"Lala" qasırğası Havay arxipelaqının Böyük adasında şiddətli yağışlar, daşqınlar və torpaq sürüşmələrinə səbəb olub. "Report"un "CBS News"a istinadən xəbərinə görə, 1-ci kateqoriyalı fırtına güclənərək maksimal sürəti saatda 80 mil olan qasırğaya çevrilib. Havay ştatının qubernatoru Coş Qrin sosial şəbəkədə paylaşdığı videomüraciətdə insanları evlərində qalmağa çağırıb.
Elektrik kəsintilərini izləyən "PowerOutage.us" xidmətinin son məlumatlarına görə, ştatda təxminən 76 min istehlakçı işıqsız qalıb ki, bu da sakinlərin ümumi sayının təxminən 15 %-ni təşkil edir. Havay Fövqəladə Hallar Agentliyi bildirib ki, Böyük adada ağaclar aşıb və elektrik xəttləri qırılıb. Rəsmilərin sözlərinə görə, Böyük adada yerləşən hava limanları müvəqqəti olaraq bağlanıb.
Təbii fəlakətin nəticələrinin aradan qaldırılmasına kömək göstərmək məqsədilə Havay Milli Qvardiyasının 180-ə yaxın hərbi qulluqçusu göndərilib.
Extract — continue reading at the source.
