Hindistanın şimal-şərqindəki Bihar əyalətindəki Aşok Dham məbədində dini tədbir zamanı baş verən izdihamda azı yeddi nəfər ölüb. "Report" ANI agentliyinə istinadən xəbər verir ki, hadisəyə elektrik dirəyinin aşmasının səbəb olduğu güman edilir. İzdihamın insanların elektrik cərəyanı vurması nəticəsində yarandığı güman edilir.
"Yeddi ölüm hadisəsi barədə məlumat aldıq. Dəqiq səbəbi yalnız bütün hallar ətraflı araşdırıldıqdan sonra təsdiqləyə biləcəyik", - polis rəisinin müavini Şivam Kumar deyib. Hadisə nəticəsində onlarla insan xəsarət alıb, onlardan bəzilərinin vəziyyəti ağırdır.
Faciə bazar ertəsi səhəri minlərlə dindarın hindu tanrısı Şivanın şərəfinə dua etmək üçün məbəddə toplaşdığı zaman baş verib. İlkin hesablamalara görə, ərazidə təxminən 50 000 zəvvar olub.
Extract — continue reading at the source.
