Ədliyyə Nazirliyi cinayət məsuliyyəti yaşının aşağı salınması məsələsini nəzərdən keçirir. "Report" xəbər verir ki, bu barədə "Yle" yazır. Hazırda Finlandiyada 15 yaşınadək uşaqlar cinayət məsuliyyəti daşımırlar və hətta onların ağır cinayətlərinə uşaqların müdafiəsi tədbirləri çərçivəsində baxılır.
"Ötən həftə İsveç ağır cinayətlərə görə cinayət məsuliyyəti yaşını 14-ə endirmək qərarına gəlib və mən ümid edirəm ki, Finlandiya da yeniyetmə cinayətkarlığı ilə mübarizədə İsveçin nümunəsini izləyəcək", – ədliyyə naziri Lina Meri qeyd edib. Finlandiyada son illərdə 15 yaşınadək şəxslər tərəfindən törədilən zorakılıq halları və digər ağır cinayətlərin sayı artıb. Xatırladaq ki, iyul ayında İtaliya hökuməti cinayət məsuliyyəti yaşının 14 yaşa qədər aşağı salınması barədə qanun layihəsini təsdiqləyib.
Extract — continue reading at the source.
